Këngëtarja e njohur Madonna është duke u ballafaquar me telashe të mëdha. Këngëtarja “veterane” është paditur nga një grup aktivistësh rusë me akuzën se gjatë komenteve të saj në koncertin e mbajtur në Shën Peterburg në muajin gusht, e cila nxiti marrësdhëniet homoseksuale mes minorenëve.

Ndërkaq, në padi kërkohet një dëmshpërblim prej 8 milion eurosh “për dëmin moral” të shkaktuar në koncert kur u kërkoi të pranishmëve që të respektojnë të drejtat e homoseksualëve.

Gjithçka filloi gjatë performancës së këngës “No Fear”, kur Madona i kërkoi fansave që “të tregonin dashuri dhe vlerësim ndaj komunitetit të homoseksualëve. Ne luftojmë për të drejtën për të qenë të lirë”, tha këngëtarja 53-vjeçare.

Në Rusi propaganda për homoseksualizmin është krim dhe dënohet. Më herët, gjatë turit rus, Madona “ofendoi” Kremlinin duke i kërkuar lirimin e anëtareve të bandës “Pussy Riot”, të dënuara për blasfemi pas protestës anti-Putin në një katedrale në Moskë.

PËRGJIGJU

Please enter your comment!
Please enter your name here