Shtypi serb ka ironizuar dje shfaqjen e premierës së filmit të Angelina Jolie, një film mbi tmerret e luftës në Bosnje, dhe e kanë konsideruar tërësisht “armiqësor” dhe “anti-serb”.

Komentet e mediave erdhën pasi prodhimi kinematografik u ndoq mbrëmjen e djeshme jo më shumë se nga 40 persona, në katër salla të ndryshme kinemash të Beogradit. (more…)

Ezel është një dramë rreth dashurisë, miqësisë, tradhtisë dhe hakmarrjes dhe tani…një fenomen televiziv me miliona shikues në mbarë globin. I shitur në mbi 60 shtete dhe numri sa vjen dhe rritet, Ezel transmetohet ekskluzivisht në “Klan” nga e hëna në të enjten, në prime-time në ora 20:05.

Një prodhim madhështor me aktorët më të mirë turq dhe fitues i shumë çmimeve ndërkombëtare për aktorët, regjinë, skenarin, fotografinë, montazhin,  kolonën zanore më të mirë dhe mbi të gjitha si seriali dramatik turk më i mirë i vitit 2011. (more…)

Kur presidenti i jurisë ndërkombëtare në edicionin e 62-të të Berlinales, Mike Leigh, në ditën e parë të festivalit kishte thënë se “është koha për valën e filmit evropian”, shumëkush e kishte menduar vetëm si deklaratë. Një javë më pas, të gjithë u binden se fjalët e Leighit kanë dashur të thoshin diçka për fituesin.

”Kur themi film evropian, nënkuptojmë diçka të mençur e me kapacitet të madh intelektual. Filmi fitues është tamam kështu”, e ka komentuar Leigh filmin italian “Caesar Must Die” nën regji të vëllezërve Paolo e Vittorio Taviani, raporton sot Koha Ditore. Filmi i tyre, të shtunën mbrëma, është shpallur më i miri i edicionit të 62-të të Festivalit Ndërkombëtar të Filmit në Berlin. Filmi që tenton të tregojë universalitetin e gjuhës së Shakespeare, nëpërmjet vendosjes së aktorëve në pozicione që u duhet të kërkojnë rolin e tyre e që realisht është i pamundur, ka marrë trofeun më të vlerësuar të festivalit, “Golden Bear”.

Çmimin e dytë më të rëndësishëm të festivalit, “Silver Bear” që njihet si çmimi i madh i jurisë ka shkuar tek ai nën regji të Bence Fliegaufit “Just The Wind”, një bashkëprodhim mes Hungarisë dhe Gjermanisë. “Ariun e Argjendtë” për regjisorin më të mirë e ka marrë Christian Petzold për filmin “Barbara”. Të njëjtin çmim për aktoren më të mirë e ka rrëmbyer Rachel Mwanza për rolin e saj në filmin “Rebelle” nën regji të Kim Nguyen, ndërsa kolegu i saj Mikkel Boe Folsgaard është nderuar si aktori më i mirë për rolin e tij në filmin nën regji të Nikolaj Arcelit “A Royal Affair”. I njëjti film është vlerësuar nga juria edhe me çmimin “Silver Bear” për skenarin më të mirë. Çmimin e kanë marrë skenaristët Nikolaj Arcel e Rasmus Heisterberg.

Në ceremoninë përmbyllëse të edicionit të 62-të të Berlinales është ndarë edhe çmimi “Alfred Bauer Prize” që jepet në nderim të themeluesit të festivalit për filmat më inovativ që këtë vit i ka takuar filmit “Tabu” nën regji të Miguel Gomes, ndërsa çmimi special “Silver Bear” i ka takuar filmi francez “Sister” nën regji të Ursula Meierit.

Filmi më i mirë i shkurtër i këtij edicioni të Berlinales është shpallur ai me regji të Joao Salaviza “Rafa” që flet për një adoleshent që po e kalon një fazë të zorshme të jetës së tij. Në vlerësimin e jurisë thuhet se filmi ofron një pamje magjepsëse të një periudhe që portretizon një djalosh në prag të burrërisë.

Juria e kategorisë së filmave të shkurtër ka ndarë çmimin special “Silver Bear” filmit “The Great Rabbit” nën regji të Atsushi Wadas, teksa me mirënjohje speciale e ka nderuar regjisoren Guile Martins për filmin e saj “Licuri Surf”. E njëjta juri ka vendosur që filmi “Two ships” nën regji të Justine Trietit të nominohet për “European Film Awards 2012”.

Çmime u janë dhënë edhe filmave që u kushtohen gjeneratave të reja. Çmimi “Ariu i Kristaltë” për filmin më të mirë në këtë kategori i është dhënë filmit nën regji të Olivia Silverit “Arcadia”.

Filmi më i mirë debutues është shpallur “Kauwboy” që ka qenë pjesë e kategorisë “Generation Kplus”, teksa me mirënjohje speciale është nderuar filmi nën regji të Emin Alper, “Beyond the Hill”.

Pavarësisht faktit që është shtatzëne, ish aktorja e mega serisë të njohur “Friends” nuk ndalet me planet e saja të punës. Ajo është angazhuar të aktroj në dramën e re komike “Miss you alraedy”.

Ajo e njohur sipas roleve romantike, vendosi që ta zgjeroj horizontin e saj duke shtuar pak dramë në të. (more…)

Këngëtari dhe aktori Justin Timbërllajk, pas rolit në filmin e suksesshëm “The social Network” ka fituar angazhim në edhe një realizim potencial në filmin “Trouble with the Curve”.

Më saktë, ky është projekti i ri i regjisorit dhe aktorit Klint Istvud. Sipas magazinës amerikane “Variety”, në film përshkruhet jeta e një bejsboll lojtarit të ri, të cilin e aktron Justini, dhe gjuetari i vjetër i talenteve të cilin e luan edhe vetë regjisori. (more…)

Pas filmit të suksesshëm “Contagion”, regjisori Steven Soderbergh nuk ndalet me xhirime, ndërsa me tematikë të njëjtë vazhdon edhe në filmin e ri “Side effects”. Në projektin e ri ai ka zgjedhur aktoren e famshme Catherine Zeta Jones për rolin kryesor.

Filmi “Side effects” është film psikologjik, ndërsa aktorja do të ketë rolin e mjekes. Për aktoren e famshme ky do të jetë bashkëpunimi i tretë me Soderberghun, pas filmave të suksesshëm “Ocean Twelve” dhe “Traffic”. (more…)