Amarda Toska e cila është e martuar me aktorin Ermal Mamaqi, gjatë një interviste për mediat shqiptare ka thënë pas 10 vitesh se vetën e sheh më shumë si një bashkëshorte dhe familjare e mirë.

“Kryesisht e shoh një bashkëshorte të mirë dhe familjare. Të gjitha të tjerat do të jenë sekondare dhe plotësuese në 10-vjeçarin e ardhshëm.

Ka prioritete. Unë të paktën kështu kam filluar ta ndiej këto kohët e fundit. Mosha 20-30 vjeç është përmbushja e objektivave që ti ke në karrierë, ose në formimin tënd për t’u bërë dikush, ose për të bërë diçka, pastaj mendoj se prioritetet ndryshojnë dhe duhet t’i përkushtohesh më shumë familjes”, ka thënë Ami.

Bukuroshja e ekranit ka pohuar edhe se ajo së bashku me bashkëshortin e saj pëlqejnë shumë udhëtimet por pushimi ideal do të ishte ai në “Aqua Park” apo diçka të ngjashme me “Disney Land”.

“Përveç muajit të mjaltit në Karaibe, nuk kemi qëndruar në asnjë vend tjetër më shumë se 7 ditë. Na pëlqen si deti, ashtu edhe mali, sidomos skitë dhe pushimet dimërore. Por pushimet ideale do të ishin ato ku do të argëtoheshim shumë në ndonjë ‘Aqua Park’ apo diçka të ngjashme me ‘Disney Land’, të cilat na pëlqejnë shumë”, ka thënë Ami.

PËRGJIGJU

Please enter your comment!
Please enter your name here