Këngëtarja Rona Nishliu, e cila e përfaqësoi denjësisht shtetin shqiptar në ‘Eurovision Song Contest’, do të jetë mysafire speciale në edicionin e këtij viti të festivalit ‘Suncane Skale’.

Rona do të jetë mysafirja speciale e edicionit të 18-të të këtij festivali. Ajo do të performojë krahas këngëtares serbe Marija Serifovic, e cila është fituese e Eurovizionit të vitit 2007.

Këtë lajm e kanë konfirmuar organizatorët e këtij festivali ekskluzivisht për portalin Telegrafi.

Edicioni i 18-të i festivalit muzikor ‘Suncane Skale’ 2012 mbahet në datat 2 dhe 3 korrik në qytetin Herceg Novi të Malit të Zi.

Këngëtarë të ndryshëm nga shume shtete të Ballkanit dhe më gjerë do të prezantohen në këtë festival. Këngëtarja nga Shqipëria, Enrika Derza, do të paraqitet me këngën e saj ‘Jam e imja’ në kategorinë ‘Kënga më e mirë verorore’.

PËRGJIGJU

Please enter your comment!
Please enter your name here