Si të krijojmë ‘sy si të maces’, sikur të January Jones-it?Ne jo vetëm që e adhurojmë January Jones-in për paraqitjet e saj si aktore, mirëpo ajo është shumë e adhuruar edhe për dukjen e saj, pasi që ajo nuk frikësohet të sjellë risi në dukjen e saj.

Artistja e grimit e cila ka punuar në dukjen e January-t për paraqitjen e saj në premierën e fundit të serisë televizive të saj, Rachel Goodwin, ka thënë: ‘Për grimin e January-t unë kam përdorur edhe ngjyrat mat edhe ato me tekstura metalike. Në sytë e saj kam aplikuar ngjyrën e kaltër në kombinim me ngjyrën e arit, për të krijuar një pamje klasike të syve si të maces.’

Për krijimin e syve tërheqës të January-t, Goodwin ka përdorur ‘eyliner’-in i cili është i qëndrueshëm ndaj ujit ‘CHANEL Stylo Yeux’ me ngjyrë të kaltër safiri në qepallën e sipërme, ndërsa në qepallën e poshtme ka përdorur ‘eyliner’ me ngjyrë të artë nga po e njëjta markë, për të krijuar atë që stilistja e ka quajtur ‘kontrast tërheqës i ngjyrave’.

Goodwin më pas i ka dredhuar qerpikët e aktores dhe ka aplikuar dy shtresa maskarë me ngjyrë të errët, për të përfunduar me një buzëkuq me ngjyrë rozë të zbehtë të markës së njohur ‘Chanel’.

PËRGJIGJU

Please enter your comment!
Please enter your name here