Adelina Ismajli e ka deklaruar gjithmonë se Nexhmije Pagarusha është idhulli i saj.

I ka të panumërta takimet me të, por fatkeqësisht këtë herë impenjimet muzikore në Evropë ia kanë mohuar mundësinë për të qenë prezente në mbrëmjen ‘Gala’ në nder të mbretëreshës së skenës kosovare, Nexhmije Pagarushës.

Mërzitjen që ndjente për shkak të këtij fakti, këngëtarja e ka shprehur edhe në faqen e saj të fansave të facebook.com.

Në mbrëmjen ‘Gala’ në nder të bilbilit kosovar, kanë qenë prezentë edhe mjaft emra të njohur të muzikës kosovare si: Alma Bektashi, Adelina Thaçi, Vesa Luma etj. Pak ditë përpara se të mbahej kjo mbrëmje, Presidenti i Republikës së pavarur të Kosovës, e ka dekoruar këngëtaren Pagarusha me titullin “Artiste e Merituar”.

Duke qenë se Adelina nuk mund të ishte prezente në këtë mbrëmje, ne po sjellim për ju sot një foto të saj dhe këngëtares së madhe të shkrepur disa javë më parë, në një koncert ku kanë qenë të dyja të ftuara speciale.

PËRGJIGJU

Please enter your comment!
Please enter your name here