Krahas sukseseve në modelim Afërdita Dreshaj arrin të ketë suksese edhe në fushën e këngës, mbase si duket ky profesion e josh më shumë.

Ajo tani në prag të festave të fundvitit ka lansuar projektin e saj më të ri këngën “Komplikimi” e shoqëruar bashkë me videoklip.

Ka disa ditë që klipi është lansuar në tregun muzikor dhe Afërdita është e kënaqur që publiku po mirëpret këtë projekt. “Sapo është lansuar ky projekt dhe kam vërejtur se publiku po e pëlqen këngën. Jam munduar të punoj mjaft shumë si në këngë ashtu edhe në videoklip. Një meritë të madhe e ka edhe produksioni ‘Max Produktion’ që ka realizuar një klip të mrekullueshëm”, ka thënë ajo për “Zërin”.

Sërish “Paparazzi Albania” ka tërhequr vëmendjen e publikut shqiptar me një sondazh tejet pikant.

Nën thirrjen “Votoni të pasmet më seksi” faqja e Facebook-ut të “Paparazzi Albania” është vizituar nga qindra shqiptarë të cilët kanë votuar edhe të pasmet më seksi të show biz-it shqiptar. Numri i konkurrentëve në këtë sondazh ka kapërcyer numrin dhjetë.

Pjesa më e madhe e tyre janë këngëtare të reja ose personazhe të tjera të njohura të show biz-it shqiptar si: Elvana Gjata, Adelina Ismajli, Afërdita Dreshaj, Dafina Zeqiri, Rezarta Shkurta, Samanta Karavella, Zajmina Vasjari, Anxhelina Hadërgjonaj e shumë të tjera. Vendin e parë të këtij sondazhi e mban Zanfina Ismajli, vendin e dytë e mban Elvana Gjata dhe e treta në këtë sondazh ka rezultuar Adelina Ismajli.

Pas tyre ndër më të votuarat janë: Adelina Tahiri, Adelina Berisha, Nora Istrefi, Rozana Radi, etj. Kanë çuditur në këtë sondazh emrat e bukurosheve si Zajmina Vasjari, Rezarta Shkurta dhe Dafina Zeqiri, të cilat kanë rezultuar në vendet e fundit./Bluetooth/

Kur Afërdita Dreshaj, u bë zyrtarisht përfaqësuesja e Kosovës në kompeticionin e bukurisë “Miss World”, vëmendja e publikut u shkëput nga angazhimet e saj si këngëtare.

Por, mesa duket Afërdita do të vazhdojë të merret me muzikë po aq intensivisht sa merret edhe me modeling apo konkurse bukurie. Jo më vonë se këtë javë, ajo pret të lançojë hitin e saj më të ri “Komplikimi”.

Ndërsa hiti nuk është publikuar ende, kënga nuk është fare e padëgjuar për publikun. Në fakt, para pak kohësh Afërdita Dreshaj e prezantoi këngën për publikun e saj në RTK21, një televizion në Kosovë. Klipi është realizuar nga “Max production” dhe pritet të publikohet në BBF televizion./bluetooth/

Këngëtarja seksi, njëherazi mbretëresha në fuqi e konkursit “Mis Kosova 2011″, Afërdita Dreshaj, këto ditë ka qenë e impenjuar me përgatitjet dhe realizimin e një shërbimi të ri fotografik, të cilin e ka anonçuar që më herët.

E fejuara e këngëtarit Shpat Kasapi ka punuar me një prej fotografëve të mirënjohur kosovarë dhe sapo ka mbaruar këtë set fotografish, nuk ka vonuar të hedhë disa prej tyre në rrjetet e popullarizuara sociale, me qëllim që të admirohet nga fansat.

Me këtë rast, ka shkruar edhe në Twitter:  “Up so early, …photo shoot for a magazine cover”.

E ka fjalën që është ngritur nga gjumi shumë herët, sepse duhet të realizojë fotosetin për një revistë. Se për cilën revistë bëhet fjalë, këtë do ta mësojmë shumë shpejt, edhe pse në fotot që na ka servirur, ajo ngjan shumë me supermodelet e njohura të “Victoria’s Secret”, që shquhen për pozat me të brendshme dhe krahë engjëjsh.

Ndoshta Afërdita si modele që është, përherë ka ëndërruar të jetë pjesë e VS-së, gjë që pak a shumë e ëndërrojnë të gjitha modelet e botës, ndaj ka dashur t’u ngjajë të pakën për pak momente engjëjve si Miranda Kerr, Adriana Lima, Alessandra Ambrosio etj. Vetëm pak kohë më parë, kushërira e Afërditës, modelja Tika Camaj Ivezaj, gjatë një audicioni për modele në agjencinë VS, arriti deri në “Top 5”, por nuk ia doli më tej!

Të gjithë do bëhen kuriozë se në ç’drejtim ia kalon Afërdita Dreshaj Gjystes, sepse në muzikë jo e jo, kjo është e sigurt, të paktën edhe duke hedhur një vështrim të përciptë në koncertet e këngëtares ekstravagante (që janë përherë plot)!

Në këtë rast pra, e kemi fjalën vetëm për gjatësinë trupore. Po, po, për gjatësinë! Dihet që si një modele me përmasa shumë afër ideales, Afërdita- e fejuara e këngëtarit Shpat Kasapi; është një prej femrave që shquhet jo vetëm për bukurinë, por edhe për shtatlartësinë, rreth 1.82 cm.

Ndërkohë, Gjystja nuk ka dashur të tregojë gjatësinë në cm, por ka thënë vetëm se në skenën muzikore ia kalon Afërdita. “I kam ngjarë mamit dhe dajës, po ashtu edhe xhaxhait”, ka pohuar “mamaja seksi”, kur është pyetur nëse gjatësia e saj është biologjike.

Në fakt, Gjystja nuk shquhet më shumë për gjatësinë, sesa për format e bollshme trupore, sidomos për gjoksin, për të cilin së fundi është thënë se e ka rregulluar përmes kirurgjisë plastike…

Modelja Afërdita Dreshaj, e cila së fundi përfaqësoi Kosovën në “Miss Universe”, i është kthyer sërish muzikës.

Afërdita së fundi është duke përgatitur dy këngë të reja, të cilat do t’i shoqërojë edhe me videoklipe.

“Jam duke realizuar dy këngë të reja, të cilat do të lansohen bashkë me videoklipe. Këto do t’i punoj me produksionin ‘Max Production’. Nuk dua të zbuloj më shumë se si do të jenë këngët dhe klipet për shkak se dëshiroj që çdo gjë të jetë surprizë për adhuruesit e mi”, ka thënë ajo për të përditshmen “Zëri”.

Afërdita gjatë këtyre muajve është e angazhuar edhe me përgatitje të programeve për Vitin e Ri, në të cilat mundohet të paraqitet sa më bukur.

Yjet e muzikës e showbizit vendës janë munduar të kopjojnë ato në botë, duke e festuar Natën e Shtrigave – Halloween.

Disa party janë mbajtur mbrëmë në Prishtinë për njerëz me maska.

Në mesin e tyre kanë qenë edhe këngëtaret Tuna e Nora Istrefi si edhe Miss Kosova Universe, Afërdita Dreshaj, që kanë veshur kostume të veçanta për këtë festë kryesisht amerikane.

Në fakt, ashtu siç e ka edhe titullin si më e bukura, ajo këtë herë sikur bindi edhe një herë se është vërtet e tillë dhe ka shije.

Po flasim për Afërdita Dreshajn, e cila në “Zhurma Show Awards 2011″ ka shkëlqyer, por edhe i fejuari i saj, këngëtari Shpat Kasapi, është dukur bukur. Jo kot ata fituan në këtë spektakël edhe çmimin si çifti më i mirë.

Fustani që i rrinte bukur Afërditës ishte punuar nga stilistja e njohur dhe bashkëpunëtorja e saj e ngushtë, Vjollca Llapashtica, dhe për këtë ajo është dukur shumë “in”.

Ndërsa, ne e siguruam një foto, në të cilën ajo po bëhej gati para se të ecte në tepihun e kuq. M. GJ.

Modelja dhe këngëtarja Afërdita Dreshaj, e cila arriti të kualifikohej deri në pesëmbëdhjetëshen e vajzave më të bukura të globit, pavarësisht se ka vite që realizon shërbime të ndryshme fotografike, është e sigurt që nuk do ta kalojë masën…

Të paktën pyetjes se a do të guxonte të pozonte ndonjëherë nudo, sikurse bëjnë shumë modele, e fejuara e Shpat Kasapit i është përgjigjur në mënyrë kategorike “Jo”. Çudi që kjo deklaratë e “Mis Kosovës” nuk na ka spikatur më parë, pasi në intervista të ndryshme që jep gjatë gjithë kohës, Afërdita do të jetë pyetur në lidhje me një çështje të tillë.

Konkurrentja e “Miss Universe” që është shprehur pak ditë më parë se vajzat latine i konsideronte rivalet më të forta në këtë garë (pavarësisht se kurora e “Miss Universe” shkoi në Afrikë me Mis Angola-n), ka marrë pas këtij eventi me dhjetëra e dhjetëra oferta modelimi, pasi një femër si ajo vështirë të mos bjerë në sy…  Zakonisht modeleve u kërkohet gjatë shërbimeve të ndryshme fotografike që të pozojnë  “topless” apo nudo (artistike), ndaj nuk e dimë sesi mund ta zgjidhë Afërdita e bukur këtë “problem”.

Ne shqiptarët e Shqipërisë dhe të Kosovës, në fakt prisnim shumë më tepër se kualifikimi në 15-she për Afërditën, e cila në sondazhe të ndryshme shpallej përherë në “Top 5”, megjithatë me shumë inteligjencë, Afërdita ka thënë se është e kënaqur me këtë rezultat.

Nuk është pak të jesh pjesë e 15 vajzave më të bukura të planetit”, – ka thënë Afërdita, e cila këto ditë ndodhet në Tiranë, pasi shumë shpejt do të publikojë një tjetër këngë me klip.

Miss Kosova dhe “Miss Serbia”, në një foto të përbashkët kanë shqetësuar disa media serbe, të cilat e kanë komentuar këtë veprim si një pranim i pavarësisë së Kosovës nga ana e serbes bukuroshe.

Fotoja është bërë në garën për “Miss Universe” në Rio, në Brazil, ndërsa bukuroshja serbe, Ana Sharanoviç është detyruar të sqarojë pas aludimeve për “tradhti kombëtare” se si ka ardhur deri të fotoja me “Miss Kosovën”, Afërdita Dreshaj.

Bukuroshja serbe ka thënë se gjithçka bëhet për shkak të mirësjelljes dhe se ajo i qëndron idesë që Kosova është Serbi.