Këngëtari nga Kosova, i cili talentin e tij e zbuloi në  “Top Fest”, Shpat Deda këto kohë është bërë një nga emrat më të kërkuar të muzikës kosovare, sa i përket performancave “live” nëpër pube të ndryshme.

Ai jeton i vetëm në një apartament në Prishtinë, duke dashur të shijojë akoma veten të lirë, si në kohën kur ishte për studime në Bullgari.

Shpati luan shumë mirë në piano dhe kitarë, ndërsa dëshirë e tij ishte të blejë një tjetër instrument për të cilët thoshte se mëson t’i luajë shumë shpejt.

Fituesi i shumë çmimeve prestigjioze në festivale të ndryshme, Shpati ka edhe një të dashur të cilën është duke e mbajtur të fshehtë, pasi ajo nuk e lejon që të publikojë lidhjen në media.

“Për mua nuk është asnjë problem të tregoj me kë jam, por nuk më përket mua të marr vendimin e të nxjerr dikë në media, derisa ajo nuk është e gatshme të dalë”, ka theksuar këngëtari për gazetën shqiptare “Panorama” .

Ai ka bërë të ditur se vazhdon të punojë për të sjellë këngë dhe krijime të reja muzikore në treg.

PËRGJIGJU

Please enter your comment!
Please enter your name here