Sukseset e njëpasnjëshme duket se nuk kanë të ndalur për modelen shqiptare në Amerikë, Vildane Zeneli, e cila njihet me emrin Vicky.

Siç e shihni edhe në këtë foto, Vicky ndodhet përkrah yllit të grupit të njohur “Black Eyes Peas”, Apl. De. Ap., ndërsa ka realizuar promon e një serie televizive në lidhje me turneun botëror.

Kemi mësuar, se disa modele të njohura kanë marrë pjesë në këtë spot, ku secila prej tyre duhet të realizojë një koktail për njërin prej anëtarëve të “Black Eyes Peas”.

Në fund ai do të zgjedhë vetëm njërën prej tyre, sigurisht me ndihmën e publikut përmes faqes së tyre të publikut Dipdive.

Vicky ka thënë, se për më tepër informacione duhet ta ndjekim live programin në tv amerikan, gjë që për ne tingëllon paksa e pamundur.

Megjithatë shpresojmë, që Apl. de Ap., të ketë zgjedhur Vicky-n…Vildane Zeneli, bukuroshija zeshkane shqiptare ka pozuar së fundmi edhe për reklamën e RAM Trucks në revistën e njohur Sport Illustrated.

Aty ajo shfaqet me një stil western, padyshim mjaft në formë dhe seksi edhe pse e veshur me pantallona kauboj.

Vicky ka pozuar për shumë firma të njohura të modës, si Roberto Cavalli, D&G, JLO, ndërsa në Shqipëri njihet edhe falë videoklipi të këngës “Next” të Flori Mumajesit, ku ajo shfaqet si protagoniste. /Standard/

PËRGJIGJU

Please enter your comment!
Please enter your name here