Pushimet në Nicë (Francë) të këngëtares me zërin e veçantë, Mariza Ikonomi, kanë rezultuar edhe me një fat të madh profesional.

Ndërsa artistja gjendej në një prej qyteteve më të bukura të Francës, ka mësuar për konkurrimin që bëhej në një universitet aty për studimet master.

Nuk e ka zgjatur dhe është regjistruar për të konkurruar. Pasi ka dhënë provimet në muzikë klasike dhe Jazz ka ezauruar ditët e mbetura në Nicë dhe është kthyer në Tiranë. Dhe ja, pak ditë më parë Ikonomi ka mësuar se ka fituar studimet master për muzikë klasike në vendin e artit.

Studimet do të jenë dyvjeçare dhe do ta largojnë pak atë nga kryeqyteti, por do të jenë një derë e re për të eksploruar muzikën e saj edhe jashtë Shqipërisë! Se si do ta shfrytëzojë këtë mundësi Mariza, ka kohë, kështu që ne i urojmë sa më shumë suksese!

Ashtu sikurse është bërë e ditur, më 1 Prill do të nis në Kosovë edicioni i dytë i reality show-t “Vip Shpia”.

Bashkë me këtë lajm janë përfolur edhe banorët-Vip që do të marrin pjesë në të. Mes këtyre emrave është lakuar edhe emri i këngëtares me zërin e veçantë, Mariza Ikonomi. Por në fakt, ne kemi mësuar se Mariza nuk do të jetë një banore e përhershme në shtëpi.

Ajo do të jetë e ftuar gjatë reality-show-t, për katër ditë qëndrim në shtëpi, ku do të hyjë me cilësinë e Mbretëreshës së shtëpisë dhe gjatë gjithë kohës që do të jetë në shtëpi, të gjithë banorët-VIP do t’i binden dhe do të jenë nën urdhrat e saj.

Se si do ta luajë rolin e Mbretëreshës, Mariza na mbetet për t’u parë, ndërsa në muzikë ajo e ka marrë prej kohësh këtë vlerësim!

Mariza duket se nuk preferon të ndajë punën nga qejfi dhe gjithnjë kur duhet të këndojë në ndonjë lokal ajo ka të pranishme dhe shoqërinë e saj aty, duke e racionalizuar kohën në mënyrën më të duar.

Po veç kësaj kemi vërejtur një mangësi shumë të madhe te këngëtarja e cila së fundmi preferon të ketë pamjen e havajaneve të cilat mbajnë lule të madhe mbi vesh.

Në rastin tonë që ju mund ta gjykoni vetë, shihni si ngjan Mariza me këtë lule të madhe leila në kokë, e cila përveç faktit se ka të njëjtën ngjyrë me rrobat e saj, nuk ka kurrëfarë lidhjeje as me veshjen e as me të.

Mariza Ikonomi ka zbuluar se së shpejti do të dalë me bashkëpunimin e saj më të ri – një duet me kantautorin Bojken Lako.

“Kam bashkëpunuar edhe herë të tjera me Lakon dhe gjithmonë më ka pëlqyer stili i tij dhe muzika rok. Ndihesha shumë e sigurt te kjo rrymë dhe ndjeja se mund të jepja shumë, edhe pse tani shijet mund të jenë transferuar te një stil paska më i butë si: klasike, jazz, etj. Por prapë kur dëgjoj muzikë rok ndihem vërtet një rock-girl”, ka thënë Mariza.

Ndryshe, Mariza ka mohuar thashethemet se është në lidhje dashurie. “Kot janë lodhur mediat, se kur të kem ndonjë histori që vërtet ja vlen, do shkoj unë t’i gjëmoj ata”, është shprehur këngëtarja duke qeshur. /

Që Mariza është shumë e dobët, këtë të gjithë fansat e saj dhe ata që e njohin në skenë duke kënduar nuk e diskutojnë, por që ajo të mbajë në krahë një njeri tjetër, këtë nuk e di askush.

Ja ku e shohim në këtë fotografi, këngëtaren Mariza Ikonomi, tejet të strapacuar për të ngritur pesha, dhe jo një bidon, apo ndonjë kile rrush, por një femër tjetër.

Nuk dihet nëse kjo foto është bërë vetëm për pozën e rastit, apo vetë Mariza e ka menduar një gjë të tillë. Por gjithsesi, ajo që po shohim është e vërtetë, sepse vetë Mariza e ka ekspozuar atë.

Të ketë vallë ndryshuar mëndje Mariza për peshën e saj fizike për të mbajtur pesha të rënda?

Ku ndodhet Mariza Ikonomi? Me një fustan rozë me lule në duar, këngëtarja e njohur ka marrë pjesë në dasmën e motrës së saj buzë bregdetit në Golem të Durrësit.

Mariza martoi motrën e saj Ledia Ikonomi. Motra e vetme e këngëtares, autore e mjaft teksteve të këngëve të Marizës, ka celebruar lidhjen e saj me Danielin, djaloshin nga Amerika që i rrëmbeu zemrën bukuroshes gati dy vjet më parë.

Një dasmë në breg të detit, me shoqërues, betime dhe premtime (ashtu si nëpër filma, u komentua nga të gjithë), një stil amerikan që u përshtat bukur dhe padyshim, me emocione të forta. Sigurisht, Mariza ishte më e ndjeshmja në këtë rast.

Përveç marrjes përsipër të organizimit të dasmës të së motrës, ajo i kishte bërë edhe një surprizë asaj. Një këngë e titulluar “My Ledia”, që emocionoi të gjithë, e padyshim ishte dhurata më e bukur për Ledian nga Mariza. /Bluetooth/

Janë gjendur në të njëjtin klub nate në kryeqytet dhe kanë dëfryer deri në orët e para të mëngjesit.

Këngëtarja Mariza Ikonomi dhe gazetari Alban Dudushi kanë treguar se janë miq të mirë, këtë herë jo brenda formatit të emisionit të Dudushit.

Mariza e ka shijuar shumë këtë mbrëmje, aq sa e ka bërë edhe Albanin të kërcejë, i cili është
jo shumë i dhënë pas këtij të fundit.

Gjithçka është zhvilluar nën ritmet e muzikës ‘live’, ndërsa bashkë, dy njerëzit e njohur të ekranit kanë qeshur e janë dëfryer në maksimum me shoqërinë e tyre.

Të dy të veshur sport, Mariza me një këmishë të kaltër dhe xhinse, ndërsa Albani komod, si gjithmonë.

Mjaftojnë 10 orë të plota gjumi që Mariza Ikonomi të zgjohet e freskët për gjatë gjithë ditës. Këngëtarja tregon për “Bluetooth” se shtrati është për të një vend ku jo vetëm fle, por edhe ku lexon, punon në kompjuter, madje edhe mund të shijojë kafen e ngrohtë të mëngjesit.

Në shtratin e saj ajo ndihet si bizelja e përrallës së Andersenit, të jetë e freskët dhe aspak e nxehtë. Për momentin ajo nuk e ndan krevatin me asnjë, por i vetmi që është i privilegjuar për të hyrë nën çarçafë është pikërisht Chester…!

Zbulojeni se kush është personazhi misterioz me të cilit fle këngëtarja Mariza Ikonomi.

Sa kohë kalon zakonisht në krevat?
Zakonisht kaloj deri në 10 orë.

Gjatë kësaj kohe që je në shtrat, sa orë e kalon në gjumë?
Po kaq, 10 orë.

Preferon të flesh me pizhame, të brendshme apo…?
Më pëlqen të fle me pizhame.

Çfarë bën tjetër në shtrat: ha, lexon, sheh TV apo…?
Lexoj, punoj me kompjuter, pi kafen, etj.

Çfarë është shtrati për ty, një përkufizim?
Nani-nani, natën e mirë.

Çfarë pozicioni preferon zakonisht për të fjetur?
Përmbys edhe me qenin tim, Chesterin mbi kurriz.

Po kur je më të dashurin?
Unë në krevatin tim, ai në tjetër derisa të martohemi, dhe pikë. (Qesh)

Të qëllon kur je me dikë në shtrat të flisni? Përse bisedoni?
Për çfarë nuk bisedojmë duhet të pyesësh…!

Preferon të mbulohesh shumë apo pak?
E ke parasysh përrallën e Andersenit “Princesha dhe bizelja”, unë jam bizelja (qesh), por ama dhomën e dua të freskët, jo të nxehtë.

A flet në telefon, bën thashetheme apo biseda erotike? Çfarë?
Telefoni është gjithmonë i bllokuar nga mami dhe babi, kështu që mua nuk më bie radha fare, ndërsa me celular nuk do harxhoj lekët për thashetheme, se na vjen faturaaa…!

A të pëlqen të luash me jastëkë, çfarë lojërash bën zakonisht?
Që e vogël kisha shumë qejf të luaja me jastëk me motrën time, por sa herë që luanim, loja kthehej në luftë dhe përfundonim të dyja duke qarë.

A të ndodh të zgjohesh shpesh gjatë natës dhe përse?
Sikur topat të bien, nuk ndiej asgjë.

Çfarë urren më shumë në shtrat, kur je me dikë tjetër?
S’e di…urrej që s’e di se çfarë urrej.

Kur je vetëm, të ka ndodhur të zgjohesh duke shtrënguar jastëkun?
Joooo.

Si do të ndiheshe nëse i dashuri të kthen kurrizin?
Do t’i numëroja nishanet…(qesh)

Nëse je me një person të seksit të njëjtë dhe të prek, si do të reagoje?
Qyqeeeeeeeee…

Kur shkon zakonisht për të fjetur, çfarë bën para se të shtrihesh?
Lutem.

Cila është gjëja e parë që bën sapo hap sytë në mëngjes?
I them Chesterit mirëmëngjesi, se ai më vjen e më lëpin në fytyrë.

Çfarë nuk të pëlqen kur je duke udhëtuar dhe fle në ndonjë hotel?
Nëse nuk ka pamje të bukur nga dritarja.

A të ka ndodhur të zgjohesh në shtratin e dikujt e të thuash:
Ç’dreqin dua këtu?
Jo, asnjëherë.

Ku preferon të flesh përveç krevatit, në divan apo dhomën e prindërve?
Në dhomën e prindërve, më bën të ndihem prapë fëmijë.

Fut shpesh ndonjë kafshë në krevatin tënd dhe çfarë?
Chesterin, pa diskutim.

Për kë dhe për çfarë lutesh para se të shkosh për të fjetur?
Lutem të fle në paqe dhe të zgjohem në paqe, pa harruar të gjitha mirësitë që Zoti më ka falur në jetë.

Si i thuaj natën e mirë djalit tënd të zemrës?
Tani për tani s’i them askujt. Kur të kem, më merrni prapë në intervistë. Ishte shumë e këndshme (qesh). / Bluetooth/