Kopjet dhe vjedhjet e ideve nga yjet shqiptare tash nuk janë të kufizuara vetëm në skenën muzikore, por ato po zgjerohen edhe në atë të fushës televizive.

Shou emisioni “Zonë e Lirë”, që jepet çdo të premte në valët e Vizion Plus (më herët në valët e Televizionit Klan), ka një format krejtësisht të vjedhur.

Telegrafi.com ka hulumtuar për të gjetur një emision krejtësisht të njëjtë me atë që drejton shoumeni shqiptar Arjan Çani.

Emisioni në fjalë emetohet në gjuhën frënge në televizion “Francez 2” që nga viti 1998 dhe titullohet “Tout le monde en parle” (“E gjithë bota flet”). Deri në vitin 2006 emisioni ishte drejtuar nga prezantuesi i famshëm francez Thierry Ardisson, i cili, bazuar në mënyrën e të shtruarit të pyetjeve dhe gjestet e tij duket se ka qenë inspirimi kryesor për Arjan Çanin. Madje ky i fundit edhe vishet ngjashëm me shoumenin francez.

Për më tepër, emisioni francez ka të njëjtën pamje skene, me prezantuesin që qëndron në krye të një tavoline rreth të cilës mblidhen mysafirët. Edhe publiku ka të njëjtën renditje dhe krijon një atmosferë “të zjarrtë”, ngjashëm si ai shqiptar.

Se Çani mund të ketë ‘kërkuar’ për të vjedhur nga mediat franceze (dhe mbase jo në ato angleze dhe amerikane, që supozohet se janë më të avancuara), aludon edhe fakti se ai e flet për mrekulli gjuhën frënge dhe aspak gjuhën angleze.

Derisa Arjan Çani është goxha i famshëm në Shqipëri, ai nuk është aq i pëlqyer në Kosovë dhe Maqedoni për shkak të deklaratave pro-greke, kur kishte thënë se ndjehet më shumë grek se shqiptar.

“Unë kam nënën greke dhe deri në moshën pesëvjeçare më ka rritur gjyshja ime nga nëna, ndërsa gjuha e parë që kam mësuar ka qenë greqishtja. Më shumë se gjysma ime është greke”, ishte shprehur dy vite më parë Çani. /Telegrafi/

“Zonë e Lirë” (video):

“Tout le monde en parle” (video):

PËRGJIGJU

Please enter your comment!
Please enter your name here