Mark Wahlberg dhe kolegët e tij u mblodhën në Londër për premierën globale të filmit që i bëri bashkë të gjithë, “Transformers: The Last Knight”.

I fundit i serisë së pesë filmave aksion të regjisorit Michael Bay thuhet të jetë edhe lamtumira e “Transformers”. Wahlberg e bëri të qartë se do të plotësojë kërkesën e regjisorit për të mos marrë pjesë në një vazhdim të filmit.

“Kam firmosur që të bëj filma me Michael. Nëse ai dëshiron një ‘Transformers’ tjetër, shkëlqyeshëm. Por nëse do të shkëputet e të merret me gjëra të reja, unë nuk e kam problem”, ka deklaruar Wahlberg.

Një prej temave të filmit është t’i ngatërrosh miqtë për armiq, transmeton Top Channel.

“Ndonjëherë mendon diçka për një person dhe pastaj të rezulton krejt e kundërta. Duhet të jesh i kujdesshëm me njerëzit dhe të mos nisesh thjesht nga fjalët e të tjerëve për të krijuar përshtypjet e tyre për një person, përveç rastit kur ke dyshime edhe vet”, është shprehur aktori tjetër, Josh Duhamel.

Laura Haddock interpreton rolin e profesoreshës së Universitetit të Oxfordit, Viviane Wembly, e cila lidh aleanca me personazhin e Wahlberg, Cade Yeager, për të shpëtuar botën.

“Transformers: The Last Knight” do të shfaqet në kinematë botërore nga data 21 qershor.

PËRGJIGJU

Please enter your comment!
Please enter your name here