Ajo është një ndër femrat më të lakuara në faqet rozë, madje së fundmi edhe shtypi ndërkombëtar ka nisur të shkruajë për të.

Megjithëse me një eksperiencë të gjatë jete në Amerikë ku sigurisht ka parë se ç’bëjnë gazetarët rozë për personazhet e show biz-it, Bleona i del në krah kryeministrit në këtë nismë, duke përmendur edhe një emër mes rreshtave.

Arian Çani, është emri i një prej gazetarëve, që sipas Bleonës abuzon më së shumti me pushtetin që i ka dhënë media.

Unë mendoj që kryeministri Berisha ka shumë të drejtë! Ai është një njeri me një vizion të pakrahasueshëm me asnjë tjetër. Unë kam qenë gjithmonë e dashuruar me të që kur kam qenë fëmijë e këndoja në koncertet e ’96. Kjo dashuri midis meje dhe kryeministrit sa vjen dhe bëhet më e fortë e solidarizohet më shumë në çdo fjalim apo mbledhje qeverie, takim ose koncert. I adore and I love Sali Berisha!

Pse mendoni se ka të drejtë?
Kryeministri ka të drejtë sepse njerëz si Arian Çani ka ardhur koha të gjejnë profesion tjetër, jo të marrin rrogën duke njollosur gjithë dynjanë e të mos mbajnë përgjegjësi. Duke qenë se unë gjithmonë kam pasur marrëdhënie fantastike me mediat, nuk dua që gazetarët e tjerë të më keqkuptojnë. Janë të paktë në numër shokët e Çanit.

/Gazeta Shqiptare/

PËRGJIGJU

Please enter your comment!
Please enter your name here