Bleona Qerreti, u ka derguar nje email te cuditshem, disa redaksive te lajmeve, duke kerkuar ndihme per para.

Nuk dihet nese adresa eshte vertet e kengetares apo behet fjale per ndonje email te rreme, por ne e-mail shkruhet tekstualisht keshtu: “Vetem dua tju bej te ditur se udhetimi im ne Londer ka qene nje katastrofe.

Isha duke kaluar nje kohe fantastike deri mbreme kur humba te gjitha parate, kartat e kreditit dhe telefonin, shkruan Standard.

Ishte nje eksperience e frikshme, pasi u godita ne pjesen e pasme te shpines, ndersa ndodhesha ne nje klub. Jam ende gjalle dhe kjo eshte e rendesishme, por tani kam mbetur pa para dhe kam nevoje per ndihmen tuaj. Dua te me dergoni disa para, dhe ju premtoj se do tua kthej perseri sa po te kthehem ne shtepi. Ju lutem me njoftoni se cfare do beni. Bleona Qerreti”.

Këngëtari Ardian Bujupi, i cili doli i treti në “Deutschland Sucht Den Superstar”, sërish do të jetë pjesë e një gare në Gjermani – kësaj radhe jo për këndim, por për vallëzim.

“Let’s Dance” është një shou shumë i popullarizuar Gjermani, i ngjashëm me atë “Dance with the Star”. Spektakli pritet të fillojë më 14 mars dhe Bujupi do të jetë njëri nga konkurrentët e kësaj gare.

Këngëtari kosovar për partnere në këtë shou do ta ketë Katja Kalugin, e cila do të mundohet ta nxjerrë në pah talentin prej valltari të Ardianit.

Në estradën kosovare janë duke ardhur plotë këngëtarë të rinj. Këtë herë ai që është duke punuar tash e sa kohë me një talente të re është këngëtari dhe producenti i njohur Blerim Muharremi.

Si duket Blero deri më tani nuk ka dashur që të flasë për media, mirëpo Telegrafi mëson se vajza me të cilën është duke punuar ai, është Lea Metolli, e cila jeton në Suedi. E gjitha çfarë është pohuar deri më tash për Lean është se ajo vërtete ka një zë të veçantë dhe tepër të fuqishëm.

Një burim i afërt i producentit ka pohuar se Lea është një vajzë tepër punëtore dhe pritet të arrijë shumë nga vet fakti që tash e pothuajse gjashtë muaj mbyllet në studio dhe ballafaqohet me kërkesat e shumta të Bleros, i cili jo lehtë merr përsipër talent te rinj kur dihet se e gjithë barra bie mbi supet e tij.

Lea së shpejti pritet të shfaqet pata publikut kosovar.

Një nga spektaklet e ndjekura të këtyre ditëve është edhe “X FACTOR ALBANIA”, madje shumë po ndiqet edhe në Kosovë. Ndërsa të gjithë shohin të rinjë dhe të reja, të cilët duan të bëhen të famshëm dhe synojnë të jenë nesër yjet e muzikës shqiptare.

Por këtë herë në audicionin e Tiranës, kishte vërtetë zëra dhe tipa të vecantë, që befasuan shumë dhe jurinë e panelit.

Por vumë re gjithashtu se kishte edhe djem vërtetë me zëra dhe performancë fantastike, madje ata ishin vëllezër të vajzave të famshme të skenës shqiptare. Ishte këngëtarja Beatrix Ramosaj, e cila kishte ardhur për ta shoqëruar vëllaun e saj, Albanin, i cili performoi nga “3 Doors Down” këngën “Kryptonite”, ku me zërin e tij ra në sy dhe u vlerësua duke u kualfikuar menjëherë.

Më pas shihet prapa kuintave një tjetër vajzë e skenës, Olta Boka, e cila bënte tifo për vëllaun e saj, Stivin, i cili e kishte lënë fushën e blertë, për të shprehur pasionin tjetër të tij, atë të këngës, ku këndoi një këngë të Enrique Inglesias, të cilën jurinë e la me opinione të mira. Djemtë si duket do të konkurojnë shumë fort dhe motrat e tyre, pasi sa vërejtëm janë pritur shumë mirë dhe nga publiku në sallë, ose do të shkojnë të paktën në hapat e Oltës dhe Beatrixit./KosovaSot/

Ajo është një ndër vajzat më të suksesshme në botën e televizionit, megjithatë fakti që ka arritur shumë në ekran nuk e ka stopuar, përkundrazi, e ka bërë të tentojë edhe në fusha të tjera të artit për të plotësuar karakterin e një show girl- i.

Kështu siç kemi qenë të parët që ju kemi njoftuar për bashkëpunimin mes Albana Osmanit dhe Mentor Hazirit, që në kohën që ky i fundit ishte i angazhuar në “E Diell”, edhe këtë javë do t’ju japim një lajm tjetër, sërish të parët.

Kënga e tyre tashmë është gati dhe për pak kohë do të dalë nga furra, që në këtë rast është studioja e kompozitorit të hiteve, Flori Mumajesit shkruan Bluetooth. E pas këtij lajmi, të gjithë kemi kërshëri për të dëgjuar këngën e re, të parën për Albanën, pas atyre në gjuhë të huaj, që i ka interpretuar në spektakle të ndryshme.

 Në përgjithësi jemi mësuar me këngëtarët tanë, të cilët përveç muzikës e kanë edhe nga një profesion apo talent tjetër.

Në rastin e Tunës kemi zbuluar diçka mjaft interesante, që përveç muzikës në kohën e lirë ushtron profesionin e hacker-it, që do të thotë u vjedh njerëzve fjalëkalimet e Facebook-ut dhe flet në emër të tyre.

E ka bërë këtë gjë me stilistin e saj personal Jellmazin, adresën personale të të cilit e ka përvetësuar për disa orë. Në fakt, bëhej fjalë vetëm për një shaka, jo se Tuna ka pasur qëllime negative. Ne kemi arritur të ruajmë disa nga statuset që këngëtarja ka vendosur, duke bërë të mendojnë të gjithë miqtë e Jellmazit se ka qenë ai vetë që i shkruante.

“E dua Tunën deri në frymën e fundit! Lavdi”.

”Tuna, ti je drita në fund të tunelit”.

”Unë jam skllavi yt i përjetshëm Tuna Sejdi! Dëshirat e tua janë urdhër për mua. Unë do të jem i gjunjëzuar për ty si një homoerektus! I yti gjithmonë, Jell-Maz”.

”My name is Jellmaz Dervish and I’m alcoholic”.

Fillimisht miqtë e tij janë çuditur kur kanë lexuar këto statuse, por më pas, pasi Jellmazi ka arritur të rimarrë fjalëkalimin  dhe ka sqaruar të gjithë miqtë se bëhej fjalë për një shaka nga ana e Tunës, të gjithë janë argëtuar dhe u është dukur një ide shumë interesante. Por nga kjo histori mësuam që Tuna qenka një hacker e paparë, prandaj kujdes të gjithë ju që e keni mike!

Vogëlushja Vanesa Krasniqi, e cila impresionoi Gjermaninë në Supertalentin e vitit 2008, është rikthyer në skenë. Por kësaj radhe në një skenë më të madhe, atë të showt më të ndjekur Deutschland Sucht den Superstar (DSDS).

Vanesa është një prej konkurrenteve më të forta dhe është pjesë e 36 konkurrentëve që kanë udhëtuar për në Maldivi për fazën e ardhshme të spektaklit.

Kryetari i jurisë, Dieter Bohlen ka thënë se është një gjë e mrekullueshme që Vanesa ka pritur të mbushë moshën për të marrë pjesë në DSDS.

Ajo ka impresionuar me interpretimin e “One Night Only”.

Zbulohen fotot e këngëtares Jonida Maliqi me djalin e saj Dan Prizrenin. I vogli të enjten mbushi ditët, (40 ditshi), megjithatë Jonida e ka nxjerrë jashtë në diell edhe para atyre afateve që dikur i vendosnin “plakat”.

Këtë, e tregojnë mirë fotot, që ne kemi mundur ti sigurojmë përmes burimeve tona.

Dan Prizreni lindi 3.300 kilogram, në maternitetin “Mbretëresha Geraldinë” përmes një lindjeje natyrale, dhe gëzon shëndet të plotë. /BW/

Gjatë javës së shkuar, deklaratat e Adelina Ismailit ishin në kopertinën e çdo gazete të fundjavës.

Mes fjalive të shumta të nxjerra nga goja e Adelinës, nuk u la pa u përmendur edhe çështja e Leonora Jakupit, sherri me të cilën vite më parë shkaktoi shumë zhurmë në media.

“Ka qenë rrahje, jam shpallur e pafajshme. S’ka qenë ndonjë tragjedi ndërkombëtare”,- tha Adelina një javë më parë. Pyetjes së gazetarit, se cila prej të dyjave e nisi sherrin, ajo i është përgjigjur: “Tani Leonora nuk është aq mistike sa ka qenë. Ka ndodhur shumë thjesht, vajza ka qenë e shoqëruar me katër truproja.

Unë kam qenë duke u zhveshur në dhomën e zhveshjes, ku meshkujt nuk u lejonin dhe nëna ime i ka tërhequr vërejtjen atyre meshkujve mistikë, që nuk dihet as sot se kush janë, ndërkohë që një moment ajo ka sulmuar mamin tim. Unë kam hyrë për t’i ndarë, por ajo ka filluar duke më sulmuar edhe mua, pastaj unë jam vetëmbrojtur nga ai shpërthim dhe kemi përfunduar në polici.

Në gjyq jam shpallur e pafajshme në çdo pikë dhe kemi qenë veç unë e ajo”. “Jeni pajtuar tani?”, – e pyet gazetari, ndërkohë që bukuroshja Ismaili i është përgjigjur: “Nuk e shoh të arsyeshme. Jo pas asaj që më ka bërë pas rrahjes.

Aq bukur e ka shfrytëzuar për karrierën e vet dhe për krijimin e lidhjeve me mediume të ndryshme. Për mua ka qenë ndryshe, se unë jam rugoviste, jam ende”.

E sigurisht, që pas kësaj deklarate të fuqishme nga ana e Ismailit nuk do të mungojë sot në faqet e “Bluetooth” prononcimi i këngëtares Jakupi. “Asgjë nga ato që ka thënë nuk është e vërtetë. Nuk mund të dalë në një studio ashtu kot dhe të thotë gjëra të paqena.

Pse doli të flasë për këtë çështje pas 10 vitesh?! E ftoj në një debat publik, sepse në ndryshim nga ajo, unë i kam gjërat e faktuara”,- ka thënë Leonora Jakupi për faqet e “Bluetooth”. Se si do t’i shkojë filli kësaj historie të rikthyer sërish në vëmendje të mediave, mbetet për t’u parë në javët e ardhshme.

http://www.youtube.com/watch?v=cGq4beoiG6g

”Tradhëtia” ishte arsye e ndarjes së Diellza Kolgecit nga i dashuri, basketbollisti Edis Kuraja, dhe më pas doli lajmi se bukuroshja kosovare ka filluar një lidhje të re dashurie me një djalosh nga Prizreni i cili me profesion është arkitekt.

Noli Fetoshi, quhet djaloshi që i’a ka rrëmbyer zemrën vajzës së ekranit. Noli jeton në Prizren dhe punon si arkitekt, ku edhe ka mbaruar studimet në këtë drejtim shkruan editorial.

Diellza nuk e komenton këtë lidhje, ndërsa ka tentuar që ta mbaj të fshehur e duke mos dashur të bëj publike asgjë në këtë drejtim, por ja që ne siguruam edhe një foto ku cifti janë së bashku me disa miq të tyre.