Një koncert i reperit me famë botërore, Eminem, në Kosovë nuk është utopi e as ëndërr, por mund të bëhet realitet.

Sondazhi i hapur javë më parë nga Telegrafi në faqen e fansave në Facebook, rezultatet e të cilit janë publikuar të premtën mbrëma, kanë zgjuar reagime të shumta ndër organizatorë të ndryshëm.

Telegrafi ka kontaktuar drejtorin e NextLevel, Ardin Badivukun, i cili u ka dhënë shpresë fansave kosovarë të Eminemit se artisti amerikan mund të vijë një ditë në Kosovë, përkundër vështirësive të cilat janë të mëdha.

“Ne kemi qenë qysh moti në kontakt të vazhdueshëm me menaxhmentin e Eminem, si dhe të plot yjeve tjera të kategorisë së rëndë siç janë: Lady Gaga, Rihanna, Kanye West etj. Por, t’i sjellësh këta artistë në një vend të varfër si Kosova, është e pamundur, sepse shumat që ata kërkojnë kapin shifrën rreth 1 milion euro, kështu që për standardin tonë jetësor kjo është një shumë astronomike”.

“Mirëpo, organizimi i një koncerti me artistë si Eminem, do të ishte i mundur vetëm në rast të ndonjë përkrahjeje të theksuar të institucioneve shtetërore”, ka deklaruar Ardin Badivuku nga NextLevel.

Ishte NextLevel kompania që solli në Kosovë javë më parë reperin Busta Rhymes, koncert që përkundër vështirësive rezultoi të jetë koncerti më i suksesshëm i organizuar ndonjëherë në Kosovë.

PËRGJIGJU

Please enter your comment!
Please enter your name here