Lady Gaga, e cila njihet për veshjet e saj të cuditshme dhe ekstravagante, këtë herë ka preferuar të vishet si një bretkosë.

Këngëtarja 25-vjecare është fotografuar në aeroportin Taipei. gjatë udhëtimit të saj në Indonezi.

Po në këtë vend i është dashur të anullojë dhe koncertin e saj, për shkak të kundërshtimeve nga ana e islamikëve ndaj performancës së divës së pop-it.

Filxhani i përdorur vetëm njëherë nga Lady Gaga është shitur gjatë një ankandi në Japoni për 57 mijë euro. Lajmi është bërë i ditur nga faqja Yahoo! Japan, e cila organizoi dhe ankandin online.

Filxhani i këngëtares është përdorur nga ajo gjatë një konference në Tokio, tre muaj pas cunamit të marsit 2011.

Ideja për të shitur këtë filxhan me “buzët” e 25 vjecares ishte e vetë asaj. Paratë e këtij ankandi do të shkojnë për të financuar bursa për artistët e rinj japonez në SHBA.

Nju Jork-Katër hapa në Nju Jork, vetëm me reçipeta. Kush mund tja lejojë vetes këtë? E jashtëzakonshmja Lady Gaga, që i dashuron provokimet.

Kështu këngëtarja është vënë sërish në qendër të vëmendjes pasi u kap nga paparacët teksa shëtiste nëpër rrugët e Nju Jorkut me një palë syze të zeza me kthetra dhe një veshje tërësisht të zezë të hapur në formë V përpara, aq sa mund të shihen mjaft qartë reçipetat e saj.

E ndërkohë Lady Gaga i është kundërpërgjigjur akuzave se ajo shpenzon shumë para. Pavarësisht miliona dollarëve të fituar përgjatë këtyre viteve, popstari siguron se nuk shpenzon shume dhe jeton ashtu siç jetonte përpara se të bëhej e famshme. E vetmja gjë për të cilën ajo thotë se shpenzon pa kufi janë kristalet kurative të cilat i merr me vete edhe nëpër koncerte.

“Nuk i kam hyrë kësaj bote për para, ndaj nuk shpenzoj shumë dhe jam e lumtur edhe kështu”-ka shpjeguar këngëtarja për revistën “Us”. Gaga e cila vdes të hedhë para për fansat e saj nëpër turne, thotë se nuk shpenzon pothuajse fare për veten aq sa edhe menaxheri i saj e pyet shpesh nëse i ka me vete kartat e kreditit.

“Është shumë për të qeshur sepse më merr shpesh në telefon dhe më pyet nëse i kam humbur kartat e mia sepse nuk shpenzoj. Nuk e bëj dhe kaq, jo se jam çmendur”-thotë ajo.

Veç të tjerash, Lady Gaga vazhdon të jetojë në një apartament të vogël. “Jetoj në njëtën shtëpi dhe dhoma ime ka përmasat e një studioje radiofonike me një kuzhinë vetëm një metër”-vazhdon ajo.

Por çuditë e Lady Gaga nuk përfundojnë këtu. Ajo është e bindur se kristalet kanë fuqi të veçantë dhe se ekzistojnë lloje të ndryshme me qëllime specifike. Për këtë ajo i merr me vete nëpër koncerte për të rritur seksualitetin e saj, krijimitarinë dhe duke i konsideruar si purifikativ, ajo mendon se ripërtërijnë energjitë.
Një burim pranë saj ka thënë për “The Sun” se Gaga beson shumë tek këto kristale dhe i mban me vete në çanta të vogla pasi është e bindur se duke thithur energjinë e tyre do të ketë një mendje më të shpejtë.

Për të mos harruar se Gaga beson edhe tek astrologët, aq sa është e shqetësuar edhe për pozicionin e yjeve, veçanërisht kur niset për turne.

Yjet e Hollywood-it dhe të muzikës duket se kanë zbuluar dashurinë për Silicon Valley.

Në vitet e fundit janë shtuar emrat e mëdhenj të showbizit që kanë vendosur të investojnë një pjesë të fitimeve të tyre në industrinë teknologjike: Ashton Kutcher, Leonardo Di Caprio, Lady GaGa, Justin Timberlake, Jessica Alba, janë vetëm disa prej vip-ave që e kanë zbuluar veten “venture capitalist”, shpesh me rezultate për t’u admiruar.

Një modë e vërtetë që, nga një anë, u lejon vipave të tregojnë nuhatjen e tyre prej biznesmeni e të realizojnë fitime jo të vogla dhe, nga ana tjetër, garanton më shumë vizibilitet për bizneset e tyre.

Ashton Kutcher është aktori që për t’u bërë reklamë shërbimeve ku ka investuar ka shpikur truqe të ndryshme. Ish-bashkëshorti i Demi Moore është në fakt financuesi më i njohur e i respektuar mes celebriteteve me rreth 30 investime në 4 vitet e fundit si social network Path e Foursquare, programi për iPad Flipboard, etj. Aktori i ri inauguroi pjesëmarrjen në “Dy burra e gjysmë” – një sit-com shumë e ndjekur në SHBA – duke u shfaqur me një laptop të mbushur me logot e firmave në të cilat ka investuar. Një reklamë që kanalit CBS duket se nuk i ka pëlqyer shumë.

Ka edhe nga ata që kanë preferuar ta krijojnë vetë shoqërinë e tyre në vend që të kufizohen me investime. Jessica Alba e Kim Kardashian janë dy shembuj. E para ka krijuar një faqe për eCommerce me produkte për fëmijë, Honest.com, që javët e kaluara tërhoqi një investim prej 27 milionë dollarë. Ndërsa e shumëpërfolura Kardashian është bashkëthemeluese e faqes Shoedazzle.com që u dërgon të abonuesve kundrejt pagesës çanta dhe këpucë të zgjedhura nga ekspertë të modës. Një iniciativë që ka mbledhur 60 milionë dollarë kapital në më pak se 3 vjet.

Bota e muzikës mbetet ajo më aktivja në sektorin teknologjik me emra të njohur si Justin Timberlake i cili ka blerë ish-rivalin e Facebook, My Space, dhe është financues i Dekko e Stipple.

Lady Gaga e Kanye West kanë investuar në Turntable.fg, një miks mes një chatroom dhe dj set, që konsiderohet si shumë premtuese në botën e muzikës.

Listës së yjeve të dashuruara me teknologjinë i mungon ende një fitues i çmimit Oscar. Për këtë po punon Leonardo Di Caprio, i cili vitin e kaluar ka investuar në Mobli, një faqe për shpërndarjen e imazheve, të cilën e përdor shumë edhe vetë. Fotografia që do të donte të publikonte më shumë nga të gjitha e dini mirë se kush është: ajo me një Oscar në dorë.

Lady Gaga heq maskën.

Në prag të ditëlindjes së saj (nesër ajo mbush 26 vjec) pop stari më popullor në botë habit rreth 21 milion fansat e saj duke postuar një foto në Twitter, totalisht natyrale, pa truk duke u shtirur se po lyen buzët.

Një foto e bërë vetë dhe një lule në flokët e saj të shoqëruar me një Twitt ‘Kalofshi një ditë të mirë!

Lady Gaga ka dhënë një intervistë për Oprah Winfrey, duke thënë  se kjo do të ishte dalja e saj e fundit para publikut për një farë periudhe.

Ndër të tjera, këngëtarja ka treguar edhe se ëndërron të krijojë një familje me shumë fëmijë në të ardhmen.

“Po, dua fëmijë, dua një skuadër fëmijësh dhe dua një burrë”, ka thënë paksa me shaka ajo, për të shtuar se “mos e merrni shumë seriozisht atë që thash për ekipin e futbollit”. “Gjithsesi do të doja të kisha jo vetëm një fëmijë, por do të doja disa. Por ende s’ka ardhur koha”.

Intervistës më pas iu bashkua edhe nëna e këngëtares, duke kujtuar një nga paraqitjet e hershme të së bijës, kur ishte adoleshente në New York. Ndër të tjera, ajo ka zbuluar edhe se çfarë mendonin prindërit për Gagan kur ishte e vogël “Babai i saj dhe unë, në të vërtetë, ishim të mendimit se ajo kishte ‘ca dërrasa mangu’…”

Këngëtaren që po e pushton botën me muzikën e saj, Lady GaGa, do ta shohim edhe si aktore në filmin “Men in Black III”.

Në një intervistë për ElCorillo.com, aktori kryesor Will Smith ka thënë se në film do të jenë mysafirë shumë yje, mes tyre edhe Lady GaGa që ka një rol të vogël.

Këngëtarja tjetër, Nicole Scherzinger, do të ketë rol negativ në vazhdimin e tretë të njerëzve në të zeza.

Pjesë e filmit është padyshim Tommy Lee Jones, pastaj Jemaine Clement, Emma Thompson dhe Bill Hader.

httpv://www.youtube.com/watch?v=w6l2worqdDU&feature=player_embedded

Këngëtarja Lady Gaga, e cila praktikisht publikon album pas albumi, single pas single, projekt pas projekti, ka njoftuar për një turne të ri për vitet 2012/2013.

Turneun e titulluar “The Born This Way Ball”, e ka paralajmëruar në profilin e saj në Twitter, ndërsa datat e sakta dhe vendet e planifikuara për të mbajtur koncertet do të publikohen në faqen e saj zyrtare të internetit gjatë kësaj jave.

Për paralajmërim e ka shfrytëzuar edhe posterin e ri, i cili tregon fytyrën e saj.

Bashkë me njoftimin në Twitter dhe më vonë në Facebook, ka pasur edhe një mesazh për “monstrumët e vegjël”. “Unë jam shumë e lumtur dhe e emocionuar. Ne po punojmë shumë për skenën dhe mezi pres që ju ta shihni. Ju dua.”

Të rikujtojmë që Lady Gaga kohët e fundit ka njoftuar për nisjen e rrjetit të saj social në të cilin të gjithë “monstrumët e vegjël” të saj do të jenë në gjendje të bëjnë profilin dhe pafundësisht të bisedojnë dhe të shpërndajnë përmbajtjet lidhur me muzikanten e tyre të preferuar dhe ikonën e stilit – Lady GaGa.

Nuk është vetëm i dashuri i saj Taylor Kinney i vetmi person i cili dëshiron të jetë Lady Gaga “normale”. Të njëjtën dëshirë e ka shfaqur edhe babai i saj, Joe Germanotta, ndërsa këtë e ka bërë të ditur vetë këngëtarja.

Lady Gaga tha se do të vizatoj trupin e saj vetëm në anën e majtë, sepse i ati i saj i kërkoi që “të paktën gjysma e saj të jetë normale.” Për të kënaqur dëshirën e tij, në anën e djathtë të trupit nuk do ta vizatoj këngëtarja apo të vendos pirsing.

Këngëtarja ka pranuar se babai i saj gjithashtu është ankuar për fustanet e saj. Ai i tha asaj që duhet të jetë më shumë me rroba normale.

Këngëtarja amerikane, Lady GaGa, është personi i parë që ka arritur shifrën prej 18 milionë fansash në rrjetin social Twitter.

Ajo i ka falënderuar ‘përbindëshat’ e saj që i kanë ndihmuar ta vë këtë rekord.Nuk mund të besoj se kam 18 milionë ‘Twitter- përbindësha’ të mi. Para disa vitesh kam pasur vetëm disa”, ka deklaruar Gaga.

Krijuesja e hitit “Poker Face” ka rreth dy milionë fansa më shumë se sensacioni i tinejxherëve, Justin Bieber, të cilin në Twitter e përcjellin rreth 16.4 milionë njerëz.

Vendin e tretë e zë Katy Perry (13.9 milionë), e katërta është Shakira (12.6 milionë), ndërsa top-pesëshin e përmbyll Kim Kardashian (12.5).

Dhjetë yjet me më shumë fansa në Twitter:

1. Lady GaGa – 18 milionë
2. Justin Bieber – 16.4 milionë
3. Katy Perry – 13.9 milionë
4. Shakira – 12.6 milionë
5. Kim Kardashian – 12.5 milionë
6. Britney Spears – 12.4 milionë
7. Rihanna – 11.9 milionë
8. Barack Obama – 11.9 milionë
9. Taylor Swift – 10.4 milionë
10. Selena Gomez – 9.6 milionë