Riselda Sejdia: Im shoq është Babë TerezaRiselda Sejdia, ish-balerina e njohur për rrëfimin e saj pa doreza në televizion, në lidhje me dashurië plot pasion me biznesmenin 30 vjet më të madh se vetja, Ajdin Sejdia, nuk duroi dot gjatë por ka marrë penën dhe ka hedhur disa rradhë në print.

Duke dashur t’i dalë në mbrojtje të shoqit dhe vetes, njëjtë si në studion e “Takimit të Pasdites”, kur pas debatesh të nxehta këmbënguli se nuk ishte martuar me Ajdinin për paratë e tij, por nga dashuria, Riselda e irrituar denoncon sot në “Koha Jonë” lajmet fallco që media sipas saj, ka publikuar në adresë të bashkëshortit 63-vjeçar.

Riselda Sejdia revoltën e shpreh me figuracione që të sjellin në mend gropën e famshme në qendër të Tiranës: “STOP intrigave në këtë vend që ishte gropë thithëse. Madje edhe tani që vazhdon të jetë po grope, mos kujtoni se duke i hedhur hi syve popullit do të mund ta fitoni atë gropë duke menduar që mund t’ia bëni jetën tjetrit gropë. Gropa qëndron tek i zoti dhe lopatat do të vazhdojnë të hedhin baltë, derisa dheu i familjes sonë do i mbulojë gjer në themele.” – shkruan pedagogia e Universitetit të Arteve.

“Asnjëherë legjendat, apo përrallat që janë shkruar nëpër gazeta për Ajdin Sejdiun nuk kanë qenë të vërteta, kanë qenë dufe dhe shëmtim nga armiq, që nuk i arrijnë dot aftësitë e një bizesmeni mendjehapur dhe me sukses internacional, por edhe me shpirtin e një Bab’ Tereze.” – shprehet bashkëshortja e biznesmenti kosovar i cili është raportuar së fundi se po hetohet nga Prokuroria pasi fitoi tenderin për parkun energjitik të Durrësit.

PËRGJIGJU

Please enter your comment!
Please enter your name here