Ditët e arta të Bleona Qeretit siç duket po afrohen. Koha prej kur këngëtarja ka filluar të përgatisë album dhe projekte muzikore në Shtetet e Bashkuara të Amerikës është e gjatë, por për shkak të konkurrencës së madhe atje nuk mund të bëhesh këngëtare yll brenda një nate siç ndodh këtu tek ne, që për një natë lindin dhe shuhen yje.

Bleona ka kaluar nëpër shumë faza derisa ka mbërritur këtu ku është, dhe e gjitha kjo i ka kushtuar shumë qoftë nga ana financiare, ashtu dhe nga ajo private, pasi ka jetuar larg bashkëshortit për një kohë relativisht të gjatë.

Në fakt të bësh jetë siç duhet dhe në anën tjetër të jesh një këngëtare me një karrierë të shkëlqyer,janë dy aspekte që nuk shkojnë pozitivisht. Bleona ka sakrifikuar jetën private dhe bashkëshortin Ganiun, që të vazhdojë karrierën e saj dhe të bëhet e famshme edhe në Amerikë e në mbarë botën.

Përgatitjet përfundimtare të albumit janë duke u bërë, ndërsa Bleona ka filluar të realizojë edhe setet me fotografi, të cilat do të prezantojnë, promovojnë e përcjellin albumin në gjuhën angleze. Këto fotografi sjellin një Bleonë shumë sensuale, ashtu siç jemi mësuar ta shohim gjithmonë në ekran. Lirisht mund të thuhet se Bleona është një nga femrat më të njohura të skenës shqiptare, që shumë mirë e ka shfrytëzuar popullaritetin për të arritur cakun të cilin e ka dashur. Së shpejti pritet të shohim këngëtaren në një tur promovimi të albumit në shumë metropole të botës.

PËRGJIGJU

Please enter your comment!
Please enter your name here