Në mesin e 95 kandidatëve nga e gjithë bota, përfaqësuesi i Shqipërisë në “Miss & Mister Universe 2010” Visar Kuqi thekson se është ndarë i kënaqur nga ky eveniment pasi ka përfaqësuar shtetin shqiptar në një eveniment të rëndësishëm të bukurisë.

Isha në konkurs në Miss e Mister Universe 2010, aty kam përfaqësuar Shqipërinë dhe kanë marrë pjesë diku 95 kandidat nga gjithë bota, kurse unë kam arritur të futem në top 20 më të mirët”, tregon Visari teksa shton se deri më tani akoma nuk ka marrë ndonjë ofertë të re për të përfaqësuar Shqipërinë apo Kosovën (pasi me origjinë është nga Theranda-Kosovë).

“Deri tani nuk kam pas asnjë ofertë apo kontratë pune, por nuk kam qenë shumë i interesuar për të punuar këtu, kam jetuar në Francë unë deri para disa muajsh dhe tash së shpejti pres të iki prap atje edhe të filloj të punoj.

Për mendimin tim nuk ka shumë prespektivë në Kosovë dhe Shqipëri të merresh me modelizem. Në Mister Universe ishin 95 shtete pjesmarrëse, vet organizatorët kanë bërë përzgjedhjen e kandidatëve nga secili shtet, ishte një faqe e posaçme në internet aty u bënte votimi.

Ka zgjat 1 muaj votimi në internet, pas 1 muaj votim janë zgjedhur top 20 ku aty arrita të futem dhe pastaj përsëri ka pasur votime për të zgjedhur top 5, për fat të keq nuk arrita të futem këtu. Ata që janë fut në top 5 tash kanë për të shkuar në Portugali ndërkohë akoma vazhdon gara e votimit në internet për top 5”, përfundon Visari.

PËRGJIGJU

Please enter your comment!
Please enter your name here