Gjatë fundjavës, vëllai i vogël i Miley Cyrus, Braison Cyrus, ka bërë debutimin e tij të parë në koleksionin e ri të “Dolce & Gabbana”, në Milano.

Këngëtarja ka postuar fotografinë e vëllait duke e uruar atë për arritjen, por nga ana tjetër, Miley ka kritikuar kompaninë e famshme “Dolce & Gabbanna” përmes këtij postimi.

“Unë nuk jam aspak dakord me politikat tuaja, por unë i mbështes fort përpjekjet tuaja për promovimin e artistëve të rinj, duke iu dhënë mundësinë të tregojnë talentin e tyre”, ka shkruar këngëtarja dhe aktorja, citon TCH.

Vetëm disa orë më vonë, stilisti Stefano Gabbana ka ripostuar fotografinë e Mileyt, bashkangjitur së cilës ka shkruar:

“Ne jemi italianë dhe nuk na intereson aspak politika juaj dhe sidomos ajo amerikane. Ne bëjmë veshje dhe nëse mendon se po bën politikë me një postim, është thjesht një injorancë. Nuk kemi nevojë për postimet apo komentet tuaja kështu që herës tjetër, të lutem na injoro”.

PËRGJIGJU

Please enter your comment!
Please enter your name here