Ditën e djeshme në spektaklin Kënga Magjike që u zhvillua në Pallatin e Kongreseve, nuk mungoi as humori. Prezenca e aktores së telenovelës Gymysh ka qenë një ndër suprizat e spektaklit.

Por edhe personazhi Teri, i cili hyri në skenë duke i kërkuar Ardit Gjebresë të martohej me Gymyshin ka ngjallur shumë hilaritet në sallë. Ai duke luajtur skeçin e vet, i ka recituar aktores Gymysh vargjet e poezisë erotike të Ministrit të Transporteve Sokol Olldashit, që janë publikuar në gazetën “Shqiptarja.com”.

“Do ti recitoj Gymyshit një poezi, I thotë Llakaj, Ardit Gjebresë gjatë spektaklit”.
Cfarë poezie? E pyet Arditi
“Mos u merakos e dashur
Nëse do kem uri
Gjoksin tënd do të hamë
Njërin unë e tjetrin ti…”

Vargjet e recituara nga Agron Llakaj shkaktuan hilaritet dhe të qeshura në sallë, edhe pse Llakaj nuk e përmendi që autori i këtyre vargjeve ishte ministri Sokol Olldashi.

Aty në prapaskenën e Kënga Magjike mund të shihni gjithçka: artistë me dhe pa grim, këngëtarë që flejnë apo flirtojnë, madje ekzistojnë edhe skena paksa provokuese…!

Ja Rezarta Shkurta, një prej artisteve që shquhet për lojrat e saj, nuk nguron “t’i fusë duart” në gjoksin e Leonora Jakupit, e cila as që e ka mendjen fare tek prekjet dashamirëse të koleges, pasi po e thërrasin të shfaqet në skenë.

E në fakt nuk arrijmë të kuptojmë realisht nëse e gjithë kjo skenë është vetëm një shaka apo thjesht përkujdes që Rezarta nuk e fsheh shpesh me koleget dhe po tenton t’i rregullojë artistes kosovare fustanin.

Gjysmë finalja e parë e “Këngës Magjike 2011″ do të mbahet sonte në orët e mbrëmjes dhe spektakli do të transmetohet ‘live’ në TV Klan.

Emrat që do të ngjiten në skenë sonte (17 nëntor), në natën e parë gjysmëfinale janë:
1. Albërije Hadërgjonaj
2. Aurela Amzai
3. Barbana
4. Blerina Matraku
5. Bon Bon Band
6. Cyber Band
7. Denisa Gjezo
8. Devis Xherahu
9. Era Rusi
10. Ermal Mamaqi
11. Ester Hoxha
12. Ilir Kazaferi
13. Kejsi Tola
14. Klevis Saliaj
15. Kujtim Prodani
16. Leonora Jakupi
17. Leotrim Gashi
18. Lynex
19. Malda Susuri
20. Noizy
21. Olta Boka
22. Pirro Çako & Vedat Ademi
23. Rrezarta Shkurta
24. Visari & Ronela Hajati. /G.S./Telegrafi/

Kastro Zizo, Adrian Gaxha e Noisy janë kandidatët e radhës pjesëmarrës në festivalin muzikor “Kënga Magjike 2011”.

Edicioni i 13-të i festivalit muzikor “Kënga Magjike” do të mbahet me 17, 18, dhe 19 nëntor të këtij viti, në Pallatin e Kongreseve. Telegrafi edhe kësaj here ju sjell një përshkrim të këngëve të javës së shtatë të këtij evenimenti.

Kastro Zizo & Mira Janji – Doruntina dhe Kastro i zi

Këngëtari Kastro Zizo, gjithmonë i shpërblyer në festivalin Kënga Magjike, rikthehet në garë pas dy viteve mungesë. I veshur në veshje kombëtare, Kastro paraqitet këtë vit në duet me këngëtaren Mira Janji. Ata sjellin një këngë të bukur me ngjyra etnike, e cila në sfond shoqërohet me një material shumë interesant.

Adrian Gaxha – Me ty

Këngëtari i njohur nga Shkupi, Adrian Gaxha, merr pjesë për herë të tretë në festivalin “Kënga Magjike”. Edhe këtë vit, Adriani vjen me një këngë të rrymës elektro dance, sikur se në edicionin e vitit të kaluar. Kënga ritmike, ‘Me ty’ u shoqërua në skënë nga tre valltarë, të cilët së bashku me Adrian shfaqën një koreografi të bukur.

Leutrim Gashi – Pretendet

‘Pretendet’ është e kënga e tretë e natës së dytë të cilën e sjell këngëtari i ri, Leutrim Gashi. Këngëtari i ri nga Kosova debuton në festivalin “Kënga Magjike” me një këngë ritmike. Me plot shkëlqim dhe energji, Leutrimi e prezantoi këngën e tij konkurruese në skenë.

Rosela Gjylbegu – Sikur të isha ti

Shkodrania, Rosela Gjylbegu rikthet në festivalin “Kënga Magjike” dy vite më vonë pasi ajo rrëmbeu çmimin e parë në vitin 2009, në duet me këngëtaren Eliza Hoxha. Edhe kësaj radhe Rosela paraqitet në këtë festival me një këngë mjaft të bukur. Për vargjet e këngës ‘Sikur të isha ti’, është përkujdesur tekstshkruesi Big Basta.

Blerina Matraku – Laja, laja

Këngëtarja nga Shqipëria, Blerina Matraku, konkurron për herë të tretë radhazi në festivalin muzikor “Kënga Magjike”. Në këtë edicion, Blerina vjen më një këngë të bukur melodike të shoqëruar gjatë gjithë kohës me tingujt e bukur të violinës. Blerina, këngën e saj ia ka kushtuar të atit së saj, njeriut më të dashur qa ajo ka humbur në jetë.

Noizy – Shooting star

Reperi i njohur, Noizy, konkurron përsëri në festivalin “Kënga Magjike”. Noizy vjen me një këngë të bukur të stilit të tij, që mban titullin ‘Shooting star’. Kënga u prit jashtëzakonisht mirë nga publiku në sallë. Sigurisht që edhe këtë këngë të kënduar pjesërisht në anglisht, do ta përcjell suksesi i këngës së edicionit të kaluar ‘My lady’ që shpërbleu këngëtarin më çmimin e internetit.

Argjentina Ramosaj nuk është duke pushuar këtë kohë. Mësuam se ajo është duke u përgatitur për festivalin “Kënga Magjike”.

Nuk dihet ende se kujt ia ka besuar notat e këngës, ndoshta sërish Flori Mumajesit.

Nëse vitin e kaluar ajo për herë të parë në një festival të madh modern u vlerësua me këngën “Engjëjt qajnë”, urojmë që këtë vit Argjentina të marrë ndonjë çmim më kryesor.

Argjentina Ramosaj, këngëtarja e cila së fundi shkëlqeu në festivalin ´Kënga Magjike´, duke fituar edhe çmimin ´Magjia e Parë´, thotë për Telegrafi.com se fama është gjë e bukur për një artist.

“Jeta ime ka ndryshuar shumë. Nuk ka shans të eci nëpër rrugë pa më njohur njerëzit, është një gjë shumë e çuditshme. Dhe i falënderoj të gjithë fansat që më përshëndesin dhe komplimentojnë gjithmonë. Fama është një gjë shumë e bukur për një artist.

Sa më shumë famë aq më shumë do të ketë njerëz që e dëgjojnë dhe e vlerësojnë muzikën, punën tënde”, është shprehur Argjentina.

Falënderimin më të madh për sukseset e saj ajo ia dedikon familjes së saj dhe të fejuarit Valonit, me të cilin tash e dy vite është duke bashkëjetuar.

“Ka dy vite që bashkëjetojmë. Dhe jemi shumë të lumtur me njëri tjetrin. Valoni është spontan, lojal, elegant, dhe shumë i dashur. Ne jemi sikur të martuar pasi që edhe bashkëjetojmë, por meqë jemi shumë të angazhuar ende nuk jemi duke menduar për martesë. Por dasma e ëndrrave të mija do të ishte në ndonjë bregdet të bukur”, ka thënë Argjentina.

Ajo thotë se çmimi “Magjia e parë” në festivalin “Kënga Magjike” ka ardhur si befasi e këndshme për të.

“Ishte një çmim befasues për mua. Kjo është hera e parë që marr pjesë në ndonjë festival dhe të fitosh çmim do të thotë shumë. ´Magjia e parë´ është një çmim që u jepet artistëve të rinj dhe unë jam shumë e lumtur jo vetëm për çmimin, por edhe për këngën që është pëlqyer shumë”, është shprehur ajo.

Argjentina, e cila përveç muzikës studion fotografinë në akademinë e arteve, aktualisht është në përgatitje edhe të tre këngëve të reja, dy prej të cilave janë këngë ritmike dhe një tjetër është baladë. Kjo e fundit, sipas këngëtares, do të realizohet në bashkëpunim me aktorin dhe këngëtarin Fatos Kryeziu. /Telegrafi/

Në natën finale të festivalit “Kënga Magjike” nuk mund të anashkalohej kurrsesi pa u vënë re edhe prezenca e kryeparlamentares Topalli me familjen e saj.

Lidhja 5-vjeçare e vajzës së saj, Megit, me këngëtarin e talentuar Luiz Ejlli, ka qenë një arsye më shumë për të qenë prezente në këtë event.

Ne sot në “Bluetooth” do të sjellim 2 prej fotove ku shfaqen fëmijët e zonjës Topalli në sallën e Pallatit të Kongreseve. Në foton e parë, shikojmë Megin dhe të vëllain e saj, Gerin teksa bisedojnë.

Sipas hamendësimit tonë me siguri fëmijët e kryetares janë duke bërë komentin e ndonjërës prej këngëve konkurrente…
Ndërsa tek fotografia e dytë, që sigurisht është bërë pas ndarjes së çmimit të madh, shfaqen Luizi, Megi dhe Genari, tejet të buzëqeshur.

Shkak për këtë buzëqeshje është bërë me siguri çmimi i parë, për të cilin nuk janë gëzuar vetëm Luizidhe Megi, por edhe vëllai i saj Geri, e më teje gjithë familja Topalli. (Bluetooth)

Ajo që shohim në netët e një festivali, në fakt është vetëm maja e ajzbergut në krahasim me atë që ndodh mbrapa kuintave të tij, por sidomos mbasi ulet sipari i evenimentit.

Kështu ka ndodhur edhe mbas natës finale të festivalit “Kënga Magjike”.

Edhe pse gjithsecili duhej të votonte kolegët dhe votat duhet të ishin tërësisht një mendim personal, përsëri kompromiset mes tyre kanë qenë të paevitueshme. Duket se kështu ka ndodhur edhe me Greta Koçin dhe Rozana Radin.

Vajzat mesa duket kishin rënë dakord që të votonin njëra-tjetrën, por në momentin që kanë thënë pikët, në fakt asnjëra nuk e kishte votuar tjetrën. Greta kishte votuar për Gertën, Oltën dhe Burn ndërsa Rozi për Noizyn, Erandën dhe Pirro. Pra në tre vendet e para nuk shfaqeshin emrat e tyre. Kaq ka mjaftuar për të ndezur sherrin mes dy vajzave të cilat në fakt kishin bërë të njëjtën lojë, kishin evituar emrat e njëra-tjetrës në tre emrat më të votuar, duke mos e mbajtur fjalën.

Pikët e Greta Koçit

1. Gerta dhe Kledi Mahmutaj
2. Olta Boka
3. Burn

Pikët e Rozana Radit

1. Noizy
2. Eranda Libohova
3. Pirro Çako

Nora Istrefi dhe Linda Halimi do ta kenë të ndaluar që të marrin pjesë në Festivalin “Kënga Magjike” për gjashtë vitet e ardhshëm, vetëm për shkak të një vonese trafiku.

Kështu ka thënë për Express Online një burim shumë i afërt me këngëtaren Nora Istrefi ku e tëra kishte ndodhur pas një kthimi në Kosovë të Norës bashkë me Linda Halimin dhe këngëtarin reper nga SHBA, Bigg D. për festën e Kurban Bajramit.

“Pasi kishin bërë paraqitjen e parë në Kënga Magjike dhe pasi që kënga ishte prit shumë mirë nga publiku Nora dhe Linda janë kthyer në Kosovë – për shkak se Linda kishte pasur një koncert.

Pastaj Nora bashkë me Big D dhe Lindën janë kthyer në Shqipëri, madje me një makinë të një miku te të fejuarit të Norës, Robertit, sepse kishte harruar çelësat e makinës së saj në hotelin në Shqipëri”, ka thënë ky burim.

Por, gjërat nuk kishin shkuar edhe aq mirë për Norën sepse kishte pasur të reshura të mëdha të shiut dhe pasi kishte mbërritur në Tiranë kishte ngecur në trafik.

“Nora e ka kontaktuar në telefon Gjebrenë ku i ka thënë se janë në Tiranë dhe vonohen për pak kohë për shkak të trafikut.

Por ai i kishte thënë: ‘Ju do e keni të ndaluar që të merrni pjesë gjashtë vjet në festivalin ‘Kënga Magjike 2010’. Pas gjysmë ore ai i ka kontaktuar prapë këngëtaret duke i thënë se janë të suspenduar nga pjesëmarrja në ‘Këngën Magjike’”.

Pas kësaj Nora kishte tentuar që të kontaktoj përsëri Gjebrenë pasi ishte qetësuar por ai i kishte thënë se fajet për këtë nuk i ka ajo sepse në kontratë që e kishte kishte nënshkruar Linda Halimi, specifikohej se këngëtaret nuk bën që të vonohen më shumë se 30 minuta dhe se vendimi i marrë nuk mund të kthehej.

Akoma pa mbaruar sezoni veror dhe koncertet, këngëtaret tona përgatiten për sfidën e radhës, festivalin “Kënga Magjike”.

Një ndër evenimentet e muzikës shqipe që sjell shumë hite gati çdo vit, “Kënga Magjike”, edhe këtë radhë pritet të grumbullojë një numër të madh konkurrentësh, ndërsa mes shumë kandidatëve do ketë mjaft emra të njohur të estradës nga Shqipëria dhe Kosova.

Përveç Valza Bajrës, e cila është në përgatitje të këngës së re, në konkurrim rikthehen edhe Leonora Jakupi, Shota Baraliu, Teuta Kurti e Zajmina Vasjari. /Shqipëria/