Këngëtari kosovar Blero së shpejti pritet të vijë me një projekt të ri muzikor – një këngë të titulluar “Ajo apo ti”.

Kënga është realizuar nga Zap dhe Chirs ndërsa për tekst është përkujdesur Bubulina Krasniqi. Kjo këngë pritet të jetë një ndër hitet e radhës të këngëtarit Blero.

“Ajo apo ti” do të shoqërohet edhe me videoklip, i cili është punuar nga produksioni ‘Asha’.

Përveç kësaj adhuruesit e Bleros mund ta shohin atë edhe ne Twitter saktësisht në ‘@BleroMuharremi’.

Blero është përfolur së fundi për faktin se në klipin e fundit janë përdorur disa miliona para false dhe të njëjtat janë konfiskuar nga ana e policisë, madje dhe klipi i është censuruar për arsye se mund të joshë publikun me këto imazhe!

Këto fjalë ai i hedh poshtë në këtë intervistë, duke treguar se televizionet duhet të censurojnë disa gjëra të tjera e jo muzikën. Njëkohësisht, ai rrëfen se nuk do të ketë duet me Dafinën dhe se kur “ta ketë shkruar” Zoti, do të bëhet baba për herë të dytë!

Flitet me të madhe rreth klipit të fundit për probleme me policinë, mund të na sqarosh se çfarë ka ndodhur?

Flitet dhe shkruhet më shumë në mediat elektronike që nuk kanë asnjë informacion për këtë rast dhe vetëm duan të shkruajnë ndonjë gjë, ndoshta për profil të vetin, është me të vërtetë për të ardhur keq!

Paratë kanë qenë vërtet false, apo jo?

Si mendoni ju, janë apo nuk janë…?

Përveçse janë konfiskuar, të kanë thirrur në polici për ndonjë deklaratë?

Askënd nuk ka thirrur policia, dhe është një shkrim që ka dezinformuar e gazetarët vazhdojnë të bëjnë pyetje të njëjta.

Kunati juaj që është ministër, nuk ka mundur t’ju ndihmojë në këtë rast?

Mendoj që nuk ka nevojë për këto lloj pyetjesh.

Klipi është pëlqyer shumë, por flitet se po censurohet nga disa televizione…

Televizionet janë të varura nga shikuesit dhe përderisa shikuesit e kërkojnë, mendoj që ata nuk kanë llogari që mos të transmetojnë! Dhe kjo fjala ‘censurim’ është interesante tek ne. Censurimi duhet të bëhet në gjëra të tjera dhe jo në muzikë.

Blero, këngët e tua janë dëgjuar një periudhë në Turqi dhe Gjermani, pse nuk ke vendosur për një karrierë më të gjerë?

Koha dhe përkushtimi janë në trojet shqiptare, por ende nuk është vonë.

Çfarë je duke punuar për momentin?

Kam disa projekte të reja për të cilat po punoj.

Do ketë ndonjë bashkëpunim me Dafinën, pasi ajo është kthyer në produksionin tënd?

Jo!

Si po ecën jeta bashkëshortore, është vërtet xheloze Teuta siç po flitet?

Askush nuk e di se si është Teuta. Sëmundja e xhelozisë nuk ekziston në lidhjen tonë. Do t’u lutesha që në shkrimet e ardhshme të gjithë gazetarët të takojnë fillimisht personat që duan t’i intervistojnë dhe të marrin më shumë informacion mbi jetën e tyre.

Tara tashmë është rritur, mendoni për një fëmijë tjetër?

Kur të dojë i madhi Zot atëherë do të ndodhë!/mapo/

Pas ndarjes nga pothuajse të gjithë bashkëpunëtorët e saj, madje edhe nga i dashuri i saj, Dafina Zeqiri ka vendosur të bashkëpunojë përsëri me këngëtarin Blero.

Sipas portalit telegrafi, këngëtarja do të bëjë një bashkëpunim me Bleron, saktësisht me kompaninë që drejtohet nga Blero dhe Çekiç “Str8Dope”.

Ndryshe, Dafina kishte pasur një sukses të konsiderueshëm me Bleron, kur kishte realizuar këngën “La Vida Loca” në vitin 2009.

Është mbajtur mbrëmë edicioni i 7-të i spektaklit video-muzikor ‘Zhurma Show Awards 2011’.

Çmimin kryesor “Best video” pati fatin ta fitojë këngëtari Blero në bashkëpunim me Astrit Stafën me këngën “Summer love”.

‘Best song” shkoi në duart e grupit NRG Band me këngën e tyre “Rina Rina”, “Best album” e fitoi këngëtarja nga Mali i Zi, Gjyste Vulaj, “A bëhesh merak”, ndërsa “Albumi Histori” iu nda Muharrem Qenës.

Më poshtë mund ta shihni listën e fituesve:

• Best Rock Besart Halimi & Haliband ‘N’tren për perzeren’
• Best pop: NRG Band ‘Rina rina’
• Best dance:Genta & Dj Dalool ‘guximi’
• Best RnB: Blero feat. Astrit Stafaj ‘Summer love’
• Best Hip-hop: Dj Blunt & Real 1 ‘Seh-dat’
• Best Pop-folk: Rovena Stefa ‘Mallkuar’
• Popullore :Sinan Vllasaliu ‘Pëllumb i bardhë’
• Best Instrumental:Baboo Darabuka & Dj Benity feat. Astrit Stafa ‘Summer jam’
• Best Duo group:Adelina Emini ft. Gentz ‘tipsy’
• Best Styling : Ryva Kajtazi ‘Të kam pranë’
• Best Couple :Aferdita Dreshaj & Shpat Kasapi
• Best New Artist: Irva Stefa ‘Tregom’
• Çmimi i Internetit :Ryva Kajtazi ‘Hajde zemer’
• True Story: Gold AG “Gjithmone i gjallë”
• Çmimi Special: Tringa Hysaj ‘New Born’
• Special Falënderim: Astrit Stafaj
• Çmimi Zico TV i ka takuar : Gresa Behlulit ‘Faqe e re’ dhe Fahrush Azemi ‘Çunat e mëhallës’. /Telegrafi/

Këngëtari kosovar Blero së shpejti pritet të vijë me një projekt të ri muzikor – një këngë të titulluar “Dance”.

Gjatë një prononcimi për Telegrafi.com Blero ka treguar se kënga “Dance” në të vërtetë është ripërpunim i këngës “Lej lim lej” nga këngëtari turk Ibrahim Tatlises.

“Për 10 ditë do ta lansoj një singël, i cili quhet ‘Dance’. Kjo këngë është një ripërpunim i këngës ‘Lejm lim lej’nga këngëtari i madh turk Ibrahim Tatlises. Në këtë singël do të jem bashkë me dy bashkëpunëtorët e mi më të afërt, Cekiç dhe Astrit Staf”.

“Kemi dy muaj që punojmë në këtë këngë dhe më në fund e kemi përfunduar. Klipin normalisht do ta realizojë produksioni ‘Asha’. Pas shumë diskutimeve për një ide adekuate kemi ardhur në përfundim se si do të realizohet ky klip”, ka thënë Blero për Telegrafi.

Blero ka shtuar se ai ka vendosur për ta përpunuar këtë këngë pikërisht për shkak se ajo i pëlqen shumë edhe vetë atij.

“Nuk ka qenë e lehtë për mua që ta marr këtë vendim për ta ripërpunuar këtë këngë. Por unë gjithmonë e kam dashur këtë këngë dhe më në fund e vendosa, duke shpresuar që ky ripërpunim edhe publikut do t’i jep çaste të mira”, ka shtuar Blero.

Blero është zotuar se do të sjellë këngë të reja gjatë muajit gusht.Këngëtari kosovar, i cili së fundi solli këngën e tij “Summer Love” dhe “Kthehu Sonte” në bashkëpunim me Lorin, ka thënë për “Infopress” se ai nuk do të ndalet me kaq.

“Dy këngët e mija të fundit kanë dhënë rezultat të mirë dhe u pëlqyen shumë nga fansat e mi. E tani jam duke pushuar, por me shumë projekte në mendjen time.

Për sa i përket krijimeve të reja, që tashmë edhe i kam krijuar ato, do t’i sjelli në muajin gusht pas angazhimit sezonal”, ka thënë Blero.

Ndonëse bashkë me Teutën dhe vajzën e tyre Tara tashmë kanë pushuar për disa ditë në Turqi, ai thotë se ata planifikojnë edhe një pushim të dytë.

“Edhe pse kemi pushuar disa ditë në Turqi, besoj se ende kemi nevojë për pushim. Kështu që do t’i ndajmë edhe disa ditë në fund të gushtit që të freskohemi sado pak”,ka shtuar ai.

Këngëtari kosovar Blero ka sjellë në treg klipin e këngës “Summer Love”, i cili është realizuar në Turqi nga produksioni “Asha”.

Kënga “Summer Love” është një këngë shumë ritmike, ndërsa është realizuar në bashkëpunim me këngëtarin Ardit Stafaj.

Blero, gjithashtu, së shpejti do të realizojë edhe një tjetër videoklip, kësaj radhe në bashkëpunim me këngëtaren Lori.

Blero i ka etiketuar si shpifje komentet e bëra për të nga Mc Kresha dhe, gjatë një bisede për Telegrafi, ka thënë se do të vijë koha kur çdo gjë do të sqarohet.

Ish-konkurrenti i “VIP Shpija 2”, reperi Mc Kresha, ditë më parë kishte ofenduar kolegun e tij, këngëtarin Blerim Muharremi – Blero, i cili tash ka reaguar për të mohuar gjithçka dhe për të thënë se Kresha vetëm është duke i bërë marketing vetës me ato komente.

“Kam dëgjuar pak nga ato fjalë dhe shpifje që janë bërë nga Kreshniku gjatë debateve me mysafirët e ‘VIP Shpija 2’ dhe thënë të drejtën ndjej keqardhje për të se çfarë prezantimi të ulët i bën personalitetit të tij dhe si po mundohej t’i bënte marketing vetes duke u kapur për emrin tim. Them se do të vijë shpejt momenti ku do të sqarohen shumë mirë e pastër të gjitha këto gojëdhëna sepse nuk lejoj që të përlyhet në asnjë mënyrë emri dhe karriera ime për të cilën punoj shumë gjatë dhe devotshëm, e sidomos jo nga një njeri i cili është shumë jo-falënderues dhe mosmirënjohës”, është shprehur Blero për Telegrafi.

Ai ka folur edhe për reklamën e shumëpërfolur të PTK-së duke thënë se ajo i ishte ofruar vetëm atij, dhe se ka qenë pikërisht dëshira e tij për ta ftuar Mc Kreshën.

“Dua veç pak ta prek aq të përfolurën reklamë të PTK-së për të cilën Kreshniku kishte thënë që i kam të holla borxh. Mund ta pyesni Kreshnikun nëse ai ka pasur ofertë nga PTK- ja ose nëse ka pasur kontratë për atë reklamë. Asnjërën nga këto nuk i ka pasur sepse unë jam ai i cili kam pasur ofertë nga PTK-ja dhe kam kontratë në të cilën ceket që unë marr përgjegjësi për përzgjedhjen e këngës që do të përdoret në reklamë, për bashkëpunimin me ndonjë koleg të mundshëm dhe përzgjedhjen e produksionit që do ta realizojë reklamën”.

“Prandaj koincidoj që në atë kohë doli kënga ime “Higher” ku kisha bashkëpunim me Kreshnikun dhe Snupen dhe vendosa që atë këngë të modifikuar ta prezantoj në reklamë dhe unë jam ai që e ftova Kreshnikun në reklamë dhe të cilit ja pagova honorarin të cilin e ka merituar për aq sa ka bërë”, ka shtuar më tej Blerimi.

Ai po ashtu ndjen keqardhje që Kresha ka zgjedhur një mënyrë të ultë për ta prezantuar veten duke u munduar t’i poshtërojë ata persona që i kanë ndihmuar.

“Unë jam shumë fatlum që kam shumë gjëra të rëndësishme e madhore për të cilat e shfrytëzoj kohën time dhe ndjej keqardhje për atë person që ka zgjedhë një mënyrë të cekët për të prezantuar veten, duke u munduar t’i poshtërojë pikërisht ata që e kanë ndihmuar. Unë jam natyrë që nuk u jap rëndësi gjërave të parëndësishme siç janë tani këto thashetheme. Kur njeriu merret me diçka apo dikë, kjo do të thotë që i jep shumë rëndësi, por në këtë rast meqë besoj që edhe publiku i gjerë ka nevojë për një sqarim apo deklaratë timen, atëherë vendosa të jap një deklaratë të shkurtër dhe të sinqertë”, ka përfunduar Blero. /Telegrafi/

Këngëtari kosovar Blerim Muharremi i njohur si Blero, javën që vjen do të jetë konkurrent në festivalin ‘Top Fest 8’.

Blero, në një bisedë për Telegrafi.com ka njoftuar se kënga me të cilën do të konkurrojë është punuar nga Çekiçi dhe është një këngë me një ritëm ‘house’ dhe ‘RnB’, duke shtuar se për të dhe fansat e tij pjesëmarrja në këtë festival ka një rëndësi të madhe.

“Ka dalë një këngë interesante, është e punuar nga Çekiçi me ritëm ‘house’ dhe përzierje ‘RnB’. Paraqitja ime në ‘Top Fest’ do të thotë shumë për mua dhe fansat e mi. Më pëlqen që është ‘live’ dhe besoj që do të jetë shumë interesant”, ka përfunduar Blero. /Telegrafi/

Artistet shqiptarë, megjithese shpesh marrin shuma te majme per performancat e tyre, ka raste kur ata interpretojne pa pagese, per qellime bemiresie.

Nje rasti i tille social, i nje te riu nga Kosova, i cili lengon nga nje semundje e rende, do te bashkoje te merkuren (16 mars) disa kengetare dhe DJ te njohur, qe do te performojne ne nje mini koncert bamiresie, ne nje nga klubet e nates ne Prishtine.

Mes emrave te kengetareve pjesemarres, tashme jane konfirmuar Blero, Ermal Fejzullahu, Hekuran Krasniqi, grupi TDS etj. Mjetet e mbledhura ne kete mbremje do t’i dedikohen sherimit te te riut ne nevoje.