Këngëtarja Aurela Gaçe, e cila ka përfaqësuar Shqipërinë në Festivalin evropian të këngës, Eurosong, po ndihmon një nismë në shënim të 100 vjetorit të pavarësisë.

Gaçe ka ftuar afro 90 mijë fansa sa ka në rrjetin social Facebook, që të nënshkruajnë peticionin drejtuar Google, për të ndryshuar logon në nderim të Shqipërisë.

Motori më i popullarizuar i kërkimit, Google, me rastin e ndonjë date të rëndësishme, vendos një ‘doodle’, ose ndryshon logon e saj në Homepage. Prandaj qëllimi i peticionit është që edhe 100 vjetori i pavarësisë së Shqipërisë të publikohet për të gjithë botën më 28 Nëntor.

Këngëtarja ka bërë thirrje në përkrahje të kësaj nisme, për të mbledhur sa më shumë nënshkrime, që edhe pavarësia e Shqipërisë të njihet nga Google si një eveniment i rëndësishëm.

Në ”postimin” e këngëtares thuhet: ” Jeni të lutur të firmosni peticionin dhe t’u thoni sa më shumë shokë dhe shoqeve që të jetë e mundur. Kjo mund të bëhet një realitet”.

PËRGJIGJU

Please enter your comment!
Please enter your name here