Kanë një muaj që nga Kosova janë zhvendosur në Tiranë ndërsa thonë se janë duke kaluar për mrekulli. Laureta Mataj, Diana Gashi dhe Orgesa Hoxha janë tri bukuroshet kosovare të cilat bashkë me gjashtë meshkujt nga Kosova, si Adriatik Gashi, Visar Kuqi, Ali Gruda, Edber Loha, Elvis Gjini dhe Vigan Shehu po marrin pjesë në garën e bukurisë “Miss & Mister Albania 2010”. Kandidatët kosovarë janë të gjithë me përvojë në fushën e modës dhe spektakleve në vendin tonë, por edhe jashtë saj.

Orgesa Hoxha e shpallur vitin e kaluar “Ford super models of Kosova 2009” bën me dije se është e lumtur që është pjesë e kësaj gare dhe e këtij spektakli. “Po kalojmë shumë mirë. Po mësojmë shumë gjëra të reja dhe është një përvojë e veçantë për ne. Çdo ditë kemi prova ku punojmë me koreograf shumë të njohur në fushën e vallëzimit, siç janë Enada dhe Gerti, pastaj kemi shëtitje nëpër vende të ndryshme, bëjmë fotografi etj, pra në përgjithësi jemi duke kaluar ditë të paharruara”, tregon për “Zërin”, bukuroshja nga Gjakova.

Hoxha thotë se vajzat banojnë ndaras në hotele me grupin e djemve, ndërsa shprehet falënderuese gjithë stafit organizativ për tretmanin që u bëjnë të gjitha vajzave në përgjithësi. Gjithashtu në emër të kandidatëve kosovarë ajo falënderon edhe Agnesa Vuthajn që ua ka bërë të mundur të janë pjesë e këtij spektakli. “Agnesa ka qenë ajo që na ka përzgjedh që në të jemi në këtë garë dhe në emër të vajzave dhe djemve e falënderojmë për këtë mundësi shumë të mirë”, shprehet Orgesa.

Do të sjellim çmime në Kosovë

Bukuroshet kosovare thonë se konkurrenca është shumë e fortë si nga ana e vajzave ashtu edhe meshkujve, por ato janë optimiste se do të kthehen në Kosovë me ndonjë çmim të fituar.

“Konkurrenca është shumë e fortë, ka vajza shumë të bukura dhe të mençura e po ashtu edhe djem, por duke e pas parasysh numrin e madh të kandidatëve kosovarë që kanë marr pjesë këtë vit, shpresojmë që të kthehemi në Kosovë më ndonjë çmim të fituar”, shprehet kandidatja tjetër kosovare, prishtinasja Laureta Mataj, e cila më përvojën e saj në shumë sfilata, imazhe publicitare, pjesëmarrje në videoklipe e shumë gjëra të tjera që kanë të bëjnë me modën dhe spektaklin, urojmë që të shkëlqej edhe në këtë garë bukurie.

Duhet theksuar se finalja e madhe e spektaklit “Miss & Misster Albania 2010” do të mbahet me 23 shtator në Tiranë nën drejtimin e Alketa Vejsiut ndërsa me regji nga Vera Grabocka. /Zëri

2 KOMENTET

  1. une mendoj qe e meriton fitoren laureta sepse i ka te gjitha si bukutin intelegjencen sharmin e shum te tejra i urojm fitore.

  2. kuku vajza qe ka marr qmimin e ka meritu ah per laureten qe thojn aspak se kisha konsideru thjesht sosht per mis figurat i ka jo te pershtatshme e mos te qesin ktu probleme se ska pas kurfar dallaveresh eh ka meritu ma e mira (y)

PËRGJIGJU

Please enter your comment!
Please enter your name here