Chris Brown ka zemëruar Shoqatën për Mbrojtjen e Kafshëve, pasi që në profilin e tij në Twitter ka postuar një fotografi, në të cilën pozohet me dy qentë për të treguar anën e tij të butë meqenëse shitja e këlyshëve në internet, ka shkaktuar reagime të forta të këtyre shoqatave.

Pasi që në ueb-faqen Cbbreeds.webs.com njoftoi se po i shet këlyshët Pit Bull, këngëtari e gjeti veten nën akuzat e shumë organizatave për mbrojtjen e kafshëve, duke u quajtur kultivues i paligjshëm i qenve.

Pasi ka kuptuar se çfarë reagimesh ka shkaktuar, reperi amerikan në Twitter ka postuar një fotografi ku pozon i shoqëruar me dy këlyshë në shtëpinë e tij.

“Sot unë jam baba,” shkroi nën fotografi këngëtari 22-vjeçar. Zëdhënësja e tij ka mohuar se Brown i kultivon qentë për të fituar.

“Ai i do kafshët, sidomos qentë,” tha ajo, duke shtuar se këngëtari i shet qentë për të qenë i sigurt se ata po shkojnë në duart e duhura.

Ajo ka qenë vetëm për më shumë se një vit pas ndarjes nga i ish-i dashuri, basketbollisti, Matt Kemp dhe pavarësisht thashethemeve për një rilidhje me ish-të dashurin, Chris Brown, Rihanna pranon se eshtë shumë e vetmuar.

Ndoshta për ketë arsye, 24 vjecarja ka flirtuar live me Jonathan Ross, një drejtues emisioni ku këngëtarja ishte e ftuar.

Chris Brown mund të ndihet mjaft i turpëruar, pasi po akuzohet se ka vjedhur një iPhone të një fanseje të tij.

Ylli i R&B besohet se e vodhi telefonin pasi akuzuesja e tij tentoi të fotografohej jashtë një klubi të natës në Miami. Policia është duke hetuar akuzat e 24 vjeçares, Christal Spann.

Spann thotë se i foli Brownit dhe reperit Tyga jashtë klubit të natës Cameo, teksa Brown ishte duke hyrë në Bentleyn e tij. Dhe posa e ka vërejtur, ai hapi dyert, ia mori telefonin dhe në shpejtësi u largua nga vendi i ngjarjes.

“Lavire, ti nuk do ta publikosh këtë në asnjë webfaqe”, kishte thënë Brown në momentin kur e mori iPhone-in në dorë sipas TMZ.

Chris Brown ka qenë një prej këngëtarëve që është nderuar me çmim gjatë ndarjes së çmimeve Grammy. Por, kjo gjë shumë këngëtarëve nuk u ka pëlqyer, për shkak të dhunës që ka ushtruar ndaj Rihannës tre vjet më parë.

“Nuk është mirë të hiqesh sikur nuk ka ndodhur gjë. Në vend që t’i lihet një karrige më pas, ai nderohet në Grammy.

Nuk e kuptoj se si njerëzit mund ta bëjnë një gjë të tillë kur ishte ai që rrahu keq një vajzë!”, ka thënë këngëtarja e muzikës country, Miranda Lambert, ndërsa shumë media kanë qenë kundër nderimit të tij, për shkak të dhunës që ka ushtruar.

Megjithatë, reagimi i Chris ka qenë i menjëhershëm, duke i dërguar të gjithë prapa diellit:

“Të gjithë ju më urreni se unë tani fitova një Grammy. Përfundimisht, q….i të gjithë!”, ndërsa më vonë ka shtuar:

“Është e çuditshme se si ne zgjedhim kë të urrejmë. Lërmëni t’ju kujtoj vetëm diçka: Shoqëria jonë është plot me rrepera që merren me trafikimin e drogës dhe megjithatë ne i nderojmë dhe imitojmë çdo gjë që ata bëjnë. Pikërisht atëherë kur një burrë bën një gabim të madh në sytë e të gjithë botës, gabim prej të cilit mëson, ai duhet të përballet çdo ditë me urrejtjen për të. Ju të gjithë doni vetëm të urreni!”.

Ylli i muzikës R&B, Chris Brown, ka shënuar rikthim në karrierë duke fituar katër trofe në ndarjen e mbrëmshme të çmimeve Bet Awrds.

Karriera e krijuesit të hitit “Kiss Kiss” u godit kur ai u akuzua për sulm ndaj ish-të dashurës së tij Rihanna gjatë një zënke në vitin 2009, por Brown ka lënë prapa kundërthëniet për të fituar në Bet Awards në Los Angeles.

Ai fitoi shpërblimet Artisti më i Mirë i zhanrit R&B, zgjidhja e Shikuesve, Bashkëpunimi më i Mirë për këngën “Look At Me Now” me Lil Wayne, e cila u emërua edhe Videoja e Vitit.

Ish-e dashura e Brown, Rihanna, po ashtu ishte e pranishme në ceremoni dhe fitoi çmimin Artisja më e Mirë e zhanrit R&B.

Kanye West u emërua Artisti më i Mirë i zhanrit Hip-Hop, derisa nga femrat këtë çmim e fitoi Nicki Minaj. Vajza e Will Smith, Willow, u mposht në çmimin Artisti i Ri më i Mirë nga Wiz Khalifa, por arriti ta çojë në shtëpi çmimin Yjet e Reja, së bashku me vëllain e saj Jaden.

Këngëtari 21 vjeçar ishte dënuar me 5 vjet liri me kusht dhe gjashtë muaj shërbim ndaj komunitetit pas sulmit ndaj Rihannas në shkurt të vitit 2009.

“Para së gjithash dua t`u kërkoj falje të gjithëve që janë shqetësuar, të gjithë ata që janë ofenduar, ose janë zhgënjyer nga veprimet e mia për shkak se edhe unë jam tejet i zhgënjyer nga veprimet e mia”.

“Shumë njerëz nuk e dinë se çfarë ndodhi. Kur unë bëj emisione ose intervista, kam dëshirë që të di për çfarë pyetem në mënyrë që të di se për çfarë përgjigjem dhe nuk është mirë që shoumenët të mos u përshtaten kushteve që vëmë ne artistët”, u shpreh Brown.

Rihanna ka rikthyer kontaktet me ish-të dashurin e saj, Chris Brown, sipas raporteve të fundit në mediat angleze.

Revista britanike Heat shkruan se këngëtarja e hitit “Te Amo” që ishte sulmuar nga Brown para ceremonisë së ndarjes së çmimeve në vitin e kaluar Grammy Awards, ka folur me reperin përmes telefonit.

“Duke parë se sa emocionues ai ishte në xhirime (BET Awards), kjo vërtet e preku atë. Ajo kurrë nuk e ka parë atë më herët kështu. Ata ishin të dashur të parë për njëri-tjetrin dhe ai i mungon asaj aq shumë. Rihanna e di se nëse ajo e dëshiron përsëri, ai do të jetë aty për një sekondë”, ka thënë burimi.

Rihanna aktualisht është në lidhje me yllin e bejsbollit Matt Kemp.

Chris Brown raportohet se është parë me një të dashur të re në krahët e tij.

Ylli i muzikës supozohet se kishte kaluar një mbrëmje me modelen 26-vjeçare Jessica Marquez në një klub në Florida.

Sipas Daily Star, dyshja ishin shumë të afërt dhe vazhdimisht ledhatoheshin gjatë mbrëmjes së kaluar në 400 Club në Miami Beach.

Gushtin e kaluar Brown u dënua me pesë vite lirimi me kusht, gjashtë muaj punë për komunitetin dhe një vit këshilla për dhunën, pasi sulmoi të dashurën e tij Rihanna.

Ndonëse ka shkëputur lidhjen me reperin Chris Brown, pasi ishte rrahur nga ai në muajin shkurt të këtij viti, Rihanna ende nuk ka mundur ta marrë veten në tërësi.

Gjatë incizimit të albumit të ri “Rated R”, ylli i muzikës nga Barbadosi ka qarë vazhdimisht, e ka braktisur studion, nuk ka mundur të dëgjojë demo incizimet, të gjitha për shkak të emocioneve që shfaqeshin te ajo nga rikujtimi i dashurisë së parë.
“Ky album më fle më së shumti në zemër. Jam hapur tepër në të dhe nuk më vjen keq, por akoma vuaj nga plaga e hapur.

E tëra në të është e dokumentuar – ngritjet e mia emotive, rëniet, të gjitha vuajtjet dhe lumturia. Kam ikur nga studioja kur producentët donin të dëgjonin çfarë kemi incizuar.

Besoj që këngët janë të shkëlqyera, pasi kam dhënë të tërën nga vetja”, ka thënë këngëtarja, e cila shpreson se me këto këngë nuk do të shkaktojë tërbim te ish i dashur i saj.

Rihanna ende ndjen mungesën e ish-të dashurit të saj, Chris Brown, dhe ende dëgjon muzikën e tij në radio, nëntë muaj pas zënkës që pasoi me prishjen e lidhjes.

Brown është dënuar me pesë vite lirim me kush dhe është urdhëruar të qëndrojë larg nga Rihanna pasi e kishte sulmuar atë gjatë një zënke rreth një mesazhi misterioz në muajin shkurt.

E pyetur nëse ndjen mungesën e Brown, Rihanna është përgjigjur: “Ndonjëherë. Në fakt, po. Ka shumë kujtime. Ka shumë vende në të cilat kemi shkuar së bashku dhe muzika, këngët që i pëlqenim të dy dhe këngët e tij”.

“Kur vjen puna te radio, nuk e fik. E dëgjoj. Më pëlqen muzika e tij”, ka shtuar këngëtarja