rozana“Ma thuaj ti” është kënga e Rozana Radit në Festivalin “Kënga Magjike”, e cila është pëlqyer shumë që nga transmetimi i parë i saj.

Përmes një postimi në rrjetet sociale, këngëtarja ka treguar se përmes kësaj kënge e ka ngritur zërin kundër keqtrajtimit që i bëhet femrës në shoqërinë shqiptare.

“Unë mundohem me gjithë qenien time të bëj art. Të jem e vërtetë në atë që këndoj, sepse unë jam shqiptare. Jam rritur në këtë frymë ku femra duron më tepër se guri. Ku fëmijët janë dëshmitarë të bisedave të dhunës në familje. Ku burrat e kanë të vështire të përballen me një femër, e cila ia del e vetme”.

“‘Nëse kërkon vepra, pyet një femër’. Unë e ngrita zërin, jo për të bërtitur, por për të gjitha ato femra që nuk kanë mundësi të shprehen… Unë nuk mund të kem sukses nëse ju nguroni”.

“Ne mund të bëjmë gjithçka që mund të bëjnë meshkujt, por janë meshkujt ata që duhet të thonë: ‘Ne mund të bëjmë gjithçka që mund të bëjnë dhe femrat’. Pyetja nuk është kush do të na lejojë ne të jemi të forta, por kush do mund të na ndalojë”, shkruan aktorja dhe këngëtarja e njohur. /Telegrafi/

PËRGJIGJU

Please enter your comment!
Please enter your name here