BimBimma publikon këngën kushtuar babait të ndjerëBimBimma ka lansuar videoklipin muzikor të këngës “7Prill”, e cila i kushtohet babait të ndjerë të reperit.

Duke qenë se është dedikim, natyrisht se teksti i këngës është emotiv. Në refren të kësaj kënge këndon sopranoja Arta Jashari .

Muzika është realizim i Muha Lipo dhe Sean Ferrari, derisa incizimin dhe miksimin e ka bërë Faton Dolaku.

Videoja muzikore është realizuar nga Trigger L.L.C. me regji të Genc Berishës dhe skenar të vet reperit.

Babai i BimBimmës, Vllaznim Kursani, në vitin 1989 ishte detyruar të largohej nga Kosova për çështje sigurie duke shkuar të jetonte në Turqi për nëntë vite (pasi refuzoi pjesëmarrjen në luftën e Bosnjës).

Pas luftës në Kosovës u kthye në vendlindje për t’i kaluar pesë vitet e fundit të jetës me familjen. Më 7 prill 2005, Vllaznim Kursani ndërroi jetë në moshë 55 vjeçare.

PËRGJIGJU

Please enter your comment!
Please enter your name here