Mbreti i popit i cili vdiq tragjikisht, në një rast aq shumë ishte nën efektin e drogës saqë urdhëroi truprojat e tij që ta qëllonin me armë Randyn, të vëllanë e tij. Ai nuk ka mundur të dëgjonte muhabetin që përsëri t’i bashkohet grupit muzikor “Jackson 5″.

“Michael Jackson dikur ia kishte ndaluar vëllait që t’i vinte në shtëpi, sepse e nevrikoste shumë,” thotë ish-truproja e këngëtarit, Matt Fiddes.

Matt shtoi se ai nuk mund që të dëgjonte muhabetin e tij që përsëri t’i bashkohet grupit muzikor “Jackson 5″. Kështu, në një rast, nën ndikimin e drogës ka kërkuar nga truprojat që të shtinë në Randyn, sepse ai ishte i mërzitshëm, dhe se Michael nuk dëshironte ta shihte atë.

Fiddes gjithashtu pohoi që Jackson ka provuar pafundësisht para vdekjes që ta ‘fuste’ në krevat Pamela Andersonin, pasi ishte i fiksuar në gjinjtë e saj të rremë dhe kirurgjinë plastike.

“Michael ishte një njeri i drejtë. Unë do të them këtë derisa të vdes”, tha Fiddes. “Ai fshehurazi u takua me Pamela Anderson në vitin 2008, disa muaj para vdekjes së tij. Ai u fiksua pas trupit të saj kur e shikoi serinë ‘Baywatch’,” përfundoi Fiddes.

Juria gjyqësore në procesin e gjykimit të mjekut Conrad Murray, të akuzuar për vdekjen e Mbretit të muzikës pop, Michael Jackson, e ka shpallur atë fajtor për vrasje të paqëllimtë dhe të paparamenduar.

Doktor Murray mohon akuzën dhe përballet me katër vjet burg dhe humbje të licencës për të punuar në mjekësi.

Gjatë procesit gjyqësor, i cili ka zgjatur gjashtë javë, kanë dëshmuar 49 dëshmitarë dhe janë paraqitur 300 dëshmi.

Pala e akuzës në fjalën e fundit ka thënë se kujdesi i Murrayt për gjendjen shëndetësore të këngëtarit ka qenë bizar dhe se ai është fajtor që fëmijët e ikonës së muzikës kanë mbetur pa baba.

Ndërkohë, pala mbrojtëse kishte pohuar se vet Jackson ishte fajtor për vdekjen e tij në qershor të vitit 2009, për shkak të marrjes së dozave të mëdha të qetësuesve.

Edhe pse kanë vdekur ata vazhdojnë të pasurohen njëlloj.

”Michael Jackson, Elvis Presley dhe Marilyn Monroe janë tre artistët e vdekur të cilët kanë fituar më shumë para “gjatë muajit të fundit”, njoftoi revista amerikane ”Forbes”, transmeton BW.

”Mes tetorit 2010 dhe atij 2011, Michael Jackson ka fituar 170 milion dollarë, përpara Elvis Presleyt me 55 milionë dollarë dhe Marilyn Monroesë me 27 milionë”, shtoi revista.

Aktorja Liz Taylor, vdekur më 23 mars, ndodhet në vendin e pestë me 12 milionë dollarë dhe në vendin e gjashtë ndodhen së bashku Charles Schulz me 25 milionë dhe John Lennon, 12 milionë dollarë.

Mbrojtja e mjekut Conrad Murray, të akuzuar për vrasjen nga pakujdesia të mbretit të popit Michael Jackson, pohon se problemet e mëdha financiare e detyruan atë të vetëvrasje.

“Mbrojtja vlerëson se Michael Jackson është viktimë e veprimit të dëshpërua”,- ka thënë avokati Ed Chernoff në dokumentin e dorëzuar në gjykatën në Los Angeles, duke kërkuar qasje në financat e tij.

Jackson, siç transmetojnë mediat amerikane, në momentin e vdekjes kishte 500 milionë dollarë borxhe. Michael Jackson ka vdekur më 25 qershor 2009 në moshën 50-vjeçare për shkak të sasisë së madhe të anestezisë në kombinim me ilaçe të tjera.

Murray ka pranuar se Jacksonit ia ka injektuar propofilin, por me kërkesën e tij të veçantë. Mjeku nuk është deklaruar fajtor për akuzat. Ai kërcënohet deri me 4 vjet burg, nëse shpallet fajtor. Gjykimi duhet të nisë më 9 maj.

Kjo balerinë e cila ka bërë një sërë reklamash në televizionet amerikane tërhoqi vëmendjen e Jackson gjatë përgatitjeve për koncertet londineze “This is it”.
Fatkqsisht koncertet nuk u realizuan për shkak të vdekjes së yllit të popit, por regjisorët tashmë e dinin dashurinë që Michael kishte për balerinën e shkëlqyer e cila ka marrë notën maksimale në videon më të re të këngëtarit legjendar.

Sofia Boutello kërcen nën ritmet e këngës “Hollywood Tonight” nën regjinë e Wayne Isham, i cili ka realizuar edhe videon “You are not alone” të Michael Jackson. Sofia Boutella gjithashtu ka qenë balerinë e Madonës në turin ndërkombëtar “Confessions”. (m.a/News24/BalkanWeb)

Atë që nuk arriti ta bënte gjatë jetës së tij, madje edhe kur ishte në kulmin e karrierës si këngëtar, Michael Jackson e realizon 1 vit pas vdekjes.

Mbreti i Popit u rendit i pari për shumën e arkëtuar brenda 12 muajve të fundit në listën e njerëzve të famshëm që nuk jetojnë më, ndërkohë që në renditjen e përgjithshme renditet i 2, menjëherë pas Oprah Winfray.

Sipas revistës prestigjoze “Forbes” nga shitja e “This is it” tek kompania Sony si dhe rritja e madhe e e interesimit të fansave pas ndarjes nga jeta të tij, sollën në arkën e Mbretit të Popit plot 275 milionë dollarë.

Vendi i dytë mbahet nga një tjetër “mbret i muzikës”, ai i Rock n’Roll-it, Elvis Presley, i cili megjithëse është ndarë nga jetë shumë vite para Michael, sipas “Forbes” ka arkëtuar brenda një viti 60 milionë dollarë, pjesa më e madhe të cilave falë spektaklit “Cirque du Soleil” të organizuar në Las Vegas.

Vazhdon ankandi i relikeve të Michael Jackson. Këtë herë, në shitje, shiringa me të cilën ylli i popit u injektuar me dozën vdekjeprurëse të ilaçit anestezik.

Çmimi bazë i ofertës është 5 milionë dollarë. Shiringa u mor si provë materiale gjatë hetimit të çështjes. Ankandi është caktuar në 25 qershor, në përvjetorin e vdekjes së këngëtarit.

Familjen e Jackson është duke bërë gjithçka për të bllokuar shitjen e saj, si një “fyerje” për kujtimin e këngëtarit. Hetimi tani ka vetëm një fajtor: Konrad Murray, mjekun personal të Jackson, të akuzuar për vrasje.

“Ky është një prej ankandeve më turbulluese të bëra  ndonjëherë. Shiringa nuk është më e nevojshme në procesin e Dr Murray. Por, pasojat morale janë shkatërruese”, tha një burim i Daily Mirror.

Ndërkohë, behet e ditur se pronari i shiringës është duke u konsultuar me avokatët e tij për të siguruar shitjen e saj.

“Plani është që të organizojnë një ankand në Las Vegas. Por ai mund të jetë i detyruar për të lëvizur në vendet që nuk kanë marrëveshje ligjore me Shtetet e Bashkuara, si në Brazil, për shembull, apo edhe Libi”, shkruan Daily Mirror.

Homazhet per nder te ish mbretit te muzikes pop, Michael Jackson do te vazhdojne me nje koncert gjigand ne Londer ku do marrin pjese emra te medhenj te muzikes boterore.

Organizator i ketij koncerti eshte vellai i kengetarit, Jermaine, qe ka vendosur edhe daten e zhvillimit te koncertit, 8 qershor 2010, pak dite para pervjetorit te vdekjes. Koncerti do te zhvillohet ne stadiumin gjigand “Wembley”, ndersa per momentin nuk dihen emrat e kengetareve pjesemarres.

“Gjeja me e mire qe mund te bejme eshte nje koncert gjigand per njeriun qe dha shpirtin dhe zemren per boten”, shprehet Jermaine Jackson. Show do te titullohet “Tribute by Jermaine” dhe pak dite pas koncertit do te dale edhe ne treg ne formatin dvd.

Gazeta e Vatikanit “L’Osservatore Romano” publikoi listën e 10 albumeve më të mira pop dhe rok, mes të cilëve janë edhe albumi i Michael Jacksonit dhe The Beatles, shkruan “Telegraph”.

I pari në listë është albumi i The Beatles “Revolver” i vitit 1966, ndërsa në listë janë edhe albumi i grupit Pink Floyd dhe Oasis. Të gjithë muzikantët, me përjashtim të grupit irlandez U2 janë britanikë apo amerikanë, ndërsa grupe italiane nuk ka.

Kjo top listë është udhëzuesi ynë modest për muzikë të mirë dhe kjo është për të kujtuar se ekziston edhe muzika ndryshe”, shkruan gazeta e Vatikanit, duke i ftuar italianët ta dëgjojnë në vend të muzikës së lehtë të festivaleve italiane, siç është San Remo.

Michael Jackson do të paraqitet në versionin e ri të hitit “We Are the World”, njoftoi Lionel Richie, i cili së bashku me mbretin e popit e ka shkruar këtë kompozim.

Richie tha se në video klipin për këngën e shkruar për qëllime humanitare do të shihet Michael Jackson duke kënduar me motrën e tij Janet pjesën e tyre.

Video klipi për herë të parë do të shfaqet gjatë hapjes së Olimpiadës Dimërore në Vancouver.

Në incizimin e kompozimit të këngës “We Are the World – 25 për Haiti”, kanë marrë pjesë 80 artistë, duke përfshirë Pink, Barbara Streisand, Celine Dion, Kanye West dhe Jennifer Hudson.

httpv://www.youtube.com/watch?v=UrymLA73V-g&

Të ardhurat nga shitja do të dhurohen për rimëkëmbjen e Haitit, pas tërmetit shkatërrues që goditi këtë vend para një muaji.