Aurela Gaçe, e cila aktualisht është e pranishme në televizionet muzikore, por edhe në gjithë ambientet verore me hitin e saj “Origjinale”, tregon se pushimi ka qenë shumë i veçantë, sepse ka qenë fakti që është mbledhur me familjen e saj.

Kam qenë në Turqi, në dy qytete atje ku kemi pushuar. Pavarësisht bukurive që ka ai vend, shqetësuese për mua ishte i nxehti i madh.

Gjithsesi kam kaluar pushime të bukura, por ajo që i bëri më të bukura ishte fakti se pushimet janë kohë kur ne mblidhemi të gjithë familjarisht prindërit, vëllai im që jeton në Itali dhe motra Blerta e cila erdhi nga Shtetet e Bashkuara të Amerikës në Turqi”, ka thënë Aurela.

“Kaluam bukur ndërsa pas kthimit nga Turqia, bëmë edhe një tur në bregdetin shqiptar, ku sigurisht shkova në Vlorë në qytetin tim, Dhërmi, por edhe në një udhëtim turistik në Berat”, tregon këngëtarja Gaçe.

PËRGJIGJU

Please enter your comment!
Please enter your name here