J. Lo: Nuk do të lejojë që të më shkatërrohet martesa!Latinja seksi, Jennifer Lopez e pranon që bashkëshortin e saj e adhuron dhe se nuk do të lejojë që asgjë t’ia prishë idilin e dashurisë të cilën është duke e kaluar me burrin e saj të tretë, Marc Anthony-n.

Çifti i cili javët e fundit është kënaqur në pushimin idilik në Mediteran në shoqëri të binjakëve të tyre, këto ditë është rikthyer në punë, dhe në ‘paket’ me këtë, J. Lo. ka filluar që të jep intervista.

Edhe pse karrierën si këngëtare e ka lënë në plan të dytë, kohën e fundit ia ka dedikuar incizimit të filmit “The Back Up Plan”, J. Lo nga skena nuk e ka ndërmend që të largohet.

Ajo i ka paralajmëruar edhe projekte të reja, dhe shpresojmë, që do të përfshijë edhe ‘lëvizjen’ me prapanicën e saj ‘të famshme’, ndërsa sa i përket fjalëve për shkatërrimin e martesës, J. Lo tha: “Kjo është martesa ime e tretë. Në martesat e kaluara nuk jam ‘munduar’ shumë, kam qenë e papjekur dhe nuk kam ditur ma mirë. Por, kam mësuar se për një lidhje duhet të punohet shumë. Jam shumë e vjetër që kjo martesa të më shkatërrohet”.

Poashtu, ajo foli edhe për rolin e nënës, të cilën kurrë nuk e ka fshehur, dhe të cilin e konsideron kulminacionin e jetës dhe karrierës së saj. “Lindja e fëmijëve e ndryshon me themel perspektivën e çiftit të martuar. Duhet kohë që prindërit të gjenden dhe ta pranojnë përgjegjësinë jetësore për njeriun tjetër”, tha ajo, duke i demantuar se në martesë më nuk janë ‘duke i lulëzuar trëndafilat’.

PËRGJIGJU

Please enter your comment!
Please enter your name here