Thashetheme » Marigona Dragusha

Marigona quhet Gona

fisi — Sun, 20 Nov 2011 16:11:00 +0000

Sfilon në Amerikë, por shpesh ndodhet edhe në Europë. Agjenci të ndryshme të modës interesohen për supermodelen e njohur, Marigona Dragusha.

Madje, për nevoja të një agjencie franceze apo nga vetë dëshira e saj, kosovarja e njohur ka ndryshuar edhe emrin duke e kthyer shkurt Gona Dragusha. Për këtë agjenci, ajo ka sfiluar me koleksionin më të ri të fustaneve, dhe pasi u futëm të hulumtojmë se çfarë ka punuar më saktësisht Marigona, hasëm vështirësi për të gjetur emrin e saj.

Lista e modeleve ishte shumë e madhe dhe ne direkt shkuam te lista e modeleve që fillon me “M”, kurse aty nuk gjetëm asgjë. Menduam se mos është ndonjë “trik” nga ana e Dragushës, sa për të qenë në qendër të vëmendjes, por më pas na shkoi mendja dhe kërkuam te shkronja “G”, ku gjetëm dhe profilin e saj.

Po për çfarë arsyeje ka ndryshuar emrin Marigona në këtë rast, nuk e kuptuam, por me siguri asaj i ka tingëlluar me më shumë konotacion për vendin ku po jeton. Marigona korri një sukses të madh në “Miss Universe” dhe emri i saj u promovua shumë. Por tani duhet të mësohemi që kur na duhen info për të, ta kërkojmë thjesht me emrin Gona.

Trump sugjeron Marigonen: jeni për sfilata, jo për mis !

fisi — Thu, 25 Aug 2011 12:56:33 +0000

Kosovarja e vetme, e kompanisë së miliarderit Donald Trump, dëshiron të arrij majën edhe në botën e biznesit. Pas tri vitesh ajo do të përmbyll studimet .

Pas bankave të “Pjetër Budit”, si e diplomuar, Marigona Dragusha padyshim do të dëshmohet menaxhere e suksesshme e biznesit të saj personal.

Pas suskeseve të arritura nëpër pasarelat e modës armerikane e franceze ylli i modelimit Marigona Dragusha ka vendosur që ti vë vetes edhe objektiva në botën akademike.

Që nga tetori vajza nga Prishtina e cila u zgjodh e treta bukuroshe në “Miss Universe” fillon ndjekjen e ligjeratave në Kolegjin “Pjetër Budi”. Ajo ka zgjedhur fakultetin për Administrim Biznesi/Menaxhim Marketingu për të realizuar objektiva tjera, për të cilat si i ka deklaruar ish “Mis i universit” do të përmbyllen me hapjen e një biznesi të madh mode ku do të ju ndihmojë të gjitha vajzave kosovare të cilat duan ta realizojnë ëndërrën e tyre për të qenë modele të suksesshme.
“Kam ëndërruar që të hapir një kompani timen, një shtëpi mode. Nga njohuritë që do i marr gjatë studimeve, besoj se do të menaxhoj me sukses ate” tha ajo.
Për më tej ajo ka një dashuri të madhe ndaj Kosovës dhe thotë se përvojën të cilën e ka marr tash e dy vjetë që kur shkeli pistat më të mëdha të modës nëpër botë do ti aplikojë në shërbim të zhvillimit të kësaj fushe në Kosovë, në mënyrë që edhe vendi I saj të ngritet në standard të larta profesionale në artin e modës.
Duke përjetuar ëndërrën në realitet
Ka shumë njerëz të cilët kanë ëndërra për tu bërë të famshëm në fusha të ndryshme, por jo të gjithëve u realizohet ajo. Por, Marigona ka një fat të madh siq thotë edhe vetë ajo se është duke përjetuar realisht ëndërrën e saj të fëmijërisë.
“E kam pasur ëndërr modelimin osë që një ditë të bëhem modele dhe të marr pjesë nëpër pistat e modës nëpër botë. Gjatë një periudhe kam pasur ndjenëjen se kjo do të ishte e pamundur. Megjithatë, unë çdo herë them se fati ka qenë plotësishtë në anën time, dhe më ka krijuar mundësinë që të sfiloj nëpër skena të mëdha ose edhe të vizitoj vende të ndryshme në gjithë globin, vende që kanë qenë vetëm në imagjinatën time” thotë ajo.
Por si fillojë rruga e realizimit të ëndrrës së saj, apo si u gjet çelsi I hapjes së portës së madhe . Gjatë bisedës ajo shpjegon.
“ E kam parë konkursin për “Mis Universe Kosova 2009” dhe nuk e dij…! Nuk isha shumë e bindur se do të mund të fitojë ndonjë çmim. Më kujtohet kur isha më e re dhe babi çdo herë më thoshte se je bërë si foto modele. Ndoshta u ndikova pak nga inkurajimi i tij, por vendosa të konkurroj pasi që një mik I imi fotograf më tha se mund të fitosh sepse je fotogjene. Pas shumë ngurrimesh aplikova për këtë spektakël, dhe fitova” , thotë Marigona.
Për më tej, në spektaklin e bukurisë “Miss Univers Kosova 2009”, që u mbajtë në prill të vitit 2009, Marigona Dragusha ka sfiduar 18 konkurrentet nga Kosova dhe diaspora. Ajo mori kurorën e “ Miss Kosova 2009”. Menjëherë pas këtij suksesi, Marigona filloi të ndiej “shijen” e skenave botërore.

Duke përfaqësuar Kosovën në “Miss Univers”, ajo u zgjodh e treta në këtë garë të bukurisë, garë kjo botërore. Padyshim, është ky suksesi më i madh i femrës shqiptare në garat e tilla botërore. Aq më shumë kur kësaj i shtohet se mu në ditën që fitoi kurorën për vendin e tretë, Marigona Dragusha përjetoi befasinë e dytë me radhë.

“Po vërtet mund të konsideroj që ky ka qenë viti i sukseseve më të mëdha për mua. Ndihem shumë e lumtur që kam arritur ta prezantoj Kosovën në një ngjarjen botërore dhe të shpërblehem me këtë çmim. Ishte përgjegjësi e madhe, por gjithsesi jam nisur të bëj më të mirën time”, është shprehur Marigona.

Ftesë nga miliarderi Donald Trump

Marigonës i erdhi ftesa direkte nga miliarderi amerikan Donald Trump për të qenë pjesë e kompanisë së tij “Trump Models Management”, kompani kjo për të cilën sipas Marigonës “është një privilegj i madh të jeshë pjesë e kësaj kompanie të fuqishme të modës dhe se për të qenë pjesë e saj duhet të keshë shumë fat”.

“Pas mbarimit të spektaklit Miss Univers pata rastin që përmes fotografit të famshëm shqiptar Fadil Berisha të njohtohem me Donald Trampin. Dhe atë natë ai më tha se unë më shumë jam e konstruktuar për foto modele dhe sfiluese, sesa për të vazhduar defilimin si miss. Pas një kohe kam marr ftesën për të qenë pjesë e kompanisë së tij të modës. Vërtetë them se kam pasur fat të madh pasi që të jeshë pjesë e saj vërtetë është privilegj. Kjo për faktin se brenda këtyre dy viteve aq shumë kam vizituar vende sa që më duket si ëndërr” thotë ajo.
Nuk do mend, Marigona është femra e parë dhe e vetme shqiptare, e cila ka arritur që të jetë pjesë e kompanisë më të famshme të modës në botë “Tramp Models Management”, dhe përkundër kësaj ajo thotë se ende kërkon shumë nga vetja për të dhënë në pasarelat e modes dhe fotomodelimit, e në veçanti në botën e biznesit.
Por, ajo është e vetëdijshme se sukseset që i synon vërtetë kërkojnë shumë energji, shumë punë e disciplinë.
Ndryshe nga kolegia e saj nga Ana de la Cruz e Republikës Domenikane, e cila në garën Miss Universe 2009 ishte poashtu në tri fitueset e para të “Mis Univrsit”, por nuk ia kishte dalur që ti bëjë ball fortunës së quajtur “mafia”, dhe u kap nga policia me kontraband droge, Marigona rrezaton stabilitet.

Ajo është e vendosur të investojë në vetvehtën e saj edhe nga aspekti akademik. Kosovarja e vetme, e punësuar në kompaninë e miliarderit Donald Trump, dëshiron të arrij majën edhe në botën e biznesit. Pas tri vitesh ajo do të përmbyll studimet . Do ti braktis bankat e Kolegjit universitar “Pjetër Budi” në Prishtinë, dhe si e diplomuar padyshim do të dëshmohet si një menaxhere e suksesshme e biznesit të saj personal. Nuk do mend këtu do ta ndihmojë edhe përvoja që shumë kush e ëndërron, ajo e angazhimit në kompaninë botërore, që udhiheqet nga magnati Donald Trump.

Gona dhe Hasna, dy kolege që duhemi si motra

fisi — Fri, 20 Aug 2010 12:28:52 +0000

Dy bukuroshet që përfaqësuan vjet në “Miss Universe”, Shqipërinë etnike, duket se nuk janë vetëm dy kolege të mira me njëra-tjetrën, por edhe dy motra shumë të mira për njëra-tjetrën.

Ndonëse jo të një gjaku, Marigona Dragusha dhe Hasna Xhukiçi, janë bërë për njëra-tjetrën motra. Fakti që i përkasin të njëjtës etni, i ka lidhur edhe më shumë 2 bukuroshet shqiptare.

Pas pjesëmarrjes në “Miss Unieverse”, të dyja vajzat kanë nënshkruar kontrata të rëndësishme për industrinë e modës, siç është kontrata me agjensinë “Ford Model”. Hasna dhe Gona, janë duke ngritur çdo ditë e më shumë, përmes bukurisë dhe zgjuarsisë së tyre, emrin e shqiptarëve në botë. (Bluetooth)

Diellza mbledh vajzat më të bukura në një katalog mode

fisi — Mon, 26 Apr 2010 10:29:39 +0000

Një katalog ku Kolgeci ka bashkëpunuar me shumë fytyra publike duke filluar nga modelet Agnesa Vuthaj, Afërdita Dreshaj, Njomza Rozhaja, Marigona Dragusha, Hasna Xhukiçi, Emina Cunmulaj, Zana Krasniqi dhe këngëtaret Mihrije Braha, Jehona Sopi, Soni Malaj, Kaltrina Selimi, Nora Istrefi, Elvana Gjata dhe Genta Ismajli.

Para disa ditëve modelja e njohur kosovare Diellza Kolgeci ka prezantuar katalogun me emrin “Vetja”.

Kolgeci promovimin e katalogut të ri në llojin dhe stilin e saj, përveç emrit unik që i ka vendosur,mes të tjerave ka publikuar edhe moton tejet interesante: “Jo çdokush lind i bukur, por kushdo mund të bëhet i bukur”.

Me këtë moto, ajo ka dashur të tregojë se me pak mund, ndryshimi arrihet në nivel të duhur. Ky mesazh dërgohet tek të gjithë femrat të cilat nuk kanë besim
tek vetja sa i përket bukurisë!

Mihrije Brahja dhe Jehona Sopi në katalog janë paraqitur më serioze sa i përket transformimit të imazhit. Mihrije Braha akoma vazhdon të mbajë ngjyrën pink në të kuqe në flokët e saja, imazh ky që e tregon këngëtaren akoma si një adoleshente.

Jehona është paraqitur përsëri si bjonde me një buzëqeshje të butë e cila e ka karakterizuar këngëtaren. Kjo është edhe një paraqitje e rradhës për Jehonën, e cila së shpejti pritet të bëjë ceremoninë e martesës këtë vit. Elvana Gjata dhe Soni Malaj, janë përzgjedhur nga modelja kosovare Diellza Kolgeci si imazh për katalogun e prezantuar këto ditë në mbarë Kosovën. Këtë përzgjedhje Kolgeci e ka bërë duke u bazuar në suksesin dhe popullaritetin që gëzojnë këto dy këngëtare tek publiku kosovar.

Një përzgjedhje interesante modelja Kolgeci ka bërë me Emina Cunmulajn, Hasna Xhukiçin, Zana Krasniqin dhe Marigona Dragushën duke u bazuar në suksesin e tyre mbarëkombëtar. Ndoshta për faktin se Diellza dëshiron që të njëjtin katalog ta prezantojë edhe jashtë Kosovës, ndërkohë që imazhet e këtyre vajzave do i dalin në ndihmë të madhe asaj për të arritur suksesin e dëshiruar.

Këngëtaret Genta Ismajli, Kaltrina Selimi dhe Nora Istrefi në katalogun e lartpërmendur paraqiten si imazh i femrave të
gjeneratës së re. Këngëtaret kanë pozuar me veshje seksi dhe
verore, një grim natyral dhe krehje të thjeshta.

Marigona pozon nudo

fisi — Tue, 06 Apr 2010 09:18:36 +0000

Marigona Dragusha, që njëherit është dhe femra e tretë më e bukur e planetit, ka ‘thyer akullin’ duke pozuar nudo për fotografin e njohur Fadil Berisha.

Bukuroshja 18-vjeçare zuri vendin e tretë në kompeticionin Miss Universe 2009. Ajo vazhdon karrierën si modele në kompaninë e modeleve të Donald Trump, që ia bëri asaj ofertën e që mësohet të jetë nënshkruar në Gjakovë pas paraqitjeve fenomenale të saj në pasarelat e modës.

Marigona gjithashtu nuk e ka fshehur ambicien e saj për të studiuar shkencat politike dhe për t’u futur një ditë në botën politike kosovare. Ajo u përball në Bahame me shkrimet e gazetave spanjolle që flisnin për montim të suksesit të saj nga Fadil Berisha. Pos kësaj, ajo u takua dhe me kryeministrin e Bahameve, nga i cili kërkoi njohjen e Kosovës.

Spekulimet për moralin e Marigonës janë rritur dukshëm kur ajo filloi të pozojë nudo për Fadil Berishën edhe pse ajo më herët kishte mohuar kategorikisht një gjë të tillë. Flokë të shkurtra për përgatitjen më të lehtë të parukave dhe disa foto në setin e bërë nga Fadil Berisha e shohin Marigonën të lidhur me një rrip në pjesën e gjinjve dhe asgjë tjetër, duke hedhur njëkohësisht poshtë deklaratat e saja se kurrë në jetën se saj nuk do të pozonte nudo, indikator i së cilës është mosha e saj e njomë. /PanoramaPlus/

Marigona Dragusha ndërron pamjen

admin — Mon, 29 Mar 2010 13:00:19 +0000

Modelja dhe bukuroshja kosovare, Marigona Dragusha, e cila po jeton në New York, ka ndërruar pamjen e saj gjatë një paraqitjeje që ka pasur në një sesion të ri fotografish.

Ajo ka prerë flokët shkurt, para së të merr pjesë në Konferencën për Ujë të organizuar nga Organizata Botërore e Ujit e Kombeve të Bashkuara, ku është emëruar edhe Ambasadore e Nderit nga kjo organizatë, për të rritur sensibilizimin për kursimin e ujit të pijshëm në botë.

Ndryshe, Dragusha është pjesë e agjencisë së modës “Donald Trump Models” dhe pritet që së shpejti të paraqitet në disa fushata marketingu në New York.

Marigona Dragusha kërkon ujë për Haitin

fisi — Tue, 16 Mar 2010 16:43:15 +0000

Me organizmin e Organizatës Botërore të Ujit, me mandat humanitar, bukuroshja Marigona Dragusha është duke marrë pjesë në një fushatë, e cila ka për qëllim sensibilizimin e shtetit të Haitit për ujin e pijshëm.

Si pjesë e këtij organizimi, përpos Marigonës, janë edhe disa artistë nga Koreja Jugore, përderisa fushatës i prin profesori i artit Hai-Kyung Suh, i cili është një pianist i njohur në botë.

Madje, pianisti korean do të mbajë një koncert në “Lincoln Center” të New Yorkut”.
Fushata quhet “Drinking Water for Haiti”, përderisa Marigona është e ftuar speciale në këtë eveniment.

Ndryshe, Marigona është zgjedhur edhe si Ambasadore e Vullnetit të Mirë nga Organizata Botërorë për Ujë.

Në këtë mbrëmje do të merr pjesë edhe shkëlqesia e tij, ambasadori Waheed Waheedulla, për të cilin thuhet se ka bërë shumë që në Kosovë të ketë paqe dhe i cili po ashtu do ta përcjellë ngjarjen.

Lajmi për pjesëmarrjen e bukuroshes shqiptare është dhënë nga ueb-faqja theworldwater.org.

Ndryshe, Marigona Dragusha vitin e kaluar ishte zgjedhur si përcjellësja e dytë e “Miss Universe 2009”. Ajo kishte thënë se ka dëshirë që në të ardhmen të merret me politikë, përderisa karrierën e saj Dragusha e zhvillon në SHBA, ku është pjesë e agjencisë së modës “Donald Trump Models”.

Dragusha në fund të këtij viti po ashtu nuk mundi të merr pjesë në një eveniment që ishte organizuar në Brazil, për shkak se ky shtet nuk e ka njohur pavarësinë e Kosovës./express/

Brazili s’e lejon të merrë pjesë Marigona Dragushen

fisi — Fri, 22 Jan 2010 11:10:47 +0000

Modelja dhe bukuroshja kosovare, Marigona Dragusha, mësohet se nuk do të marrë pjesë në spektaklin e bukurisë “Ford SuperModel of the World”, që mbahet në Rio de Janiero.

Ende nuk dihet se pse ajo nuk do të marrë pjesë, por ka pasur thashetheme se mospjesëmarrja e kosovares në këtë eveniment ka të bë me mosnjohjen e Kosovës si shtet i pavarur nga Brazili.

Marigona ka të nënshkruar një kontratë me “Donald Trump Models” dhe pjesëmarrja në këtë eveniment nuk i intereson edhe aq shumë./Express/

Marigona vajza më e suksesshme e këtij viti

admin — Sun, 03 Jan 2010 21:55:39 +0000

Askush nuk e kishte nuhatur një vajzë, e cila kishte konkurruar në një konkurs bukurie në TV 21 të organizuar nga Fadil Berisha.

Ajo ishte Marigona Dragusha. E gjatë, simpatike dhe sharmante, Gona as vetë nuk kishte besuar që ky vit do t’i sillte kaq shumë suksese.

Pas kësaj ajo nënshkroi një kontratë me njërin nga agjensionet më të suksesshme të modës, “Donald Trump Models”.

Pavarësisht kësaj, ajo vazhdon të jetë modeste, “single” dhe afër familjes së saj. Në këtë fundvit atë e gjen me prindërit e saj në Prishtinë.

Rozë: Mund të thuhet se ky ka qenë viti juaj. Keni qenë përcjellësja e dytë missit në spektaklin e bukurisë Miss Universe 2009. Na përshkruani emocionet atje?
Gona: Po vërtet mund të konsideroj që ky ka qenë viti i sukseseve më të mëdha për mua. Ndihem shumë e lumtur që kam arritur ta prezantoj Kosovën në një eveniment të tillë dhe të shpërblehem me këtë çmim. Ishte përgjegjësi e madhe, por gjithsesi jam nisur të bëj më të mirën time. Me emocione shumë të mëdha besoj që ia arrita ta përfundoj misionin tim ashtu siç duhet.

Rozë: Kur jeni zgjedhur “Miss Kosova Universe 2009”, a e keni menduar se do të keni sukses edhe në arenën ndërkombëtare?
Gona: Sigurisht që jam munduar të përgatitem sa më shumë që të kem një paraqitje sa më të mirë në Miss Universe. Por, nuk e kam pritur një çmim të tillë.

Rozë: Keni nënshkruar edhe një kontratë me Donald Trump. Si do t’ju shohim në të ardhmen, si modele apo çfarë?
Gona: Po, tani jam pjesë e agjencisë se modeleve “Trump models”, ku do të punoj. Sigurisht si modele për një kohë.

Rozë: A do e pritni ndërrimin e motmoteve në Prishtinë?
Gona: Po, për Vitin e Ri do të jem në Kosovë. Do të festojë me familjen time. Pastaj do të jem në udhëtim.

Rozë: Cili është urimi i juaj për Kosovën në Vitin 2010?
Gona: Uroj që së pari të gjithë të kenë shëndet. Shpresoj që viti i ardhshëm të sjellë suksese më të mëdha për Kosovën.

Loboj edhe për Kosovën

Marigona Dragusha gjatë kohës sa ishte në Bahame shfrytëzoi arritjen e saj për të lobuar edhe për shtetin e Kosovës. Ajo, pas një takimi që kishte pasur me kryeministrin e këtij vendi, i kishte kërkuar njohjen e Kosovës. “Po. I kërkova njohjen e Kosovës dhe ai e priti mirë këtë lobim timin”, kishte thënë Dragusha më të ardhur në Prishtinë. Për këtë lobim kishte folur edhe Fadil Berisha, ndërkaq Gona nuk e përjashton mundësinë që në të ardhmen të jetë një politikane.

Fakte për Gonën

Marigona (Gona) Dragusha në fillim të vitit 2009 kishte fituar titullin e “Miss Kosova Universe 2009”, që organizohet nga fotografi i njohur shqiptar në SHBA Fadil Berisha. Pas kësaj ajo kishte marrë pjesë në Miss Universe 2009, duke u bërë përcjellësja e dytë e missit, e renditur pas fitueses Stefania Fernandez nga Venezuela dhe Ada de la Cruz, përcjellësja e parë nga Republika Dominikane. Përpos gjuhës shqipe, Gona flet edhe spanjishten, të cilën gjuhë, siç thotë ajo, e ka mësuar nga telenovelat spanjolle që transmetohen nëpër telenovelat shqiptare./express/

Marigona Dragusha ka realizuar foto të reja

admin — Thu, 17 Dec 2009 19:53:53 +0000

Bukuroshja kosovare, Marigona Dragusha, ka realizuar foto të reja për agjencinë e modës që ajo tani përfaqëson.

Përcjellësja e dytë e Miss Universe 2009 ka nënshkruar para disa muajsh kontratë me “Donald Trump Models” dhe pritet që së shpejti të këtë risi në karrierën e saj.

Fotot e fundit, Marigona i ka realizuar në studion e Fadil Berishës në New York.