George Clooney thotë se frika më e madhe në jetën e tij është të lëndojë dikë dhe ka pranuar se ai jeton për të shmangur lëndimet e ndjenjave të njerëzve.

Aktori 50 vjeçar, i cili aktualisht është në lidhje me Stacy Keibler, ka sqaruar se ai nuk e pëlqen fare idenë që të bëjë personin tjetër të ndihet keq.

I pyetur cila është frika më e madhe në jetën e tij, ai tha: “Të lëndoj dikë”.

Sipas revistës “Now”, George Clooney mund të interpretojë rolin e vizionarit Steve Jobs, në filmin biografik që pritet të xhirohet vitin e ardhshëm.

Revista “Now” shkruan se ndër kandidaturat kryesore për të luajtur rolin e themeluesit të kompanisë “Apple” është edhe aktori Noah Wyle, por George Clooney duket më i favorizuar.

Steve Jobs ndërroi jetë në moshën 56-vjeçare, në tetor të këtij viti, për shkak të një sëmundjeje të rëndë.

George Clooney ka qenë i pranishëm në premierën e një tjetër filmi të tij, por të gjithë i kanë pasur sytë tek e dashura e tij, Stacy Keibler, me të cilën aktori tashmë shfaqet në çdo eveniment.

Stacy ka shkëlqyer më shumë se kurrë këtë radhë, duke qenë se ka veshur një fustan të hapur, që tregonte dhe një pjesë të mirë të sensualitetit të saj.

Duke parë Stacy-n, atëherë e kupton se Clooney ka pasur një shkak të fortë për t’u ndarë nga Elisabeta Canalis, e cila gjithashtu tashmë ka nisur një marrëdhënie të re.

Kush është George Clooney!?

Duket se në premirën e filmit të tij të fundit “The Descendants” ai ka qendruar në “hije”, sepse e gjithë vëmendja dhe fleshet e fotografëve ishin përqendruar tek e dashura e tij e re Stacy Keibler.

Clooney ka shkuar në pushim me të dashurën e tij, Stacy Keiber, për të festuar ditëlindjen e saj.

Stacy të Premten feston ditëlindjen e 32-të, mirëpo ylli Hollywood-ian, 50 vjeçari Clooney, ka vendosur që festën ta filloj një javë më heret, pikërisht në Cabo San Lucas.

Stacy në Twitter-in e saj publikoi foton dhe shkroi “Duke i ndjekur ditët e fundit të verës”.

Festivali i Filmit në Venecie ka mbijetuar mjaft mirë deri më tani, duke sjellë në tepihun e kuq një numër të madh të aktorëve të kategorisë “A” dhe një mori filmash me të cilët kritikët janë ndarë të kënaqur.

Në njërin prej festivaleve më të vjetra të filmit, të hënën u shfaq trileri politik i George Clooney, “The Ides of March”, filmi “Tinker, Tailor, Soldier, Spy” dhe komedia e Roman Polanskit “Carnage”, të cilët janë në garë për “Luanin e artë””.

Të dy janë në mesin e 22 filmave t[ tjerë që do të luftojnë për trofeun e madh. Edhe pse gjithmonë është e vështirë të parashikohen vendimet e jurisë së festivaleve, sipas një sondazhi të publikuar në revistën “Variety”, filmi “Carnage” (Masakra) udhëheq me parashikime, por konkurrenca përgjithësisht është e fortë.

“Carnage” është përshtatje nga shfaqja teatrale “God of Carnage” me aktorët Kate Winslet, Jodie Foster, Christoph Waltz dhe John C.Reilly në role kryesore. Polanski nuk do të mund ta pranojë vetë çmimin edhe nëse fiton, për shkak të ekstradimit nga Shtetet e Bashkuara. Ai ende po ballafaqohet me akuzën për një vepër të vitit 1977. Megjithatë fitorja do të ishte mjaft e mirëseardhur.

“Tinker, Tailor, Soldier, Spy”, i cili u dha premierë të hënën dhe është bazuar në romanin e John Le Carre, po ashtu llogaritet si konkurrent i fortë. Ai ka marrë kritika pozitive.

“Ky film është goxha favorit për ‘Luanin e artë’”, ka thënë Jason Solomons, kritik filmi për “Observer”.

Clooney mori notë pozitive fill pas premierës së filmit “The Ides of March”, një triler që shtjellon politikat amerikane, në të cilën ai paraqitet bashkë me Ryan Gosling dhe Philip Seymour Hoffman.

Vëmendjes së kritikëve nuk u ka shpëtuar as regjisori britanik, Steve McQueen, për filmin e tij “Shame”. Aktori Michael Fassander, i cili luan në këtë film, u vlerësua për një nga performancat më mbresëlënëse në festival.

“Fassenbender mundet që shumë lehtë ta fitojë ‘Coppa Volpi’ (çmimin për aktorin më të mirë)”, ka shkruar e përditshmja “La Stampa”.

Edhe filmi italian “Terraferma” u pranua mirë nga adhuruesit e kinemasë, por “The Summer” në të cilin rolin kryesor e luan Monica Bellucci, mori vlerësime të varfra.

Jashtë konkurrencës u shfaq filmi i Maddonës, “W.E”. Nëpër tepihun e kuq parakaluan yje si: Matt Damon, Gwyneth Paltrow dhe Laurence Fishburne, sikurse edhe aktori hollywudian veteran Al Pacino, i cili u nderua me çmim për vepër jetësore. Ai u nderua të dielën mbrëma kur u shfaq projekti i tij i fundit filmik, “Wilde Salome”.

Boxxxxxxxx

T: Regjisorët italianë sjellin rrëfimet e emigrantëve

Imigrimi në Itali është një temë e madhe në edicionin e sivjetmë të festivalit të filmit në Venecie. Disa nga filmat italianë që janë prezantuar në festival hedhin një vështrim kritik për mënyrën se si autoritetet dhe populli i këtij vendi janë duke luftuar të pajtohen me një valë të madhe të të ardhurve të rinj. Ndonjë temë tjetër nuk do të mund të ishte më aktuale për vitin kur mijëra imigrantë ilegalë që u larguan nga trazirat në Afrikën Veriore dhe lufta civile në Libi, arritën në Itali.

“Terraferma” ose “Mainland”, e regjisorit Emanuele Crialese, eksploron jetën e një peshkatari dhe familjes së tij në një ishull të largët në bregun sicilian, të cilët shpëtuan një grua etiopiane shtatzënë dhe e strehuan në shtëpinë e tyre.

Filmi, i cili është në garë për çmimet e festivalit, pasqyron një rrëfim fiktiv dhe nuk e identifikon ishullin, por në kastën e tij përfshihet edhe një ish – emigrant që i mbijetoi udhëtimit të rrezikshëm nëpër det dhe arriti në tokën italiane.

Numri i afrikanëve që rrezikuan jetën e tyre për të kaluar Mesdheun sivjet arrin deri në pesë mijë. Në “Terraferma”, peshkatari veteran i cili quhet Ernesto, njeh vetëm ligjin e detit dhe ndien obligim moral që t’u ndihmojë njerëzve që përballen me ujërat e trazuara, pavarësisht asaj që mund të thonë autoritetet. Por disa nga familjarët e tij të varfër nuk janë edhe aq të bindur.

Regjisori Crialese kishte vendosur ta realizonte filmin në vitin 2009, kur dëgjoi rrëfimin e një gruaje afrikane e cila ishte një nga pesë të mbijetuarit nga përmbysja e një anijeje, e cila po barte 21 afrikanë që ia kishin mësyrë Lampedusas.

“Isha i hipnotizuar nga fytyra e saj. Ajo sapo kishte kaluar nëpër ferr, tri javë në det, me njerëz që e panë, i qëndruan afër në ujë e më pas e braktisën përsëri. Dhe ajo dukej sikur kishte arritur në parajsë”, ka thënë ai.

Crialese i kishte ofruar gruas, së identifikuar vetëm si Timmit T., një film që është një padi e qartë kundër masave të ashpra të emigracionit të paligjshëm nga qeveria e kryeministrit italian, Silvio Berlusconi.

“Për mua, përgjigjja e shtetit është krejtësisht e papërshtatshme”, ka thënë Crialese, pasi filmi ishte pritur ngrohtë pas shfaqjes në ekranin e madh në kuadër të “Venice Film Festival”.

“Të lejosh që njerëzit të vdesin në det është shenjë e mungesës së qytetërimit, për një shtet që e quan veten të civilizuar”, ka thënë ai.

Një mesazh të ngjashëm jep edhe filmi “Cose dell’altro mondo” (Gjërat e një bote tjetër), një komedi e realizuar nga Francesco Patierno që imagjinon se çka do të ndodhte në Itali nëse katër milionë punëtorët emigrantë të këtij shteti papritmas do të zhdukeshin. Përgjigjja e filmit është se në këtë vend do të mbylleshin fabrikat për shkak të mungesës së personelit, derisa të moshuarit në karroca do të braktiseshin dhe askush nuk do të përkujdesej për ta.

Filmi i ri i shumëpërfolur në të cilin rolin kryesor e luan George Clooney është përzgjedhur të hapë edicionin e sivjetmë të Festivalit të Filmit në Venecie.

Filmi “The Ides of March” do të ketë premierën botërore më 31 gusht, pas ceremonisë së hapjes së Festivalit të Venecias, i cili zgjat deri më 10 shtator. George Clooney, fitues i çmimeve “Oscar”, shpeshherë ka qenë pjesëmarrës në Festivalin e Venecias.

Violante Placido, ka thurur elozhe për George Clooney, aktorin e famshëm me të cilin ka ndarë protagonizmin në filmin The American, të xhiruar në Itali.

Placido interpreton rolin e një prostitute në filmin që përqendrohet tek një vrasës me pagesë që fshihet në një fshat të vogël italian.

Aktorja theksoi se skenat nudo nuk ishin një problem për të sepse Clooney u tregua një xhentëllmen i vërtetë: “Folëm për skenat para se të xhironim dhe ai më qetësoi shumë. Më tha që dhe vetë ai nuk kishte xhiruar shumë skena seksi më parë. Në momentin që nisën xhirimet ndjeja që kishim një besim të madh tek njëri-tjetri.”

Aktorja zbuloi gjithashtu se ylli i Hollywood-it ka ndihmuar shumë pas tërmetit që goditi L’Aquila (Abruzzo), në vitin 2009.

“George Clooney vizitoi vetë zonën e dëmtuar dhe investoi para për rindërtimin e jetës së njerëzve”, theksoi aktorja.

Aktori George Clooney dhe ylli i futbollit Cristiano Ronaldo mund të dëshmojnë në procesin gjyqësor ndaj kryeministrit italian, Silvio Berlusconi.

Të dy këta personazhe janë në listën e 78 dëshmitarëve të mundshëm në çështjen “Ruby”.

Ruby, emri i vërtetë i së cilës është Karima el Mahroug, e cila mendohet të ketë shkuar në shtrat me kryeministrin italian kur ishte ende e mitur, është shprehur se edhe Cristiano Ronaldo ka qenë një klient i saj. Futbollisti i Real Madrid e ka përgënjështruar kategorikisht këtë gjë.

Gjithashtu, Ruby ka treguar se ka parë George Clooney (49 vjeç) dhe të fejuarën e tij Elisabetta Canalis (31 vjeç) në një nga festat e Berlusconit, të quajtura ndryshe “Bunga-Bunga”.

Në një deklaratë në mbrëmjen e djeshme, Clooney tha: “Jam i befasuar sepse kryeministrin italian e kam takuar vetëm një herë dhe ka qenë për të kërkuar ndihma për Darfurin.”

Në ditët e ardhshme do të mësohet nëse Clooney dhe Ronaldo do të dëshmojnë apo jo për këtë çështje.

George Clooney është sëmurur me malarje gjatë vizitës së tij në Sudan, bëri të ditur vetë aktori, në një intervistë të dhënë sot në një television amerikan.

Clooney ndodhej në vendin afrikan për të mbështetur referendumin që mund të ndajë Sudanin në dy shtete.

Mesa duket, kam fansa edhe midis mushkonjave që mbartin malarjen, por nuk e konsideroj këtë si një sulm të presidentit al-Bashir”, tha me humor aktori.