Armina Mevlani flet për të vërtetën e luksit të sajNdonëse në çdo dalje publike a intervistë nëpër studio televizive, ajo kujdeset të sqarojë me detaje punën dhe përfitimet që vijnë bashkë me të qenit “blogere mode”, Armina Mevlani vazhdon të sulmohet nga mediat pranë pushtetit.

Këtë herë bëhet fjalë për një shishe verë të cilën ish-miss Albania e postoi në Instagram. E veçanta e saj ishte etiketa në të cilën qe stampuar emri dhe imazhi i bukuroshes shqiptare, pra e personalizuar.

Kaq mjaftoi që shkrimet për partneren e Shkëlzenit të gëlojnë, duke e vendosur në qendër të asaj që portalet e quajtën shpërdorimi i parave dhe luks i shfrenuar në këto shpenzime.

Armina Mevlani, e apasionuar pas jetës luksoze, u polemizua nga mediat!
Armina Mevlani, e apasionuar pas jetës luksoze, u polemizua nga mediat!

E gjendur në Stamboll, aty ku Armina Mevlani siç ka treguar po tenton një tjetër portë në industrinë e modës, 25-vjeçarja nuk është lodhur, por u ka dërguar edhe një herë një mesazh të gjithë atyre që edhe këtë rradhë e shënjestruan për shkak të profesionit të saj.

“Te dashur miq, mediat ne vendin tone jane shpesh here abuzuese dhe jo te mire informuara me ate qe shkruajne. Kam deshire te sqaroj per ju se udhetimet e mija ne javet e modes jane te sponsorizuara nga vete hotelet ne te cilat qendroj dhe reklamimi i hoteleve ne mediat e mija sociale eshte pjese e punes sime si blogere, ne kembim une duhet ti tagoj ato ne postimet e mja.Ashtu sikurse ndodh shpesh me veshje te cilat mi dergojne vete firmat apo edhe si kjo vere e personalizuar e cila eshte nje dhurate nga hoteli ku po qendroj momentalisht. Gjithcka eshte pjese e punes sime dhe me ne fund pas kaq vitesh pune, po vjel frytet e asaj qe vertete me pelqen te bej.Kush mund te kete dyshime ,perpara se te publikoje lajme jo te verteta mund te kontaktoje vete hotelet perkatese”, sqaroi Armina. /Lapsi/

PËRGJIGJU

Please enter your comment!
Please enter your name here