Naomi Campbell në botën e modës ka hyrë në moshën 15-vjeçare. Është një nga modelet e para që e fitoi titullin Supermodele, por ajo vetën e saj nuk e konsideron si të tillë.

Supermodelja 41-vjeçare tha se nuk ka asgjë “super” tek ajo. “Kurrë nuk e kam konsideruar veten si supermodele dhe kurrë nuk do ta quaja veten ashtu, nuk kam kurrfarë super, fuqi mbinjerëzore”, tha ajo.

Naomi në një intervistë për Harper Bazarin ka zbuluar se për figurën e saj të hollë kryesisht i detyrohet metabolizmit të shpejtë, edhe pse ajo pranon se me kalimin e viteve, ajo duhet gjithnjë e më shumë t’i kushtojë vëmendje të ushqyerit.

Plakjes nuk ia ka frikën dhe nuk planifikon të operohet, ndërsa vitet, siç thotë ajo, “nuk do ta ngadalësojnë”, kështu që për dallim nga supermodelet e tjera si Cindy Crawford dhe Christy Turlington, nuk ka plane që të “qetësohet”, të zërë vend e të krijojë familje dhe të lërë pistën.”Unë ende e dua punën time. I dua fjalët si transformim ose kameleon. Një nga fjalët që nuk më pëlqejnë është – i parashikueshëm.”

Roberto Cavalli ka zgjedhur modele pak të “vjetra” në koleksionin e ri të veshjeve dhe aksesorëve të tjerë për vitin 2012-të.

Ato janë, supermodelja Naomi Campbell, Kristen McMenamy, Karen Elson.

Por edhe pse modelet janë 40-vjece apo edhe më shumë, ato shkëlqyen në sfilatën e veshjeve të shtrenjta të Cavallit.

Top modelja Naomi Campbell shfaqet me një fustan të bardhë dhe teper të hapur në pritjen për dasmën mbretërore të Charlene dhe Albertit të Monaco-s, që u zhvillua fundjavën e kaluar.

Mediat e huaja fshikullojnë modelen seksi, duke e kritikuar per zgjedhjen e saj. Duket se vëmendja është përqendruar te Naomi, por jo për mirë.

Në pritje, princesha Charlene u shfaq me një fustan të mrekullueshëm të ngushtë, që i nxirrte në pah linjat e saj perfekte trupore.

Shokohet bota e modës, bukuroshja Naomi Campbell, së shpejti bashkëshorte e manjatit rus Vladimir Doronin, është tullace dhe mban nje paruke.

Thashethemi qarkullonte prej kohësh, por moskovitët ende nuk e kishin pranuar. Një skenë disi e sikletshme ndodhi pak ditë më parë, në një event kulturor, ku parukja e Naomit u zhvendos disi duke nxjerrë në dritë kokën pa flokë të top modeles.

Naomi ndodhej në qendrën tregtare Zum, në zemër të zonës superluksoze të Moskës, për inaugurimin e një dyqani të stilistit të peliceve Dennis Basso. Pikërisht kur sytë e të gjithëve ishin përqendruar te Naomi, parukja e saj u spostua pak, duke nxjerre ne pah pjesen pa floke.  Stilisti nuk e dha veten per ate cfare pa, madje beri foto me modelen, qe perfunduan shume shpejt ne Twitter.

Një fëmijë i një ushtari të vrarë, ka kërkuar nga Naomi Campbell që t’i tërheqë fjalët e saja gjatë seancës gjyqësore ku supermodelja dëshmoi në rastin e gykimit të ish-presidentit liberian, Charles Taylor.

Supermodelja që është duke dëshmuar në gjykatën për krime të luftës në Hagë për shkak se pranoi të ashtuquajturit ‘diamantë të përgjakur’ nga ish-presidenti liberian, gjatë seancës tha se pozicioni në të cilin gjendej ajo ishte tejet i papërshtatshëm dhe pengesë e madhe.

Këto komente kanë zgjuar polemika, ndërsa tani Kabba Williams nëna e të cilit u vra gjatë luftës liberiane kërkoi nga supermodelja që t’i kërkojë falje popullit liberian.

“Ajo duhet të ketë turp. Është më shumë se një pozitë e papërshtatshme për mijëra të vrarë, mijëra të torturuar dhe mijëra të djegur për së gjalli”, theksoi Williams për Sunday Mirror.

Një dhuratë e marrë në të shkuarën po fut në telashe të vërteta modelen Naomi Campbell pasi ajo duhet të dëshmojë për krime lufte.

40 vjecarja duhet të japë shpjegime për një diamant të marrë nga ish presidenti liberian Charles Taylor gjatë një party të organizuar në shtator 1997 në shtëpinë e ish presidentit të Afrikës së Jugut, Nelson Mandela.

Campbell e ka refuzuar deshminë para Gjykatës së Hagës por tashmë ajo duhet të rrëfehet para gjykatësve. “Nuk kam marrë asnjë diamant dhe nuk dua të flas për këtë cështje”, tha në muajin prill modelja.

Taylor akuzohet zyrtarisht që prej vitit 2008 për shkak të genocidit në Sierra Leone gjatë viteve 1997-2001.

Veshje transparente, sensuale, por me disa kilogramë më tepër. E tillë është shfaqur ish-modelja Naomi Campbell në tapetin e kuq të Festivalit të Kanës me të fejuarin e saj, manjatin rus, Vladimir Doronin.

“Pantera e zezë” ka zgjedhur një fustan nga koleksioni i vitit të shkuar duke treguar se ka fituar disa kilogramë dhe trupi i saj nuk gëzon më forma mahnintëse.

Fustani Givenchy Couture i koleksionit vjeshtë-dimër 2008-2009 është transparent në një pjesë të madhe, por nën të nuk duket qartë pse Campbell ka ndryshuar linjat, pasi mendohet se ajo mund të jetë shtatzanë.

Supermodelja Naomi Campbell, tre herë në vit shkon në detoksim ekstrem i cili përfshinë konsumimin e vetëm shurupit nga panja, specit të kuq dhe lëngut të limonit në koktej.

Manekinia tashmë disa ditë pi vetëm koktej të tillë, sepse beson se në këtë mënyrë e mban figurën perfekte të trupit. “Mundohem ta bëj këtë tre herë në ditë. Më së gjati në këtë koktej kam qëndruar 18 ditë.

Është mirë nganjëherë ta opastroni trupin tuaj”, ka deklaruar Naomi, e cila shpesh kërcen edhe me litar, sepse me këtë, siç thotë ajo, arrin të humbë në peshë.

Mosha 40-vjecare mund të jetë koha e duhur për t’u bërë nënë.Naomi Campbell së shpejti mbush 40 vjec dhe zërat për një shtatzani të mundshme të “Venerës së zezë” po shtohen gjithnjë e më shumë.

Duket se top model po përgatitet edhe të martohet me babanë e bebes që pret, manjatin rus Vadislav Doronin. Shumë tabloide janë të sigurta për të këtë lajm, sidomos ato ruse.

Sipas informacioneve të deritanishme Doronin po organizon një festë gjigante për të ditëlindjes e të dashurës së tij. ‘New York Post’, tregon se Vladi po merret edhe me detajet më të vogla të festës, vendndodhja e së cilës është tepër sekret.

Naomi Campbell do të festojë 40-vjetorin e saj në një ceremoni të organizuar nga i dashuri i saj, milioneri rus Vladimir Doronin.

Festa do zhvillohet në Francë dhe Vlad ka planifikuar një seri eventesh nga 22 maji, ndërsa festa e madhe do të zhvillohet në një jaht gjigant. Në të do të ketë shumë të ftuar VIP, të cilët do të mbërrijnë nga New York, Londra dhe Moska.

Modelja dhe milioneri janë njohur pikërisht në brigjet franceze gjatë festivalit të Kanës në vitin 2009.