Dj Dalool, i cili së fundmi ka realizuar këngën “Nuk mundesh” në bashkëpunim me këngëtaren Eliza Hoxha, është shprehur shumë i kënaqur me realizimin e kësaj kënge.

Gjatë një prononcimi për Telegrafi.com, Dalool thotë se kënga realizohet tetë vitesh pasi ishte bërë plan dhe shpreson publiku ta pëlqejë atë.

“Jam shumë, shumë i kënaqur me bashkëpunimin me Elizën. Ky bashkëpunim ka filluar qysh para një 7 apo 8 viteve, por pas zhvendosjes sime nga Prishtina në Zvicër, nuk mundeshim kurrsesi të bëhemi bashkë, por ja më në fund ia arritëm”.

“Besoj që kemi bërë një kënge mahnitëse për dance pistat e klubeve të natës. Eliza është një prej këngëtareve që kam preferuar t’i bëjë këngë tërë karrierën time dhe u realizua”, ka pohuar Dalool.

Përveç kësaj DJ kosovar ka pohuar se ndihet i gëzuar që kënga ka filluar të shfaqet edhe në Ballkanika TV. “Jam shumë, shumë i lumtur, shpresoj që është duke u pëlqyer edhe nga publiku shqiptar, jam i gëzuar se klipi ka filluar të shfaqet edhe në Ballkanika TV”, ka thënë ai më tej.

Dalool është zotuar se do të ketë bashkëpunime edhe në të ardhmen, por pa dashur t’i bëjë të ditura ato. “Bashkëpunimet e ardhshme nuk kam dëshirë t’i zbuloj, dua që ato të jenë surpriza si ato që ishin me Genta Ismajlin, Freax dhe tani me Eliza Hoxhën”, ka shtuar Dj Dalool.

Së shpejti në faqen e tij në Facebook, DJ Dalool do ta publikojë edhe remixin oficial të hitit “Rina Rina” të grupit NRG Band, dhe sipas tij kënga do të jetë “një dancefloor monster”./Telegrafi/

PËRGJIGJU

Please enter your comment!
Please enter your name here