Adrian GaxhaPas deklarimit të Flori Mumajesit se për të Adrian Gaxha nuk është këngëtar, por një fenomen i shoubizit, vjen reagimi i këngëtarit nga Shkupi, i cili e quan ‘gay’ kantautorin nga Shqipëria.

“Adrian Gaxha, po të ishte këngëtar, unë do të kisha punuar me të. Për mua ai s’është këngëtar. Është një fenomen i shoubizit”, ka deklaruar Flori në një intervistë për emisionin në internet, Thumb.

Ndërkaq, në një mesazh drejtuar krijuesit të hitit “Tallava”, Adriani është kundërpërgjigjur në mënyrë ofenduese duke i thënë se merret me muzikë që nga mosha pesëvjeçare kur Flori nuk ka ekzistuar.

“…dhe sot e kësaj dite kultura dhe respekti ndaj punës nuk ma kanë lejuar të them asnjë fjalë të keqe apo ta kritikoj ndonjë muzikant, ndërsa ti je zënë me gjithë estradën dhe po përpiqesh që të kapesh edhe me mua duke më kritikuar qe dy herë!”.

“Kush je ti? Çka je ti? E quan veten kompozitor, ndërsa të gjithë e dimë se nuk e di çfarë është shkalla C-dur, të gjitha këngët që të arritën sukses t’i kanë bërë njerëzit tjerë, ndërsa në fund je nënshkruar si kompozitor duke i lënë ata të merituarit nën hije”, ka shkruar mes tjerash Adriani duke e quajtur në fund Florin homoseksual, transmeton Shqipmedia.

PËRGJIGJU

Please enter your comment!
Please enter your name here