Adelina Tahiri, këngëtarja që shumë shpejt ja doli të arrijë një sukses të jashtëzakonshëm, njihet jo vetëm në Kosovë e Maqedoni por tashmë edhe në Shqipëri.

Fiziku dhe talenti i saj bënë që të fitojë simpatinë e shumë adhuruesve… Ajo është njëra ndër këngëtaret që i kushton një kujdes të veçantë pamjes së saj, e obsesionuar pas veshjeve te shtrenjta dhe aksesorëve. Ajo na tregon se pa cilat gjëra nuk do të mundej dot të jetonte, për jetën e saj private, puthjen lesbike aq të përfolur dhe planet për të ardhmen…

Keni arritur një sukses të jashtëzakonshëm për një kohë të shkurtër, ka qenë e vështirë rruga deri këtu?
Sigurisht që ka qenë shumë e vështirë, por duke ju falenderuar familjes time, publikut që më përkrahu në çdo moment dhe vullnetit tim të madh, po shoh rezultatin e suksesit tim.
Çfarë jeni duke punuar momentalisht?
Për momentin jam duke përfunduar këngën time më të re që do të publikohet para vitit të ri me një klip… Imtësirat le të mbeten sekret.

Përveç bashkëpunimit me F-kay keni menduar të realizoni ndonjë tjetër?
Më pëlqejnë bashkëpunimet, por  tani  po punoj një këngë single… Por nuk përjashtoj ndonjë tjetër bashkëpunim në të ardhmen..

Na përmend tri gjëra pa të cilat Adelina nuk jeton dot?
E di që jo vetëm unë po çdo njeri në botë nuk mundet pa ajër dhe ujë …Ndërsa për gjëra që i kemi  shprehi dhe i kemi fiksuar në vete nuk do të mundja dot pa celularin tim, laptopin dhe çantën. Këto të fundit më janë bërë obsesion.

Jeni e dashuruar?
Jo, nuk jam e dashuruar, vazhdoj ta kem statusin singel.
Cili do të ishte mashkulli ideal për ju?
Sigurisht që gjëja  e parë për të ardhur deri në kontakt është bukuria e tij, por gjërat që janë më të rëndësishme për mua dhe me të cilat do ta fitonte zemrën time ai, janë respekti, sinqeriteti dhe të më pranojë kështu siç jam.

Kemi parë një foto provokative të realizuar mes jush dhe Fjolla Morinës në afterparty-n e “Zhurma show”? Cili është komenti juaj?
Nuk kam asnjë koment sepse në foto nuk ka asgjë për të komentuar, por çdo herë fotot e fytyrave publike komentohen më tepër dhe ndonjëherë edhe i ekzagjerojnë gjërat  …Fjollën e kam shoqe të mirë dhe është një foto shumë normale, të paktën për mendimin tim.

Cilat janë planet për të ardhmen?

Për xhirimet e Vitit të Ri së bashku me Ryva Kajtazin dhe Ylli Demën do të paraqitemi me një potpuri popullore./Panorama/

PËRGJIGJU

Please enter your comment!
Please enter your name here