Rihanna vetëm ditën e djeshme ka lënë spitalin dhe menjëherë përfundon në tapetin e kuq për të prezantuar filmin “Battleship, ku këngëtarja është një nga protagonistet.

Ajo mbante veshur një fustan të bardhë, i cili i zbulonte gati të gjithë trupin e mrekullueshëm të këngëtares nga Barbados.

Rihanna ka marrë një ofertë milionëshe që të zhvishet për revistën Playboy, ndërsa është duke menduar rreth ofertës dhe pasojave.

Bosi i revistës për meshkuj, Hugh Hefner, konsideron se 24-vjeçarja mund të thyejë rekordet e shitjes për shkak të popullaritetit të madh që ka.

Emirates247 citon burimet të kenë thënë se krijuesja e hitit “We Found Love” është e interesuar, mirëpo frikësohet për ndikimin që mund të ketë te fanset e saj të reja.

Ndryshe, të hënën mbrëma Rihanna është dërguar në spital, pas një ndeje në New York, me ç’rast ishte rraskapitur dhe dehidruar. Megjithatë, pas trajtimit që ka marrë nga mjekët ajo është lëshuar në shtëpi.

Këngëtarja publikoi në Twitter një fotografi ku shihej duke marrë infuzion.

Pop ylli, Rihanna, ka thyer një tjetër rekord – atë të numrit të klikimeve pas 24 orëve të para të lansimit të videoklipit të ri.

Videoklipi i ri “Where Have You Been” ka prekur fansat e këngëtares anë e mbanë botës, sidomos kur kemi të bëjmë me gjininë femërore. Dhe kështu, nuk mungon as suksesi, pasi VEVO ka konfirmuar në faqen zyrtare në Facebook se Rihanna ka thyer rekord të ri.

“Përgëzime Rihannas për thyerjen e rekordit të videos më të klikuar brenda 24 orëve në VEVO me 4,937,281 klikime. “Where Have You Been” është hit i madh”, shkruan në komunikatën e VEVO në Facebook.

Rihanna është një adhuruese e madhe e koleges britanike, Adele. Admirimi i saj shkon aq larg saqë ka thënë se në qoftë se e gjen dikë që nuk i pëlqen këngët e Adeles do të ketë probleme të mëdha.

“Kush nuk do ta donte? I marr shumë personalisht kritikat në llogari të Adele,” tha këngëtarja 24-vjeçare nga Barbadosi.

Rihanna ka pranuar se, megjithatë, e ka të vështirë që të dëgjojë albumin e shumëshpërblyer “21” të Adeles, për shkak të vargjeve emocionale.

“Është e vështirë për mua që të zgjedh këngën e preferuar, sepse flasin për shumëçka. Aq shumë më prekin saqë vij në situatë që duhet të ndalem së dëgjuari ato, sepse më deprimon,” thotë Rihanna.

Ndërsa së fundi këngëtarja e hitit “We Found Love”, ka filluar që të kërkojë shtëpi në Londër, ku do të jetojë në tre muajt e ardhshëm, dhe krejt për shkak të xhirimit të një reality show të modës, i cili do të prodhohet nga rrjeti televiziv “Sky”.

Princess of China” është kënga e fundit e këngëtares Rihanna. Kënga është një bashkëpunim me grupin Coldplay.

24-vjecarja duket sikur me këtë klip ka “tradhtuar” vendin e saj dhe e quan veten princesha e Kinës.

Në imazhet e klipit shohim Rihanën si një vajzë kineze, ku dallojmë modelin e flokëve si dhe një tualet të rënduar, për t’iu përshtatur më shumë subjektit të këngëtares.

Këngëtarja e hitit “We Found Love”, Rihanna, ka filluar që të kërkojë shtëpi në Londër, ku do të jetojë në muajt e ardhshëm, dhe krejt për shkak të xhirimit të një reality show.

Rihanna është duke planifikuar të shpërngulet nga Amerika për në Angli për tre muaj, shkaku i xhirimit të reality show të modës, i cili do të prodhohet nga rrjeti televiziv, “Sky”.

Këngëtarja 24-vjeçare në këtë reality show do të bëjë përpjekje që të zbulojë yllin e ri në mesin e stilistëve të rinj, dhe kërkimin e saj do ta ndjekin gjatë gjithë kohës kamerat televizive.

Në mënyrë që të fokusohet vetëm në punë, këngëtarja ka udhëzuar ekipin e saj për t’ia gjetur një shtëpi në një nga pjesët e qeta të Londrës, ku do t’i kalojë muajt e ardhshëm, dhe ndoshta edhe të blejë ndonjë pronë, pasi që një kohë të gjatë ka planifikuar të blinte një shtëpi në kryeqytetin e Anglisë.

Këngëtarja shpesh ankohet se nuk mund të gjejë djaloshin e vërtetë kështu që nuk është për t’u habitur që ajo filloi të dalë me vajzat. Edhe më parë është spekuluar se këngëtarja ka tendenca lesbike.

Vajzat ishin në një darkë në restorantin “Giorgio Baladi” në Santa Monica, ndërsa më vonë shkuan edhe në klubin e natës “Roxbury”.

Këngëtarja doli jashtë me një fustan të bardhë, dhe nëpërmjet dritës shihej se kishte çorape të errëta me aski të kuqe. Rihanna, madje edhe vetë ka botuar foton e çorapeve të errëta në Twitter, por edhe dy fotografi të saj dhe Melissas. Në njërën prej fotove janë vetëm, ndërsa në të dytin duke u argëtuar me limuzinë. A janë me të vërtetë vajzat çift apo kjo është vetëm edhe një tjetër seri e provokimeve të Rihannas, mbetet të shihet.

Pop ylli, Rihanna nuk ka hezituar që në rrjetin social ku ka hiç më pak se 17.5 milionë ndjekës, Twitter, të publikojë disa foto që e shfaqin atë pothuajse të zhveshur nga lart.

Këto foto Rihanna i bëri publike në rrjetin social pas publikimit të disa fotove tjera më parë që e shfaqnin atë në pushime në Hawaii.

Rihanna shpeshherë ka ditur të jetë kontraverse me postimet e saj në Twitter ashtu si me imazhet e lansuara në publik, teksa jeta e shfrenuar e saj nuk është tashmë as fshehtësi e as diçka e çuditshme.

Këngëtarja e famshme Rihanna ka konfirmuar që po fillon punën rreth albumit të saj të shtatë, raportojnë mediet amerikane.

Këngëtarja pranoi se mezi pret të fillojë të shkruajë dhe të regjistrojë albumin e ri, pa marrë parasysh se albumi i saj i mëparshëm “Talk That Talk”’ ishte publikuar në nëntor të vitit të kaluar.

“Përfundimisht jam duke menduar të regjistroj një album të ri”, ka thënë këngëtarja për radion “Capital FM”.

Ajo theksoi se e ka idenë se si do të duket albumi, por që ai ende është i papërpunuar, kështu që mezi po pret të fillojë punën në albumin e ri.

Rihanna ka thënë se para se t’i përkushtohet plotësisht albumit të saj të ri, është duke përgatitur një projekt interesant të modës, por që nuk ka dashur të zbulojë detaje.

Emri i bukuroshes nga Barbadosi së fundi është gjendur nëpër mediet botërore se është në lidhje me aktorin, Ashton Kutcher, gjë të cilën ajo ditë më parë e ka mohuar.

Rihanna publikoi në rrjetin social Twitter disa fotografi të reja ku shfaqet e veshur si një geishë.

24-vjeçarja postoi foto ku shfaqet me një fustan të stilit lindor, me një prerje të pa zakontë, por sigurisht me mjaft stil.

Rihanna u bashkangjiti fotove edhe këngën e grupit Coldplay, “Princess of China”.