Organizata e njohur për të drejtat e kafshëve “PETA” e ka quajtur Rihannën dhe Lady Gagan si krijesa jonormale për shkak të shijes së tyre të modës.

PETA ka hedhur vrer në dy këngëtaret që aktualisht janë shumë të popullarizuara për shkak se në disa raste ato kanë veshur rroba dhe aksesorë ndryshëm, të cilat janë bërë nga kafshët apo ndonjë nga prodhimet e tyre.

Rihanna është kritikuar pasi që në mbrëmje në një restorant është shfaqur me çizme të bëra nga lëkura e gjarprit ndërsa Lady Gaga për shkak se javët e fundit ka veshur gëzof lëkure edhe pse pretendonte më parë që urrente leshin natyror dhe se mbështeste PETA-n.

“Në vend se të përpiqen që të jenë jonormale me rrobat e tyre, më mirë do të ishte që të përpiqen që njerëzit të njohin dhe pranojnë talentin e tyre,” deklaroi PETA.

Kjo organizatë kohë më parë po ashtu ka kritikuar edhe starletën amerikane shumë të përfolurën kohët e fundit, Kim Kardashian, për shkak se ajo ka thënë se i pëlqen gëzofët prej lëkurës.

PËRGJIGJU

Please enter your comment!
Please enter your name here