Kënga e cila ishte folur javë më parë që do të vinte nga bukuroshja Ciljeta në edicionin e sivjetshëm të “Top Fest” ka ardhur, dhe ajo titullohet “Maria”.

Kujton pak a shumë stilin e viteve 60-70, apo edhe këngët e kënduar nga vetë këngëtarja “Jorgjica”.

Kënga është realizuar nga Flori Mumajesi ndërsa sapo është performuar në skenën e këtij festivali ditën e enjte të 19 prillit, dhe ka marrë pritjen më pozitive, ndërsa Ciljëta duket edhe në këtë formë shumë seksi me “Marinë” e saj.

Për ju që nuk e keni ndjekur ja ku mund ta shihni në këtë video.

“Më duhen 2 djem binjakë në moshën 3 deri 4 vjec të bukur mundësisht kacurrelsa dhe kush ka makina sport të modifikuara, kush mi gjen të më kontaktoj në inboks, sepse një klip i ri do të dalë në treg shumë shpejt…. falemiderit”.

Kjo ishte ajo që kishte shkruar në portalin e saj ne FB këngëtarja, dhe urojmë që ti ketë gjetur, pasi adhuruesit e saj presin ndonjë video të re pas “Mike dhe rivale”.

Ndërkohë që në Tiranë ditëlindja e Partisë Demokratike festohej në Pallatin e Kongreseve dhe në të ishin mbledhur të gjithë krerët e PD udhëhequr nga Kryeministri, demokratët shqiptarë që jetojnë në Itali ishin mbledhur në një diskotekë në Brescia udhëhequr nga Çiljeta. Diskoteka quhet “Liberty” dhe është në pronësi të një djali nga Shkodra simpatizant i PD-së.

Inaugurimi i diskotekës është bërë pikërisht në datën 12 dhjetor dhe është organizuar një festë madhështore në nder të Kryeministrit Sali Berisha.

Shumë shqiptarë kanë udhëtuar nga qytete të ndryshme të Italisë për t’iu bashkuar të gjithë festës në një ditë të shënuar për ta.

Pronari i diskotekës ka zgjedhur pikërisht bukuroshen Çiljeta si kumbarë, e cila përveçse këngëtare e suksesshme është edhe anëtare e Këshillit Kombëtar të PD, domethënë demokrate e flaktë.

Vetë Çiljeta na tregon se euforia e festës u shua menjëherë kur mësuan për problemin shëndetësor të Kryeministrit, por pasi janë interesuar dhe kanë mësuar se Z.Berisha është mirë, atëherë atmosfera është ndezur akoma më shumë. Bluetooth

Si kurrë e angazhuar më parë, sa me xhirimet e filmit të ri, sa me pjesëmarrjen në shown e Top- Channelit, “E Diell”, Çiljeta Gjilaga duket se këtë sezon s’ka kohë të marrë as frymë.

Në fotot e postuara së fundmi ajo shihet me duar të përgjakura, por fansat e saj s’ka nevojë të alarmohen e pikëllohen, sepse bëhet fjalë për foto nga xhirimet në Itali, ku Çili, përkrah Bjord Mezinit të Big Brother, të dashurin e Adelajdes, luan një rol të vogël në filmin “Ishte kohë për dashuri”.

Është një verë me plot koncerte, para e kënaqësi, kjo e këtij viti, për këngëtaren Çiljeta. “Nuk po bëj asnjë ditë pushim, njerëzit më presin mirë kudo që shkoj dhe sa i përket pagesës duke qenë se e di që jeni kurioz edhe për këtë, jam shumë e kënaqur”, është rrëfyer këngëtarja për mediet shqiptare.

Klipi i ri “Sonte me dhemb zemra”, në bashkëpunim me Vanin është pritur mirë. Çiljeta tregon se bashkëpunimi ishte propozim i producentit të këngës, Flori Mumajesi, dhe mjeshtrit të violinës, Ervin Gonxhi, për të sjellë në treg diçka të veçantë dhe Çiljeta beson se ia ka dalë mbanë.

Edhe me zemrën ndihet mirë. “Shyqyr Zotit jam ‘xham’ fare” tregon Çiljeta e cila edhe me partinë punët i ka në rregull e së shpejti do të jetë imazhi i një kompanie tjetër.

Kur Çiljeta u shfaq në “Dancing with the stars” me flokë të kuqe, komplimentet që mori për lookun ishin të shumta.

Ndër fansat e saj për këtë look ishte edhe Arian Çani i cili një javë më vonë kur Çiljeta u shfaq përsëri me flokë të zeza nuk ngurroi ta qortonte.

Duket se Çiljeta marrë edhe shumë qortime tjera sepse së fundmi i është rikthyer përsëri flokëve të kuq.

Për herë të parë, pas shfaqjes te “Dancing with the stars” ajo u shfaq përsëri me flokë të kuqe, gjatë Netëve të klipit shqiptar. Çiljeta duhet përgëzuar për durimin që ka treguar për të mbajtur këtë ngjyrë flokësh për më shumë se tre javë sepse vazhdon t’i ketë akoma në të njëjtën ngjyrë, ose për të qenë më të sigurt deri pak ditë më parë ka qenë me flokë të kuqe.

Në fakt këngëtarja e ka fare të thjeshtë të ndryshojë ngjyrën çdo javë, sepse mamaja e saj drejton një sallon bukurie dhe mesa duket Çiljeta është “kavia” e preferuar e së ëmës për sa i takon eksperimenteve që bën me bojëra të ndryshme flokësh.

Ethe, garë, emocione e performanca të jashtëzakonshme. Debate që kanë mbajtur gjallë pjesën më të mirë të spektaklit, në skenë e në gold room.

Momente tejet prekëse,  kur i gjithë publiku u ngrit në këmbë për të duartrokitur balerinën londineze që u shfaq në skenën e “Dancing with the stars”, duke kërcyer bashkë me karrocën e saj të invalidit, me të cilën prej 10 vjetësh që kur në jetën e saj ndodhi një aksident i rëndë, ajo realizon shfaqje në gjithë botën.

Performanca e radhës ishte kjo në “Dancing with the stars”, ku producentja Holta Dulaku e ftoi për të përcjellë mesazhin më të fortë që mbart vetë kërcimi:  pasioni për kërcimin bën mrekulli të mëdha, ndryshon dhe jetë njerëzish.

Spektakli dhe gara e kësaj jave ka mbajtur mbërthyer para ekranit me mijëra njerëz. Vipat u dukën edhe më të motivuar për të dhënë më të mirën në këtë garë kërcimi dhe jo vetëm. Me rumba  dhe ça ça ça, mes të tjerash kjo mbrëmje solli një surprizë të hidhur për Shpat Kasapin, i cili pas vlerësimit të jurisë dhe kritikave, u duk melankolik gjatë gjithë mbrëmjes.

Pikët maksimale të mbrëmjes së dytë në spektaklin “Dancing with the stars” i ka fituar Çiljeta Xhilaga, e cila u votua nga juria me plot 25 pikë, nga 30 të tilla të mundshme. Çiljeta shprehet: “Jam kthyer në stilin tim dhe të gjithë e panë rezultatin. Natën e parë kërkuan të më nxirrnin më tepër si një princeshë. Jam shumë e lumtur dhe falënderoj Zotin. Unë balerinë?

Nuk arrij ta besoj dot…” . Sa i takon vipave të tjerë, Çiljeta nuk sheh rivalë. Këtë e thotë në kuptimin që pjesëmarrjen në këtë garë e ka marrë thjesht si një përvojë të bukur, pa pasur ndonjë konkurrencë me askënd…  Gazetari i njohur Arian Konomi është shfaqur në formë në këtë mbrëmje, por teksa e pyesim, ai përgjigjet se priste pak më shumë mbështetje nga juria. “Natën e parë e pata më të vështirë me emocionet.

Ndryshe nga shumica e personazheve këtu që janë këngëtarë ose aktorë, të mësuar me skenën, ekranin dhe fshehjen e emocioneve, unë e kam pak problem këtë, por po arrij ta menaxhoj mirë”, tregon ai pas mbylljes së spektaklit.  Olsi Mingomata ka realizuar një performancë në rritje nga më parë. Batutat nuk kanë munguar mes tij dhe Arian Çanit.

Regjisori Hervin Çuli është kritikuar se ka shfaqur më tepër në skenë aktorin, sesa kërcimtarin duke e mbajtur vazhdimisht shikimin poshtë drejt këmbëve dhe duke u shfaqur pak  i ngathët. Jo pak batuta ka shkëmbyer me anëtarët e jurisë dhe shkrimtarja Mimoza Ahmeti, që kësaj here erdhi me një rumba, me synimin për të mos mbetur sërish në vendin e fundit të renditjes dhe për të mos shkuar në shtëpi.

Por me sa duket, nuk ia doli mbanë. Vlerësimi për të në këtë natë ishte sërish më i ulëti duke e bërë poeten që gjatë gjithë kohës të mendojë seriozisht për sfidën e “dance of”-it në fundin e natës. Por, në momentin e fundit Ermal Mamaqi ka deklaruar surprizën e produksionit, u vendos që edhe këtë javë të mos ketë asnjë eliminim. Kjo suprizë ishte dhe shpëtimi i Mozës dhe Hervinit, të cilët ishin në fund të tabelës, pa përfshirë këtu votimin e publikut.  Kujtojmë se në këtë format gjithçka është e mundur dhe votat e publikut mund ta shpëtojnë një VIP nga fundi i renditjes, duke çuar dikë tjetër në dance off. Ndërkaq, Enver Petrovci dhe Olta Gixhari janë dy vipa të tjerë,  të cilët duket se nuk e kanë problem ambientimin me skenën dhe koreografitë e reja duke ecur me hapa të sigurt. Megjithatë, asgjë nuk mund të parashikohet pasi është ende herët të flitet për ecurinë e çifteve në të ardhmen.

Sherri mes Çanit dhe Çulit

Aktori i njohur Hervin Çuli ka pasur jo pak hapësirë në programin e mikut të tij Arjan Çani, “Zonë e lirë”. Nuk ka pasur punë të Hervinit që të mos jetë promovuar në programin e Çanit. Dukej sikur marrdhënia e tyre ishte perfekte, deri kur dy netë më parë patën një debat, sapo Hervini mbaroi kërcimin dhe Arjani duhej të bënte një koment për të.

Arjani tha se Hervini është një personazh shumë kompleks dhe kaq ka mjaftuar që Hervini të mërzitej, megjithëse nuk kishte asgjë për t’u marrë për ters. Me siguri Hervini nga emocionet ka kuptuar sikur Arjani i tha që Hervini është me kompekse. Shpresojmë që gjithçka të jetë sqaruar pas spektaklit.

Një koncert festiv i mazhorancës përballë protestave të opozitës kanë sjellë sot një ciljeta ndryshe.

E veshur me blu, me dekolte serioze, Çili në vend të kryeministrit Berisha ka hapur koncertin me një fjalim plot nota politike. Të rrojë Shqipëria Demokratike, Europiane, rroftë Partia Demokratie.

Të festojme të gjithë për Shqipërinë në NATO e së shpejti në BE”, ishin fjalët e Çilit përpara pjesmarrësve në sheshin “Nënë Tereza”.

Ajo që të impresiononte së pari ishte bluja e fustanit të Çiljetes dhe modeli serioz, si kurrë ndonjëherë që përkonte me modelin alla Merilin Monro.