Lori Hoxha feston 22-vjetorin e lindjesNjë nga vajzat më të lakmuara në Shqipëri për stilin e jetesës, Lori Hoxha, ka festuar 22-vjetorin deri në orët e para të mëngjesit të ditës së sotme. “Ditëlindja e Lorit zgjat një javë,” ka shkruar motra e saj Sara në një postim në Snapchat dhe duket se ashtu është vërtet.

Trashëgimtarja e “Top Media” ka festuar një ditë më parë me miqtë e saj në një nga club-et e kryeqyetit. Ndër të ftuarit binte në sy prezenca e Eno Popit, Xhemi Shehut, Jonida Maliqit, vajza e ish-kryeprokuroit Theodhori Sollaku e njëkohësisht e dashura e Ledri Vulës, Adela Sollaku, Ledion Liço, moderatori Ardit Roshi dhe sigurisht të dashurit të Lorit prej disa vitesh tashmë, Vis Bajraktari.

Lori dhe motra e saj kanë zgjedhur të mos publikojnë shumë rreth festës me shoqërinë, ndërsa e kanë ‘bombarduar’ rrjetin social Snapchat me video dhe foto nga darka e ngrohtë familjare që organizuan mbrëmë deri pas mesnate.

Lori Hoxha feston 22-vjetorin e lindjes

Familja Hoxha festoi ditën e lindjes së Lorit, bashkë familjarët e miqtë e tyre më të mirë, në një restorant në Tiranë, i prenotuar posaçërisht për ta. Pjesëmarrësit kanë patur fatin të shijojnë tingujt e muzikës ‘live’ të këngëtarit korçar Gena, për të cilin siç duket Lori ka ‘dobësi’ të veçantë.

Në darkën e ditëlindjes u vu re prezenca e moderatorit Ledion Liço, gjë që automatikisht ka hedhur poshtë fjalët se mes tij dhe Sarës kanë lindur probleme. Të gjithë dukeshin të lumtur dhe energjikë për ta kaluar natën me muzikë të mirë shqiptare, dhe po ashtu ndihej edhe Itani i vogël që nuk i ndante sytë nga telefoni.

Darka e shtruar për të ftuarit ishte mjaft elegante, me detaje të mirëmenduara. Lori që zakonisht në evente të tilla është mjaft e rezervuar dhe përpiqet të ruajë vetkontrollin, në prani të familjes dhe njerëzve të saj të dashur, ka festuar e kërcyer si të mos kishte të nersërme!

E rrethuar me kaq shumë dashuri, nuk është aspak për t’u habitur që tashmë 22-vjeçarja, u zgjua mëngjesin e sotëm e rrethuar nga buqeta me lule të mrekullueshme.

PËRGJIGJU

Please enter your comment!
Please enter your name here