VIP Shqiptar

Usher: Nuk kam vdekur!

Ylli i muzikës R&B, Usher, e ka shfrytëzuar internetin për t’i siguruar fansat e tij se spekulimet e tmerrshme – sipas të cilave, ai ka vdekur në një aksident me automjet – janë të rreme.

Këtë javë, Global Associated News publikoi një artikull ku thuhej se krijuesi i hitit “Confessions” ishte përfshirë në një aksident trafiku në New Mexico dhe kishte humbur jetën.

“Ai është shpallur i vdekur në vendngjarje nga ekipi paramjekësor që iu përgjigj thirrjes për aksidentin dhe është identifikuar nga fotografia e letërnjoftimit që u gjet në trupin e tij”, thuhej mes tjerash në artikull.

Mirëpo, Usher ka shfrytëzuar profilin e tij në Twitter.com, për të dëshmuar se këto pohime janë vetëm mashtrim. Ai ka publikuar një fotografi i zhveshur në pjesën e sipërme, nën të cilën shkruante se është shëndosh e mirë.

Komentoni këtë artikull

FAQE TE ZGJEDHURA

MARKETING

Copyright 2009 Thashetheme.