Real 1 ka zbuluar për Telegrafi.com se kënga e radhës e tij dhe DJ Blunt do të jetë një bashkëpunim me 2po2 dhe Capital T.

Njëri ndër reperët më të mirë në Kosovë, emri i vërtetë i të cilit është Ilir Zhita, e cili gjithmonë qëndron në krah me DJ Blunt, po ashtu ka thënë se kënga, e cila flet për muzikën hip-hop, do të shoqërohet edhe me një klip.

“Bashkëpunimi i imi dhe DJ Blunt kësaj radhe është me 2po2 dhe Capital T. Së shpejti do të realizojmë edhe videoklipin. Teksti i muzikës më shumë flet për muzikën hip-hop. Nuk dëshiroj të zbuloj më shumë sepse dëshirojmë të mbetet befasi”, ka thënë Real 1 për Telegrafi.

Real 1 gjithashtu ka bërë të ditur se ai me DJ Blunt së shpejti do të vijnë me një këngë tjetër të re të cilën po ashtu do ta shoqërojnë me klip.

“Jemi duke punuar shumë. Përveç bashkëpunimit mes 2po2 dhe Capital T, unë dhe DJ Blunt kemi realizuar një këngë tjetër të re që së shpejti edhe kjo pritet të realizohet me klip”, ka përfunduar reperi duke hezituar të jap më shumë detaje. /Telegrafi/

1 Koment

PËRGJIGJU

Please enter your comment!
Please enter your name here