E konsideruar si senzacion në Britaninë e Madhe, Rita Ora, tashmë është mes këngëtareve më të suksesshme në Evropë.

Këtë e vërtetojnë edhe nominimet nga televizioni i njohur muzikor MTV, që ka vënë Ritën në listen e këngëtarëve potencial për të fituar European Music Awards 2012 – MTV EMA, që vlerësohen si çmimet më të rëndësishme në industrinë muzikore evropiane.

Rita ka dy nominime për MTV EMA 2012, në kategoritë për artistët e rinjë.

Në kategorinë Best Push, përveç Ritës, të nominuar janë edhe 10 artistë të tjerë, duke përfshirë Lana Del Ray, Gotye, Fun, Carly Rae Jepsen etj. Ndërsa për çmimin në kategorinë Best New , Rita përballet me Carly Rae Jepsen, Fun, Lana Del Rey dhe One Direction.

Shpërblimet do të ndahen në bazë të votave të publikut, që do të grumbullohen deri më 9 nëntor. Ceremonia e ndarjes së shpërblimeve për artistët më të mirë në Evropë, do të mbahet me 11 nëntor.

PËRGJIGJU

Please enter your comment!
Please enter your name here