Aktorja hollivudiane, Angelina Jolie, gjatë fundjavës që lamë pas ka qëndruar në Ekuador, ku i ka vizituar refugjatët.

Në një komunikatë të OKB-së thuhet se Jolie ka realizuar vizitën e parë zyrtare në Ekuador qëkur është caktuar këtë muaj si e dërguar për refugjatët pranë kësaj organizate.

Aktorja i ka vizituar refugjatët që kanë ikur nga dhuna në shtetin fqinj, Kolumbi. Ndërkaq, përveç refugjatëve, ajo ka takuar edhe ministrin e Jashtëm të Ekuadorit, Ricardo Patino.

“E inkurajoj këtë qeveri që të vazhdojë të ndihmojë familjet e rrezikuara”, ka deklaruar Jolie.

Në këtë imazh duket qartë se Angelina Jolie është në rolin e dublifikuar për të famshmen e ekranit Sophia Loren.

Tanimë mund të cilësohet e fejuara e Brad Pitt duket paksa më e vjetër se mosha e saj reale në këtë fotografi bardh e zi të publikuar vetëm pak ditë pas shkëmbimit të unazave.

Fotografia është realizuar në kuadër të reklamimit të bizhuterive të Robert Procop. Imazhi gjithësesi të sjell në vëmendje atë që sot është 77 vjeçare dhe mbetet ikonë e kinemasë.

Angelina Jolie ka pasur një grindje me Brad Pitt, sepse ai çdo ditë po shkruhet me Jennifer Lawrence.

Pas një zënke të ashpër, regjisorja e filmit “Në tokën e gjakut e mjaltit”, shkoi vetë për pushime në Amsterdam.

Jennifer ia ka errësuar mendjen. Vazhdimisht në shoqëri flet rreth saj, thonë miqtë e aktorit 48-vjeçar, Brad Pitt.

Aktori është fjalosur ashpër me aktoren 36-vjeçare, sepse Brad për çdo ditë shkruhet me aktoren 21-vjeçare.

“Është çmendur kur i ka parë mesazhet,” zbulojnë miqtë e çiftit hollywodian.

Angelina pas përleshjes shkoi për pushime në kryeqytetin e Holandës. Brad është njoftuar me kolegen e re në parapremierën e filmit “Lojërat e Urisë”.

Kjo nuk është hera e parë që çifti “Brangelinë” fjalosen ashpër, pasi muaj më parë Brad e kishte ‘çartur’ Angelinën kur i kishte thënë djalit të tyre, Madoxit, se dikur e kishte dashuruar si i çmendur ish-bashkëshorten, Jennifer Aniston, e cila madje kishte kërkuar një kampion të spermës së tij për të pasur një fëmijë nga ai. Për këtë arsye thuhet se Angelina ka planifikuar që ta shtyjë martesën e tyre.

Aktorja amerikane, Angelina Jolie, e ka refuzuar skenarin për vazhdimin e dytë të filmit “Salt”- shkruan revista Moviehole.

Në filmin e parë nga viti 2010, Jolie luan rolin e një agjenteje që akuzohet si e dyfishtë, ndërsa ky film u shndërrua në një hit botëror dhe e bëri atë si aktoren më të paguar në Hollywood.

Megjithatë, ajo nuk ka qenë e kënaqur me skenarin e “Salt 2”, të cilin po e shkruan Kurt Wimmer.

I njëjti skenarist e ka shkruar skenarin për filmin e parë, ndërsa pas refuzimit të skenarit të dytë nga aktorja kryesore, thuhet se është duke punuar në ndryshimit e tij.

Shtypi serb ka ironizuar dje shfaqjen e premierës së filmit të Angelina Jolie, një film mbi tmerret e luftës në Bosnje, dhe e kanë konsideruar tërësisht “armiqësor” dhe “anti-serb”.

Komentet e mediave erdhën pasi prodhimi kinematografik u ndoq mbrëmjen e djeshme jo më shumë se nga 40 persona, në katër salla të ndryshme kinemash të Beogradit.

“Në vendin e pesë spektatorëve” ka qenë titulli i së përditshmes më të madhe beogradase “Press”, e cila ka vënë në lojë titullin e filmit të Jolie, “Në tokën e gjakut dhe mjaltit”.

“Bëmë mirë që luajtëm poker. Në premierën e filmit në sallë ndodheshin vetëm pesë persona. Dhe ky produksion nuk meriton më shumë se pesë persona”, shkruan më tej gazeta, që ka publikuar edhe një foto të sallës pothuajse boshe.

Më tej, “Press” shprehet e ashpër mbi paragjykimet anti-serbe që ka filmi. Këtë sipas gazetës e mendojnë edhe shumica e opinionit publik serb, duke qenë se filmi denoncon dhunimin në masë të grave muslimane gjatë luftës në Bosnje.

Jolie është shprehur edhe më herët në lidhje me këtë film, duke sqaruar se ajo po keqkuptohet nga populli serb, pasi ajo ka dashur të trajtojë vetëm historinë e dashurisë ndërmjet një serbi të krishterë dhe një vajze myslimane.

Në jehonën e promovimit të debutimit të saj regjisorial “Në tokën e gjakut dhe mjaltës”, Angelina Jolie ka marrë ofertë për të luajtur personazhin negativ në filmin e Disneyt “Bukuroshja e fjetur”.

Aktorja dhe regjisorja holivudiane vitin e kaluar në një intervistë kishte thënë se do të donte që roli i saj i ardhshëm të jetë në ndonjë krijimtari të Disneyt.

Menjëherë pas kësaj, Angelinës i ishte ofruar roli në “Bukuroshja e fjetur”, në të cilin do të jetë në gjendje të tregojë aftësitë e saj që i ka demonstruar në filmin “Lara Croft”.

Ndërsa filmi “Në tokën e gjakut dhe mjaltës” ku bashkëshortja e aktorit Brad Pitt, Jolie, është regjisore, ka nxitur debat të madh në mediat ballkanike, veçanërisht në Serbi dhe Kroaci, ku autoritetet e shtetit serb ia kanë ndaluar aktores që të bëjë promovimin e filmit ndërsa mediat kroate për javë të tëra kanë shkruar se aktorja e ka vjedhur idenë e filmit nga gazetari i këtij vendi, Josip J. Knezheviq.

Filmi me skenar dhe regji nga Jolie tregon historinë e dashurisë mes ushtarit serb, Daniel, dhe një femre myslimane, Ajla, të cilët ndahen shkaku i luftës në Bosnjë në vitin 1992.

Angelina Jolie ka hyrë në një dietë ekstreme. Sipas revistës britanike “Now”, aktorja është duke jetuar vetëm nga dredhëzat për momentin.

“Ajo po konsumon vetëm dredhëza, por edhe manaferra dhe mjedra. Por, asnjëherë nuk ka ngrenë drekë me yndyra.

Madje edhe fëmijëve u propozon ushqime organike, fruta dhe perime”, tha një burim i afërt me Angien.

Angelina Jolie thotë që do të dëshironte të trashej, por natyra asaj ia ka përcaktuar të jetë e dobët. Aktorja 36-vjeçare hodhi poshtë pohimet se ka çrregullime në ushqim dhe se vuan nga anoreksia.

“Njerëzit gjithmonë flasin, por unë gjithmonë kam qenë e dobët. As mua nuk më pëlqen që jam e këtillë.

Kur njerëzit pohojnë se je e dobët ky është kompliment në Hollywood, por kjo mua më shqetëson. Po të mundesha të bëja një magji dhe deri nesër t’i shtoja shtatë kilogramë do të isha shumë e lumtur. Sidomos nëse ata kilogramë do të shkonin në vendet e duhura”, tha ajo.

Angelina thotë se është adhuruese e madhe e ushqimit. “Bëj shaka kur them se çelësi i bukurisë sime është në biftekët e mëdhenj dhe të yndyrshëm.

Seriozisht, shumë e dua mishin e kuq. Gjatë kam qenë vegjetariane dhe kjo për pak më mbyti, nuk merrja vlera të mjaftueshme ushqyese”, tha Angelina. Aktorja është e gjatë 172 centimetra dhe pesha e saj normale, sipas ekspertëve, do të duhet të jetë së paku 57 kilogramë. Ajo tani peshon vetëm 44 kilogramë.

Sipas revistës “OK!”, Angelina Jolie është shtatzënë dhe po pret sërish binjakë. Revista mbështetet tek të zakonshmit “miq të afërm” të çiftit, të cilët janë shprehur se bashkëshortja e Brad Pittit do të shtojë familjen prej 6 fëmijësh (3 biologjikë dhe 3 të adoptuar) edhe me 2 të tjerë.

“Angelina lajmin ia ka dhënë vetëm një grupi të vogël personash dhe nuk dëshiron që ta bëjë zyrtar që tani”, shprehen burimet e OK!, transmeton TCH.

Gjithashtu këto burime anonime japin edhe detaje mbi dekorimin e dhomës së të vegjëlve: “Do të mbizotërojë ngjyra e bardhë”.

Për momentin Jolie “vërdalliset” nëpër tapete të kuq në gjithë botën pa asnjë shenjë shtatzënie, por nëse lajmi është i vërtetë aktores do t’i duhet që shumë shpejt ta bëjë publik.

Angelina Jolie, të cilën shumica e konsiderojnë si femra më e bukur në botë, e zbuloi se trupi i saj nuk është i përkryer.

Sot është e famshme falë karrierës së saj të suksesshme filmike, por kjo aktore ia rikujtoi medieve amerikane aksidentin i cili ndodhi para dhjetë vitesh gjatë realizimit të filmit “Tomb Raider”, në të cilin e interpretoi Lara Croft-it.

“Më mungon një pjesë e bërrylit. Kam goditur në diçka gjatë realizimit të skenave aksion dhe e theva atë”, tha Angelina Jolie dhe shtoi se mjekët nuk kanë mundur në tërësi ta sanojnë atë pas lëndimit të rëndë.