Kudo që ajo është, përbën një lajm, por këtë herë në fillimin e vitit ka dashur t’i tregojë lajmet e saj të vërteta vetëm në “Top Kosova Radio” e ftuar në programin e natës “Top Vip”.

Kjo është Genta Ismajli, e cila pasi ka treguar shumë momentet e saj më të bukura të vitit që i lamë pas, dhe nisjen e këtij viti, ajo urren një gjë “Kur gazetarët e pyesin se a ka ndonjë skandal nga Genta”.

Ne nuk e pyetëm këtë, por në intervistën me pyetjet atraktive ‘Mix-max’, provokuam tipin e saj, deri në rrezikun e të përdorurit shprehjen “Qoftë larg!”, për të treguar guximet e saj në skenën muzikore shqiptare, edhe në të ardhmen. Pyetjes, që siç na tha këngëtarja e suksesshme në radio, do të donte të kishte dhe të tjera, megjithëse ne kishim zgjedhur vetëm 10, ku të gjithë nisnin me krye-pyetjen se Genta do të jetë gjithmonë e guximshme në tregun muzikor shqiptar, edhe nëse…..

“Kosova Sot”: Të tjerët duan të të skandalizojnë me lajme të pavërteta?

Genta: Po, patjetër që po, këtë e kam prej lindjes.

“Kosova Sot”: Këtë vit thua se do të martohesh dhe duhet të bëhesh bashkëshorte e mirë?

Genta: Po, por ndoshta do të jetë më ndryshe. Ndoshta ndonjë guxim i martuar (duke miratuar ndërhyrjen e Maxit, moderatorit me shprehjen ‘guxim i martuar’).

Eurosongu, dëshirë

“Kosova Sot”: Nuk marrë pjesë në asnjë festival?

Genta: Patjetër se po.

“Kosova Sot”: Nuk munde ta përfaqësoje Kosovën në Eurosong?

Genta: Jo, qesh, patjetër se po, është një dëshirë imja, sepse është një festival internacional. Jam shqiptare dhe dua ta përfaqësoj shqiptarinë.

“Kosova Sot”: Prindërit e tu nuk të përkrahin më?

Genta: Këtu më ke prekur shumë, pasi familja është pika e dobët. Nuk e mendoj, gjithmonë prindërit e përkrahin fëmijën e vet. Nuk duhet as ta mendoj!

Vizioni për Zotin

“Kosova Sot”: Dhe nëse Zoti të shfaqet në ëndërr dhe të thotë të mos këndosh më?

Genta: Besoj se çdo njeri e ka parë në ëndërr Zotin, dhe ka një vizion të Zotit.

“Kosova Sot”: Dhe nëse asnjë televizion nuk ti shfaq klipet e tua?

Genta: Patjetër që po, dhe më shumë e guximshme.

“Kosova Sot”: Dhe nëse merr vesh, “qoftë larg”, që do të kesh vetëm dhe një javë jetë?

Genta: Po, që t’i bëj gjërat, me të cilat mund ta shtoja jetën, që të jetoja më gjatë.

“Kosova Sot”: Dhe, nëse dikush të kërcënon me jetë?

Genta: Po, patjetër!

“Kosova Sot”: Dhe nëse askush nga kolegët nuk të thotë ‘BRAVO’.

Genta: Po. (qesh)./M. Gjokaj/

Më ka rënë rasti që të bisedoj shumë me artistë, sidomos me meshkuj dhe kam kuptuar si gazetar se shumë prej tyre dëshirojnë të kenë një këngë me këngëtaren atraktive Genta Ismajli.

Në fakt një gjë të tillë, apo lajmi më i freskët është edhe i këngëtarit nga Shqipëria, Seldi, i cili në programin e natës në Top Kosova Radio ai e shprehu dëshirën që të ketë një bashkëpunim me Gentën.

Dhe intervista e botuar pak ditë më parë në gazetën tonë me këngëtarin Gena, ai mes tjerash thotë se do t’i pëlqente të kishte një duet me këngëtaren. Edhe Ermali në programin “Pro Shqip” në radio tha se mund të vijë një bashkëpunim me Gentën.

Ndërsa një lajm që mbeti vetëm i shkruar ishte kohë më parë ai me reperin Noyzi, që donte të kishte një duet me këngëtaren. Kështu dhe Big Mama tha ashtu sa për të thënë se do të ketë një bashkëpunim me Genta Ismajlin, madje ajo e trashi aq shumë saqë tregoi se do të bëjë dhe videon e kësaj këngë.

Uroj të mos thonë këto ditë se janë duke xhiruar këngën me Gentën, pasi këngëtarja të hënën ka udhëtuar në Amerikë te familja e saj. Kaq shumë e kërkuar Genta? Doja të thosha dhe unë do të kem një bashkëpunim me të, por jo pasi unë jam vetëm gazetar dhe jo këngëtar! M.GJ.

Me ne fund nje histori dashurie per Genta Ismajlin?! Eshte ky nje tjeter thashethem qe prej kohesh zien ne rrethet e gazetareve e miqve artiste te kengetares dhe futbollistit.

Gjithçka thuhet se ka nisur ne takimet e Aleances Kuq e Zi, ashtu si historia me miss-in, ku te dy emrat e perfolur, Genta dhe futbollisti me fame boterore Lorik Cana, bejne pjese. Te dy bashke kane qene gjithashtu pjese e himnit te kesaj Aleance.

Sipas zerave prane dy te lakuarve, gjate kohes qe Loriku eshte ne Kosove ata frekuentohen shpesh me njeri-tjetrin. Genta Ismajli qe pas ndarjes nga Miloti nuk ka pasur asnje histori dashurie te publikuar ne media, ndersa Loriku pas ndarjes nga Zana Krasniqi, lidhja e pare qe i eshte bere publiku ka pasur nje sere historish dashurie, mes te cilave permendim lidhjen me Adelina Tahirin, me modele, me nje pornostare si dhe me nje grua disa vjet me te madhe se ai./Shqiperia/

Genta Ismajli ka reaguar në lidhje me lajmin që qarkulloi ditë më parë, se kinse ajo ka kënduar e dehur në skenë dhe nga pija e tepruar e alkoolit është rrëzuar në skenë.

Këngëtarja atraktive ka thënë për gazetën “Kosova Sot” se këto janë shpifje mjaft banale dhe që nuk i përkasin karakterit të saj.

“Do të ishte shumë e kuptueshme në qoftë se do të shkruhej ‘Genta është rrëzuar në skenë’, sepse unë performansën time e bëj me gjithë fuqinë që kam, dhe nuk më intereson nëse do rrëzohem, apo do ta thyej një këmbe, apo një dorë”.

“Duke pasur parasysh shoun që unë bëj në skenë, shumë lehtë mund të ndodhin gjëra të tilla, por me vetëdije të plotë, dhe asnjëherë e dehur. Larg qoftë!”, ka treguar Genta.

Ndërsa këngëtarja ka thënë se në skenë pi vetëm ujë, dhe për këtë siguroheni duke i pyetur organizatoret.

Më në fund, një këngëtare e skenës shqiptare dëgjon këshillat e gazetave. Ju kujtohet shumë mirë shkrimi të cilin e kemi bërë për Genta Ismajlin, ku këngëtarja dukej me forma të tmerrshme?!

Përveçse i dhamë komplimente për suksesin në karrierë,  gjithashtu e kritikuam për linjat trupore të cilat ishin nën nivelin e një super ylli që pretendon të jetë ajo në skenën tonë.

Genta me siguri ka lexuar shkrimin dhe ka dëgjuar këshillat tona e menjëherë i është futur punës për rregullimin e linjave. E pasi ajo nuk ka kohë të bëjë dietë dhe të merret shumë me ushqimin që konsumon, këngëtarja ka zgjedhur përsëri kërcimin si pjesë e performancës së saj që po e kultivon me vite në koncerte.

Siç shihet edhe nga fotoja, Genta ka qenë e ftuar së bashku me disa miq të këngëtarës që të performojnë në disa koncerte në diasporë, përfshirë këtu Zvicrën dhe Gjermaninë, gjë që ndoshta do ta ndihmojë t’i rikthehen linjat të cilat i ka pasur më herët.

Përveçse e suksesshme në muzikë dhe në koncertet që i ka parreshtur, Genta Ismajli di të bëjë edhe gjëra të tjera në të përditshmen. Dhe një prej hobeve të saj është edhe të gatuajë.

Siç duket edhe nga foto, Genta është përpara sobës, e veshur shumë sport, me tuta dhe kapele në kokë, ndërkohë që përzien perimet që më pas do të përkthehen edhe në pjatën e preferuar për drekë.

Shumë e qeshur përpara aparatit Genta, foto që na ka mbërritur edhe në të ‘Bluetooth’ dhe që po ua përcjellim edhe ju.

Gjithsesi mbrëmjet e Gentës janë të gjitha të superokupuara me shumë zhvillime dhe koncerte, aq sa këngëtarja nuk ka kohë siç thotë ajo, as për të ngrënë ndonjëherë.  /Bluetooth/

“Guximi” i Genta Ismajlit po rrotullohet edhe nëpër televizionet suedeze.

Një kompani e njohur suedeze për reklamimin e produkteve të tyre përdor një melodi shoqëruese të ngjashme me këngën e Gentës, “Guximi”.

Është fjala për kompaninë “Tex mex tapas” Santa Maria e cila për nevoja të saj ka kombinuar melodinë e këngës së Gentës duke shoqëruar atë me një video të saj.

Producenti Daniel Palmada, i cili ka huazuar melodinë e këngës “Guximi”, u shpreh se nuk ishte në dijeni nëse kënga e tyre është e huazuar nga diku tjetër për vetë faktin se melodinë, studioja e tyre e kishte blerë në disa studio të njohura amerikane, nga ku ndoshta edhe Genta e ka blerë nga ana e saj, shkruajnë mediat shqiptare.

Këngëtarja e njohur kosovare ende nuk ka reaguar për këtë rast.

Që këngëtarja e njohur Genta Ismajli është ndarë prej gati dy vitesh nga i fejuari i saj, Milot Binaku, ky nuk përbën më lajm; por që ajo nuk ka kontakte intime me asnjë mashkull, që prej asaj kohe; kjo po që përbën “scoop”.

E besoni apo jo, këtë e ka deklaruar vetë këngëtarja e hitit “Guximi”, e cila e pyetur në lidhje me seksin është shprehur në mënyrë shumë telegrafike: “Kam harruar si bëhet seks”.

Në fakt, që nga ndarja “legjendare” me Milotin, këngëtarja seksi e ka shprehur vazhdimisht dëshirën për të pasur një mashkull pranë vetes, madje këtë gjë e ka konfirmuar edhe në një intervistë të fundit dhënë për “standard”.

Prej kohësh nuk kam një mashkull në krah, nuk e mbaj mend që kur nuk kam dalë për herë të fundit me një të tillë, ndoshta para një viti ose edhe dy”, – ka thënë ajo, duke shtuar se ka jashtëzakonisht nevojë për një mashkull që t’i ofrojë dashuri dhe ta mbështesë.

Ndryshe nga ç’mund të mendoni, Genta është një femër shumë familjare, e gatshme të heqë dorë madje edhe nga karriera për t’iu dedikuar familjes që do të ndërtojë. Megjithatë, për momentin ajo është duke menduar vetëm për muzikën dhe as që do t’ia dijë për gjëra të tjera…

Pas suksesit që pati së fundi me këngën “Guximi”, Genta Ismajli është duke u përgatitur për këngën e saj më të re.

Këngëtarja e njohur kosovare mendohet se këngën e re do ta lansojë më 28 nëntor, në ditën e flamurit.

Genda së fundi ka qenë pjesë e projektit “Aleanca Kuq e Zi” ku u është bashkuar yjeve të tjera të kësaj nisme, si Reshat Arbana, Gjergji Jorgaqi, Erion Korini, Tuna, Xhejsi Jorgaqi e Lorik Cana.

Një intervistë ndryshe… Me kujtime e përjetime të tjera. Që nga kjo javë e në vijim, faqeve të suplementin “Gjimnazistët” do t’i bashkangjiten rrëfime të personazheve të famshëm për vitet e shkollës së mesme.

Ajo që çel siparin e këtij cikli intervistash është këngëtarja e famshme kosovare, Genta Ismajli.

Aktualisht ndodhet në Amerikë, si pasojë e disa koncerteve që do të mbajë atje, e pikërisht nga vendi ku ka kaluar vitet e gjimnazit rrëfehet për ne.

Si ka qenë adoleshenca e yllit kosovar, lëndët e preferuara, marrëdhënia me shokët e shoqet e klasës, ngacmimet, lidhja dhe puthja e parë. Të gjitha këto sot në suplementin “Gjimnazistët”.
Si i kujton vitet e gjimnazit?
I kujtoj padiskutim me shumë nostalgji. Gjimnazi shënon një nga periudhat më të bukura në jetën time. Kam qenë pikërisht në gjimnaz, ndërsa të afërmit e mi, më shtynë t’i futesha seriozisht rrugës së muzikës, në të cilën aderoj tashmë prej 9 vitesh. Janë padiskutim të shumta momentet që më vijnë në mendje nga ajo kohë. Kujtoj eksperimentet në klasë, sidomos ato në orën e biologjisë që më pëlqenin shumë, sekretet mes shoqeve, argëtimet në party e shumë e shumë kujtime të këtij lloji.
E ke ndjekur në Amerikë gjimnazin? Sa të vështira kanë qenë mësimet?
Po është e vërtetë gjimnazin e kam bërë në Amerikë. Mësimet nuk ishin dhe shumë të vështira dhe për këtë mendoj se ka ndikuar mjaft edhe metoda e mësimdhënies.
Cila ishte lënda juaj e preferuar?
Lëndët e preferuara ishin orët e artit, më pëlqente shumë sporti, dhe siç e thashë biologjia më ka pëlqyer mjaft.
Po ajo që nuk e duronit dot?
Për çudinë time, duke qenë se pëlqeja shumë biologjinë, nuk kam pasur një marrëdhënie të mirë më kiminë. Përgjithësisht në lëndët shkencore nuk kam qenë fort e mirë, megjithatë përpiqesha mjaft për të arritur rezultate të mira.
Sa orë në ditë mësonit?
Mësoja disa orë në ditë, ndoshta 2 ose 3 maksimumi. Nuk i përkushtohesha shumë studimit. Përpiqesha të isha e vëmendshme gjatë shpjegimit dhe shumicën e gjërave i fiksoja që në klasë.
Çfarë notash merrnit zakonisht?
Nuk mund të them që kam qenë nxënëse e shkëlqyer, megjithatë kam shkuar mirë në mësime. Në Amerikë vlerësimet janë me shkronja dhe nivele. Unë isha midis vlerësimeve të A-së dhe B-së.
Flet sot me shokët e shoqet e gjimnazit?
Me disa prej tyre i ruaj ende kontaktet dhe megjithëse takohemi rrallë konsumojmë ngjarjet më të rëndësishme të jetës sonë sa herë takohemi.
Ç’marrëdhënie ke pasur me mësueset?
Mësueset më kanë dashur shumë dhe unë i kam dashur po aq. Kemi pasur një marrëdhënie shumë të mirë sepse unë gjatë shpjegimit qëndroja urtë.
Çfarë ëndërroje të bëheshe kur ishe në gjimnaz, për çfarë doje ta ndiqje universitetin?
Gjithmonë synimet e mia për të ardhmen lidheshin me artin. E kam imagjinuar gjithmonë veten mbi skenë. Në rast se kënga ose baleti nuk do të ishin pjesë e të ardhmes sime, me siguri do të isha marrë me sport.
Të kanë pas ngacmuar djemtë?
Djemtë më kishin pak frikë. Përveçse isha “shok” për ta, të gjithë e dinin që s’më pëlqenin shumë këto gjëra. Megjithatë edhe unë nuk i kam shpëtuar ngacmimeve, ka pasur plot djem të klasave paralele që më kanë ngacmuar, me disa prej tyre edhe kam dalë.
Në çfarë moshe ke hyrë për herë të parë në një lidhje?
Nuk di ta them me siguri moshën, ama me siguri mund të them që kanë qenë vitet e fundit të gjimnazit, kështu që llogaritë bëjini vetë.
Kur e ke dhënë puthjen e parë?
Në po të njëjtat vite. Besoj se të gjithë të rinjtë përjetojnë një histori dashurie, nëse mund të quajmë të tillë gjatë viteve të gjimnazit.