Ka qenë një lajm që ka qarkulluar prej javësh në redaksitë e të gjitha gazetave dhe për herë të parë gazetarët ranë në një mendje: “Lajmi se Arbër Çepani është me kancer”, nuk do të dilte nga dyert e redaksisë.

Ky vendim unanim sigurisht pati në thelb arsye humane, për të mos e rënduar gjendjen psikologjike të 23-vjeçarit të diagnostikuar me një sëmundje vdekjeprurëse nga mjekët shqiptarë.

Por, fundi i kësaj historie për fat të mirë është nga ato me ‘happy end’. Vetë fituesi i edicionit të parë të “Big Brother”, i ftuar në emisionin “Pasdite në Top Channel”, e mohoi lajmin.

Mesa duket diagnoza e dhënë nga mjekët shqiptarë nuk ishte e saktë. Arbër Çepani u nis drejt Italisë për t’u siguruar për një përgjigje më të saktë dhe fatmirësisht aty mori edhe lajmin e mirë.

Asgjë nga ato që i kishin përcaktuar mjekët shqiptarë nuk ishte e saktë: “Siç e shihni jam si kokrra e mollës dhe kjo gjë ka rëndësi sot”, – i është përgjigjur Çepani, drejtueses Lira Burgija gjatë intervistës dhënë në “Pasdite në Top Channel”. Dhe në të vërtetë nuk ka gjë më të rëndësishme sesa shëndeti i tij, por nga ana tjetër ky lajm ka edhe një tjetër mesazh: Kujdes!

Bluetooth

PËRGJIGJU

Please enter your comment!
Please enter your name here