“I love my country”, formati më i ri në TCH që nxjerr zbuluar kulturën e VIP-ave shqiptarë.

Është një show suksesi, pasi ky format në orarin prime time të të shtunave tashmë transmetohet në 30 vende të botës. Titullohet “ I love my country” dhe nga viti në vit shtrin territorin e tij në botë, ndërsa pritet të realizohet këtë sezon edhe në Shqipëri.

Pas shkrirjes së programit e ”E diell”, ku Xhemi Shehu ishte moderatore, si fillim me Adi Krastën dhe sezonin e kaluar me Alban Dudushin, flitet se do të prezantojë këtë format të ri, që “Top Channel” do ta sjellë në këtë sezon të ri televiziv.

Xhemi Shehu, në mbyllje të sezonit të kaluar “E Diell”, në një intervistë për gazetën “Panorama”, pohoi se pas 10 viteve në ekran, ende s’e kishte prekur terrenin e dëshiruar në televizion, që nënkuptonte prezantimin e formatit të saj të preferuar. Dhe duket se “I love my country” tingëllon shumë i përshtatshëm për shijet e saj, pasi ka lojën dhe humorin e batutave. Zakonisht, suksesi i këtij formati qëndron në kiminë, apo afrimitetin që krijohet mes personazheve të skuadrës, që e ngacmojnë apo e mbështetin pjesëtarin e skuadrës në mënyrën e tyre, duke zbuluar një tjetër anë të karakterit. Secila skuadër VIP ka një kapiten, dhe skuadra fituese e garës fiton një çmim special çdo javë. Secila skuadër e kryesuar ka tre anëtarë, një përfaqësues për secilën kategori moshe (20-29 vjeç, 30-39 vjeç, 40-49 vjeç). Skuadrat do u përgjigjet pyetjeve të Xhemit, pyetje të thjeshta e të komplikuara, që i dedikohen vetëm Shqipërisë.

“I love my country”, show që vë në provë kulturën e VIP-ave shqiptarë

Po çfarë është ky spektakël? “I love my country” është i konceptuar si një panel loje me shumë humor dhe shpirtin e garës. Tetë personazhe të njohur VIP do të sfidojnë njëri-tjetrin, ndërsa janë të ndarë në 2 ose katër skuadra. Nëpërmjet batutave, ngacmimeve dhe lojës që ata do të bëjnë në ekran, njëkohësisht do të maten dijet e tyre për Shqipërinë, ndërsa do të përfshihet edhe publiku në lojë, pasi i ndarë në grupe do të suportojë secilën skuadër. Nëpërmjet rregullave të lojës, spektakli “I love my country” do t’i bëjë personazhet e njohur shqiptarë të garojnë në të njëjtën kohë për gjithçka dhe për asgjë, që do të thotë të zbulojnë kulturën e tyre pa kushte. Pra, filozofia e lojës është të tregojë se sa janë ata të informuar për filmat më të njohur shqiptarë, spektaklet apo programet më të njohura dhe nostalgjikë të vendit, këngët më të famshme të 30 viteve të fundit, fakte të spikatura nga historia jonë, momentet më historike të sportit shqiptar, njohuri për gjuhën shqipe dhe kulturën e vendit. Me pak fjalë, ky show, javë pas jave është konceptuar si një udhëtim në memorien dhe njohjen e Shqipërisë. Natyrisht përzgjedhja e garuesve do të bëhet me audicion, prandaj jemi kureshtarë të dimë për personazhet që do ta marrin përsipër një rrisk të tillë. Natyrisht që presim të shohim se sa impakt do krijojë në publikun shqiptar ky show, që ka pasur sukses edhe në vendet e Lindjes së Mesme. Ndërkohë BBC-ja i ka bërë promocion këtij show, si një projekt pilot që prezantohet nga David Walliams. Ky spektakël e transmetoi edicionin e tij të parë në Hollandë, më 8 mars të 2008-s. Spektakli është shitur deri tani në vende si: Belgjikë, Francë, Bullgari, Kinë, Kroaci, Republika Çeke, Danimarkë, Gjeorgji, Gjermani, Greqi, Itali dhe 18 vende të Lindjes së Mesme. Nuk është vendosur ende data kur ky spektakël do të nisë transmetimin në ekranin e “Top Channel” në Shqipëri, ndërkohë që Xhemi, ndryshe nga prezantuesit e tjerë, gjatë verës ka qenë e pranishme në ekran, pasi prezantoi spektaklin “Summer Fest 2012”, një tur artistik në disa qytete të vendit me muzikë, panaire, sfilita e të tjera argëtime. PanoramaPlus

PËRGJIGJU

Please enter your comment!
Please enter your name here