Ka filluar edicioni i pestë i reality show, Big Brother Albania, me banorë të karakteristikave, moshave dhe vendeve të ndryshme.

Në një shtëpi madhështore të ndërtuar nga Top Channel enkas për këtë spektakël, filloi edicioni i pestë i Big Brother Albania, i cili edhe kësaj radhe do të drejtohet nga prezantuesja e njohur Arbana Osmani.

Të shtunën mbrëma në spektaklin hapës kanë hyrë në shtëpi 18 banorë, tri nga të cilët janë nga Kosova, bëhet fjalë për Elvisin, Metin dhe Albulenën, teksa dy banorë janë nga diaspora – Liami nga Gjermania dhe Gjoni nga Italia.

Nga ana tjetër, karakteristike është hyrja në reality show i konkurrentit në moshë, Edgarit, i cili njihet për paraqitjen e tij epike në emisionin “Kush do të bëhet Milioner?”, si kandidati që ka arritur më pranë se askush tjetër çmimit kryesor.

Dhe kështu, filloi dhe Big Brother Albania 5, formati më i suksesshëm i reality shoë në botë, i cili do të zgjasë rreth tri muaj, me konkurrentë të shumtë të cilët do të hyjnë edhe në javët në vazhdim, e të cilët do të luftojnë për çmimin kryesor – 100 milion lekë.

Për të tjera lajme dhe informacione për Big Brother Albania vizitoni http://bigbrotheralbania.me/

PËRGJIGJU

Please enter your comment!
Please enter your name here