Padyshim, ai eshte nje nga kengetaret me te suksesshem shqiptare te kesaj dekade.

Me kenge qe destinacionin e kane pasur vetem hite dhe me albume qe jane ne fonoteken e çdo adhuruesi muzike, Alban Skenderaj mban ne karriere edhe nje mori çmimesh qe kane deshmuar talentin, punen dhe perkushtimin e tij.

Tregut muzikor kete vere i shtoi edhe nje tjeter krijim cilesor te tij, siç ishte kenga “Miremengjes”, ndersa ka qene prezent ne mjaft koncerte, festa dhe clube verore. Por jemi te bindur qe qershia mbi torte e ketij fund sezoni veror per te ka qene pjesemarrja ne Festivalin e Muzikes “Sopot Festival”, qe organizohet prej me se gjysme shekulli ne Poloni.

Nje event muzikor, ne te cilin kane marre pjese emrat me te medhenj te muzikes boterore, qe nga: Boney M, Dannii Minogue, The Kelly Family, Vaya Con Dios, Boyz II Men, Chris Rea, Ace of Base, Lionel Richie, Whitney Houston, Bryan Adams, Goran Bregovic, Lou Bega, UB40, Zuçhero, Ricky Martin, Patricia Kaas, Scorpions, Simply Red, e deri tek Elton John, Norah Jones e shume emra te tjere. Skenderaj eshte prezantuar me kengen “Me prit atje”, ndersa ka marre pelqimin dhe miratimin e publikut, i cili e ka shoqeruar performancen e tij i ngritur ne kembe. Per kete eveniment dhe emocionet qe ka marre ne te, kengetari Alban Skenderaj tregon per suplementin “Summer Time” ne gazeten “Koha Jone”.

Alban, edhe pse nuk eshte shoqeruar me zhurme siç ndodh zakonisht, – kur nje artist ka nje pjesemarrje ne nje event muzikor jashte vendit, tashme eshte fakt dhe ka ndodhur, qe ju perfaqesuat Shqiperine ne “Sopot Festival”, nje event muzikor boteror, qe zhvillohet ne Poloni qe prej vitit 1964. Se pari, si do ta vleresonit kete pjesemarrje?

Se pari, ishte nje eksperience e vlefshme dhe shume e bukur personale, pastaj dhe shume e rendesishme profesionalisht dhe per ate qe kjo ftese dhe ky event perfaqeson. Ne ate skene, keto 50 vjet nuk ka emer nderkombetar qe nuk ka performuar, keshtu qe mund te ishte vetem nje nder per mua. Per sa i perket zhurmes ne Shqiperi, nuk pata shume durim qe bej ate qe bej zakonisht, pra organizoj intervista gjithe andej dhe qe normalisht nuk me takon te bej. Plus ishte dhe vere, kohe pushimesh.

Si u zgjodhet ju? Si nisi gjithçka per te qene pjese e ketij konkurrimi?

Ata me kontaktuan dhe shprehen deshiren qe une te perfaqesoja vendin tim ne kete mega-show.

Perpara se te merrnit pjese, a kishit degjuar ndonjehere per kete eveniment?

Jo, dhe me vjen shume keq per kete.

Ne Wikipedia, ku pasqyrohet historiku i Festivalit pame qe kane qene te panumert muzikantet boterore qe kane marre pjese ne kete kompeticion, kjo e ka bere edhe me joshese dhe tunduese prezencen tuaj ne te?

Absolutisht qe po. Eshte diçka qe tregon qe mundesia per te performuar ne ate skene nuk duhet humbur. Te them te verteten, ky event nuk eshte saktesisht nje konkurs sa nje show i madh, pjesa e te vetmit çmim qe ata japin çdo vit eshte shume simbolike, ku logjika dhe promovimi i ketij eventi nuk bazohet fare.

Ju interpretuat ne Festival kengen “Me prit atje”, ishte zgjedhja juaj per t’u prezantuar me kete kenge?

Jo, kengen e zgjodhen ata, ose me sakte e keshilluar nga ata. Mua m’u duk nje zgjedhje shume e gjetur, sepse perveç faktit qe eshte nje kenge qe ka elemente plus qe bien ne sy, eshte edhe nje kenge qe nga i gjithe repertori im perfaqeson ne menyren me natyrale vendin tone duke qene se ka shume elemente dhe nga muzika folk.

Ne videon ne “Youtube”, ku shfaqet performanca juaj ne Festival, pame qe publiku u ngrit ne kembe per t’ju mbeshtetur, ndersa ju kendonit. Na trego çfare ndjesie keni perjetuar, ç’domethenie kishte per ju ai reagim?

Eshte nje nga momentet me domethenese per mua kur performoj. Sepse, sidomos kur publiku nuk te njeh dhe s’ia ka fare idene se çfare po kendon dhe te mbeshtet aq fuqishem, do te thote qe diçka e ka goditur pozitivisht. Kjo tregon dhe njehere se muzika nuk njeh kufi.

Per sa i perket veshjes dukej e miremenduar, – gje, ne fakt, per te cilen nuk gaboni ndonjehere, – ishte e dizajnuar nga ndonje stilist per rastin?

Vetem dy dite para se te nisesha, me lindi ideja qe duhet diçka qe ishte midis folkut dhe modernes, klasikes dhe aktuales, sepse deri atehere mendova te isha thjesht me stilin tim te zakonshem. Por ne prova kur degjoja, kendoja kengen, fillova te imagjinoj veten pak me ndryshe dhe falenderoj shume Anila Zajmin, e cila brenda nje kohe rekord krijoi diçka shume me shije dhe te pershtatshme si me kengen ashtu dhe me performancen.

Sa shpreson dhe beson se te tilla aktivitete sherbejne si trampolina per te hyre ne tregjet boterore muzikore?

Deri diku, kuptohet qe te ndihmon se jane miliona njerez qe te ndjekin dhe te njohin nga e gjithe Europa, por besoj qe do te duhet çdo muaj te performoj ne nje te tille skene, qe t’ia dilje te hyje ne tregun europian pa hyre fare ne rruget klasike, te cilat jane me te veshtira dhe te pasigurta.

Mendoni se jeni afer kesaj endrre te çdo artisti?

Me thene te verteten, per momentin kane prioritet disa endrra te tjera per mua.

Keni menduar te jeni prezent ne ndonje nga Festivalet e ketij viti ne vend?

Nuk jam akoma i kthjellet se si do te shkojne ne pergjithesi planet per muajt e ardhshem…

PËRGJIGJU

Please enter your comment!
Please enter your name here